06.10.2023

Պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ: Այս մասին հայտնում են ԱՄՆ պետքարտուղարությունից: Զրուցակիցներն ընդգծել են, որ ԱՄՆ-ն ու Թուրքիան ունեն ընդհանուր նպատակ` պայքար ահաբեկչական սպառնալիքների դեմ: «Անկախ հանգամանքից` որտեղ են այդ սպառնալիքները` Սիրիայում, Իրաքում, թե մեկ այլ վայրում, դրանք խաթարում են ԱՄՆ-ի, Թուրքիայի և մեր դաշնակիցների անվտանգությունը»,- ասել է…

Ռուսական խաղաղապահ զորակազմի պատասխանատվության գոտում հրադադարի ռեժիմի խախտումներ չեն արձանագրվել, հայտնում է ՌԴ պաշտպանության նախարարությունը։ «Օրվա ընթացքում դիտակետերը կողմերի շփման գծից հետ քաշելու և զինաթափելու կապակցությամբ փակվել է երկու դիտակետ Շուշիի և Ասկերանի շրջաններում և ևս մեկ ժամանակավոր դիտակետ՝ Մարտակերտի շրջանում»,- գրված է ամփոփագրում։

Հոկտեմբերի 6-ին Ղրղզստանի հյուսիսում գտնվող Բալիկչի քաղաքի մոտ մեկնարկել են ՀԱՊԿ-ի «Անխախտ եղբայրություն» զորավարժությունները: Հայաստանը չի մասնակցում զորավարժանքներին, հայտնել է Ղրղզստանի պաշտպանության նախարարությունը։ ՀԱՊԿ անդամ մյուս հինգ երկրների մասնակցությամբ զորավարժությունները կտևեն մեկ շաբաթ:

ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանին կոչ է արել մեծացնել միջազգային աջակցությունն ու մարդասիրական օգնությունը Հայաստանում ապաստանած Լեռնային Ղարաբաղի ավելի քան 100000 հայերին։ «ԵԱՀԿ գործող նախագահն ի գիտություն ընդունելով հոկտեմբերի 1-ին ՄԱԿ-ի ներկայացուցիչների այցը Ստեփանակերտ, այն կարծիքն է հայտնել, որ տեղում միջազգային ներգրավվածության վերաբերյալ քննարկումները պետք է շարունակվեն, անկախ միջազգային դիտորդական…

Israel Aerospace Industries-ի հետ գործարքի շրջանակում Ադրբեջանի տիեզերական գործակալությունը՝ Azercosmos-ը, ձեռք է բերել երկու բազմասպեկտրալ էլեկտրաօպտիկական լրտեսական արբանյակ: Ձեռքբերումը նախատեսված է Ադրբեջանի հնարավորությունները դիտարկման և տեղազննման ոլորտում ուժեղացնելու համար, հայտնում են ադրբեջանական լրատվամիջոցները։ Ե՛վ Azercosmos-ը, և՛ Israel Aerospace Industries-ը, որոնք տեղակայված են Թել Ավիվի տարածքում, լռում են արբանյակի կոնկրետ մոդելի կամ պայմանագրի ճշգրիտ ֆինանսական պայմանների…

Մոտ ժամանակներս Ադրբեջանում ՄԱԿ-ի մշտական ​​համակարգողի գրասենյակը կազմակերպության համապատասխան մասնագիտացված գերատեսչությունների ներկայացուցիչների հետ կրկին կայցելի Լեռնային Ղարաբաղ։ Ադրբեջանական լրատվամիջոցները հայտնում են, որ, այդ մասին հոկտեմբերի 6-ին հայտարարվել է Իլհամ Ալիևի և Առողջապահության համաշխարհային կազմակերպության Եվրոպական տարածաշրջանային գրասենյակի տնօրեն Հանս Հենրի Կլյուգեի հանդիպման ժամանակ։

Ադրբեջանի մարդու իրավունքների պաշտպանն այցերի շրջանակներում ընդունել է ԼՂ ԱԳ նախկին նախարար Դավիթ Բաբայանին։ Ըստ ադրբեջանական լրատվամիջոցների՝ այցը տեղի է ունեցել հոկտեմբերի 3-ին: Հաղորդվում է, որ օմբուդսմենն անհատապես լսել է Դավիթ Բաբայանին, ուսումնասիրվել են նրա պահման և բուժման պայմանները։ Ըստ աղբյուրների՝ Բաբայանին ապահովել են փաստաբանով։ 

Շիրակի մարզում ապաստանել է մոտ 3600 բռնի տեղահանված: Ավելի քան 2000 արցախցիների իր հարկի տակ է ընդունել Գյումրին՝ ապահովելով կացարանով: Մոտ 500 քաղաքացու քաղաքապետարանն ապահովում է սննդով, ցուցակագրում նաև մեր հայրենակիցների կարիքները: Ադրբեջանական ռմբակոծություններից փրկվածներն արդեն երկրորդ անգամ են իրենց տները լքում, մտածում են Գյումրիում վերջնական հաստատվելու մասին: Մանրամասները՝ տեսանյութում:

Իրանի ճանապարհների ու քաղաքաշինության նախարար Մեհդի Բազրփաշը երկօրյա այցով Ադրբեջանում է՝ այս տարվա հուլիսին կայացած Իրան-Ադրբեջան տնտեսական համագործակցության հանձնաժողովի նիստում հաստատված նախագծերն իրականացնելու համար։ Նրան դիմավորել է Ադրբեջանի փոխվարչապետ Շահին Մուստաֆաևը։   Պաշտոնյաները առանձնազրույց են ունեցել, քննարկել երկկողմ հարաբերություններին, տրանսպորտային ենթակառուցվածքներին և տարածաշրջանային իրավիճակին առնչվող հարցեր: Մեհդի Բազրփաշը նշել է, որ երկու երկրի հարաբերությունները բնականոն…

Հաագայում ՄԱԿ-ի Արդարադատության միջազգային դատարանը հոկտեմբերի 12-ին լսումներ է նշանակել Ադրբեջանի դեմ Հայաստանի հայցի վերաբերյալ՝ Ռասայական խտրականության վերացման մասին կոնվենցիայի համաձայն, Լեռնային Ղարաբաղում տիրող իրավիճակի հետ կապված, ասվում է դատարանի հաղորդագրության մեջ։ Հայաստանը կոչ է արել դատարանին ժամանակավոր միջոցներ կիրառել Բաքվի դեմ։ Իր հայցում Երևանը խնդրում է դատարանին պարտավորեցնել Բաքվին զերծ մնալ ցանկացած միջոցից, որը…

Եվրամիությունը չպետք է գազ գնի Ադրբեջանից, քանի որ Լեռնային Ղարաբաղում Բաքվի իրականացրած ռազմական գործողություններից հետո հանրապետությունն անհուսալի գործընկեր է: Այդ մասին Գրանադայում Եվրոպական քաղաքական համայնքի գագաթնաժողովի շրջանակում լրագրողներին ասել է Եվրախորհրդարանի ղեկավար Ռոբերտա Մեցոլան։ «Մենք չենք կարող անցնել մի անվստահելի էներգետիկ գործընկերոջից մյուսը: Սա մեր դիրքորոշումն է»,- ասել է նա: Ավելի վաղ Politico թերթը, հղում…

ԱՄՆ մի խումբ կոնգրեսականներ նամակ են հղել պետքարտուղար Էնթոնի Բլինքենին և ԱՄՆ Միջազգային զարգացման գործակալության տնօրեն Սամանտա Փաուերին, որում կոչ են արել շարունակել ԱՄՆ դիվանագիտական ներգրավվածությունը Հարավային Կովկասում, այն է՝ անվտանգային աջակցություն ցուցաբերել Հայաստանին, կոնկրետ քայլեր ձեռնարկել Հայաստանի տարածքային ամբողջականությունը պահպանելու ուղղությամբ, կասեցնել Ադրբեջանին ռազմական օգնությունն ու շարունակել հումանիտար աջակցություն ցուցաբերել ԼՂ-ից բռնի տեղահանված անձանց:…

ՀՀ հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի կողմից ապօրինաբար առևանգված և բանտերում պահվող ԼՂ նախկին ղեկավարների խնդրին: X-ի իր միկրոբլոգում նա գրել է. «Ադրբեջանի անվտանգության աշխատակիցները վերջերս տեսանյութեր են տարածում Ստեփանակերտից առևանգված և ադրբեջանական բանտերում ապօրինի պահվող Լեռնային Ղարաբաղի ներկայացուցիչների մասին։ Նրանք Լեռնային Ղարաբաղի ժողովրդի նախկին և ներկա, ընտրված կամ նշանակված ներկայացուցիչներն են։…

Ռուսաստանի պաշտպանության նախարարության պատվիրակությունը ուրբաթ կայցելի Երևան՝ քննարկելու Լեռնային Ղարաբաղից ռուսական խաղաղապահ զորակազմի դուրսբերման ժամկետը։ Այդ մասին հայտնում է ՏԱՍՍ-ը: Լեռնային Ղարաբաղում ռուսական խաղաղապահ զորակազմը տեղակայվել է տարածաշրջանում 2020 թվականի նոյեմբերի 9-ին Ադրբեջանի, Հայաստանի և Ռուսաստանի ղեկավարների ստորագրած հրադադարի մասին հայտարարության հիման վրա։ ՌԴ խաղաղապահ զորակազմի տեղակայման ժամկետը սահմանվել է համաձայնագրի ստորագրման պահից հինգ տարի…

Մեծ Բրիտանիայի պաշտպանության նախարարությունը հայտնել է, որ, ըստ արբանյակային լուսանկարների, Ուկրաինայի զինված ուժերի հարվածներից հետո ռուսական զորքերը որոշ ռազմական նավեր են տեղափոխել Սևաստոպոլից Նովոռոսիյսկ, գրում է Euronews-ը։ Բրիտանիայի նախարարության տվյալներով՝ ռուսական զորքերը Սևաստոպոլից Նովոռոսիյսկ են տեղափոխել առնվազն 10 նավ, այդ թվում՝ երեք դիզելային սուզանավ, հինգ դեսանտային նավ և մի քանի փոքր հրթիռային նավ։ Ուկրաինացի պաշտոնյաները…

Ադրբեջանի մարդու իրավունքների պաշտպան Սաբինա Ալիևան առանց նախնական ծանուցման Լեռնային Ղարաբաղի կալանավորված անձանց հանդիպել է կալանավայրերում։ Օմբուդսմենն այցելել է նաև Լաչինի ապօրինի անցակետում բերման ենթարկված ԼՂ նախկին պետնախարար Ռուբեն Վարդանյանին։ 2023 թվականի հոկտեմբերի 3-ի հանդիպման ժամանակ Ալիևան Վարդանյանին լսել է անձամբ, և նրա դիմումներին պատասխան է տրվել։ Հետաքննության ընթացքում Վարդանյանի իրավունքների պաշտպանությունն իրականացնում է նրա…

Ճապոնիան 2 մլն դոլարի դրամաշնորհ կտրամադրի` հաջակցություն ԼՂ-ից բռնի տեղահանված անձանց: Այս մասին հայտնում են Ճապոնիայի ԱԳՆ-ից: «Հաշվի առնելով այն փաստը, որ ավելի քան 100 000 մարդ է տեղահանվել Ադրբեջանի ռազմական գործողությունների հետևանքով, Ճապոնիայի կառավարությունը Կարմիր խաչի միջազգային կոմիտեի և ՄԱԿ բարձրագույն խորհրդի միջոցով 2 մլն դոլարի անհատույց հրատապ օգնություն կցուցաբերի»,- տեղեկացնում են գերատեսչությունից: Հաղորդվում…

Ֆրանսիայի ԱԳ նախարար Կատրին Կոլոննան, France 2-ի եթերում անդրադառնալով ԼՂ-ում իրավիճակին, վերահաստատել է իր աջակցությունը Հայաստանին: ԼՂ-ում էթնիկ զտումների մասին հարցին նա պատասխանել է. «Նման բան է հիշեցնում: Մարդիկ ստիպված են իրենց նախնիների հողը լքել, ստիպված են դուրս գալիս այնտեղից` վերջին ռազմական գործողություններից հետո կամ նոր ռազմական գործողության սպառնալիքի տակ: Դա ինքնակամ ելք չէ»,- ասել…

Թեպետ Բաքուն հրաժարվել է նախնական պայմանավորվածությունից, Գրանադայում կայացել է Հայաստանի, Ֆրանսիայի, Գերմանիայի ղեկավարների և Եվրոպական խորհրդի նախագահի քառակողմ հանդիպումը: Նիկոլ Փաշինյանը միջազգային այլ գործընկերների ևս ներկայացրել է էթնիկ զտման ադրբեջանական քաղաքականության հետևանքները: Մանրամասները` Տաթև Խաչատրյանի ռեպորտաժում:

Այժմ պահանջկոտության, հստակության, պարտավորությունների պահպանման և ռազմական աջակցության ժամանակն է. այս տարբերակն է ընտրել Ֆրանսիան: Այս մասին հայտարարել է Էմանուել Մակրոնը՝ անդրադառնալով Ադրբեջանի նկատմամբ պատժամիջոցների սահմանման հնարավորությանը։ «Այժմ պատժամիջոցների ժամանակը չէ, քանի որ մենք պետք է շարունակենք երկխոսել Ադրբեջանի հետ»,- ասել է նա: Մակրոնը նաև նշել է, որ Ֆրանսիան խնդիրներ չունի Ադրբեջանի հետ, բայց Ադրբեջանը,…