Բոլոր ճանապարհներն էլ կարևոր են, բայց կարևոր է, որ ունենաս լեգիտիմ հիմք՝ քո տարածքը պաշտպանելու, իսկ լեգիտիմ հիմքը քո տարածքում լինելն է, և եթե այդ տարածքում այսօրվա դե-ֆակտո պայմաններում անցնում են կոմունիկացիաներ, որոնք մեր լեգիտիմ տարածքում չեն, պետք է լուծումներ գտնենք նոր ճանապարհներ կառուցելով, ինչպես արել ենք Գորիս-Կապան ճանապարհի դեպքում: Այս մասին խորհրդարանում՝ լրագրողների հետ…
Բելգորոդում և Բելգորոդի շրջանում հրթիռային հարձակման վտանգ է հայտարարվել՝ հայտնել է շրջանի նահանգապետ Վյաչեսլավ Գլադկովը։ Վտանգի ազդանշանը գործել է մոտ 20 րոպե, ապա չեղարկվել է: Ռուսաստանի պաշտպանության նախարարությունից հայտնել են, որ ՌԴ հակաօդային պաշտպանության միջոցները Բելգորոդի մարզի երկնքում ոչնչացրել են Ուկրաինայի Զինված ուժերի Vampire համազարկային կրակի ռեակտիվ համակարգի ինը արկ: Գլադկովը հայտնել է, որ ուկրաինական…
Հաճելի է վերադառնալ Կովկաս՝ այս անգամ ուղեկցելով ՆԱՏՕ-ի գլխավոր քարտուղարին Ենս Ստոլտենբերգին՝ X-ի իր միկրոբլոգում գրել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան: «Սա պատմական այց է Հայաստան, Ադրբեջան և Վրաստան: Կքննարկվեն երկկողմ համագործակցությունը, աջակցությունը Ուկրաինային և տարածաշրջանային անվտանգությունը, ներառյալ՝ Հայաստանի և Ադրբեջանի միջև հարաբերությունների կարգավորումը»,- նշել է պաշտոնյան: Բաժանորդագրվեք…
ԵՄ անդամ 27 երկրների արտաքին գործերի նախարարների խորհրդի նիստի ընթացքում, ի թիվս այլ հարցերի, քննարկվել է նաև ԵՄ-ի աջակցությունը Հայաստանին, ինչպես նաև Հայաստան-Ադրբեջան հարաբերությունների կարգավորման հարցը։ Նիստի ավարտին ԵՄ արտաքին հարաբերությունների հարցերով գլխավոր խոսնակ Պետեր Ստանոն Բրյուսելում «Արմենպրես»-ի թղթակցին տեղեկացրել է, որ արտգործնախարարները նիստին վերահաստատել են իրենց աջակցությունը Հայաստանին՝ հիշեցնելով նոյեմբերին կայացած նիստի ավարտին հայտարարած բոլոր տարրերը,…
Եվրամիության երկրների ԱԳ նախարարները Բրյուսելում կայացած նիստում հաստատել են 2024 թ. Ուկրաինային ռազմական օգնության ֆինանսավորման համար Խաղաղության եվրոպական հիմնադրամին 5 միլիարդ եվրո հատկացնելու մասին որոշումը: Այդ մասին նշված է Եվրամիության Խորհրդի հայտարարության մեջ: «ԵՄ-ն այսպիսով կատարում է իր պարտավորությունները։ Ուկրաինայի օգնության հիմնադրամը մեր խոսքերը վերածում է գործողությունների»,- հայտարարել է ԵՄ արտաքին գործերի և անվտանգության քաղաքականության…
Բաքու կատարած այցից հետո ՆԱՏՕ-ի գլխավոր քարտուղար Ենս Ստոլտենբերգը մեկնել է Թբիլիսի, նրան ընդունել է Վրաստանի վարչապետ Իրակլի Կոբախիձեն: Գլխավոր քարտուղարը վստահեցրել է՝ Վրաստանը ՆԱՏՕ-ի ամենամոտ գործընկերներից է, կառույցն աջակցում է Հանրապետության ինքնիշխանությանը և տարածքային ամբողջականությանը: Նա խոստացել է, որ Վրաստանը կդառնա Դաշինքի անդամ, երբ համապատասխանի անդամության չափանիշներին: ՆԱՏՕ-ի գլխավոր քարտուղարը բարձր է գնահատել Ուկրաինային Վրաստանի…
Ախալքալաքիի շրջանի Դիլիսկա գյուղի մարզադահլիՃում կայացավ ազատ ոճի ըմբշամարտի Ախալքալաքի առաջնությունը։ Մրցույթին մասնակցեցին 50 մարզիկներ 12 քաշային կարգի։ Մրցույթը կազմակերպվել է Ախալքալաքիի քաղաքապետարանի կողմից։ Մասնակիցները պարգևատրվեցին գովասանագրերով, իսկ հաղթողները պարգևատրվեցին շքանշաններով և այլ ֆինանսական նվերներով, որոնք ֆինանսավորված են բարերարների կողմից։ Մրցույթի հաղթողները կմասնակցեն Վրաստանի առաջնությանը, որի կայանալու է ք․ Գորիում։
Ախալքալաքում նախատեսվում է վերանորոգել Խորենյա գյուղի կամուրջը, որի համար քաղաքապետարանը նախատեսում է ծախսել ավելի քան 400 հազար լարի, այս մասին տեղեկությունը հրապարակված է Պետական գնումների գործակալության կայքում։ Մրցութային փաստաթղթերի համաձայն՝ կամուրջը, որը նախատեսվում է վերականգնել, ունի 64 մետր երկարություն և մինչև 5 մետր լայնություն։ Նույն աղբյուրի համաձայն, կամուրջը գտնվում է…
Ռուսաստանի Կենտրոնական ընտրական հանձնաժողովն ավարտել է ձայների հաշվարկը։ Քվեաթերթիկների 100%-ի մշակման արդյունքում ընտրողների 87,28% քվեները ստացել է գործող նախագահ Վլադիմիր Պուտինը, 4,31%-ը՝ Նիկոլայ Խարիտոնովը, 3,85%-ը՝ Վլադիսլավ Դավանկովը և 3,20%-ը՝ Լեոնիդ Սլուցկին: Ռուսաստանի նախագահի՝ «Նոր մարդիկ» կուսակցության թեկնածու Վլադիսլավ Դավանկովը շնորհավորել է Պուտինին նախագահի ընտրությունում վստահ հաղթանակի կապակցությամբ: Պուտինը Կրեմլում հանդիպել է արդեն նախկին մրցակիցների հետ:…
Չինաստանի իշխանությունները չեն բացառում Շվեյցարիայում Ուկրաինայի թեմայով միջազգային կոնֆերանսին մասնակցելու հնարավորությունը, հայտարարել է Շվեյցարիայում Չինաստանի դեսպան Վան Շիտինը։ Դեսպանի խոսքով՝ Չինաստանը միշտ հանդես է եկել խաղաղ բանակցությունների օգտին՝ միաժամանակ հարգելով տարածքային ամբողջականությունը և հավատարիմ մնալով ՄԱԿ-ի կանոնադրությանը։ Վան Շիտինը նշել է, որ ստեղծված իրավիճակում ներգրավված բոլոր կողմերը պետք է աշխատեն վերջ դնել հակամարտությանը, որի տարածումը…
ՆԱՏՕ-ի գլխավոր քարտուղար Ենս Ստոլտենբերգը Թբիլիսիում Վրաստանի վարչապետ Իրակլի Կոբախիձեի հետ կայացած մամուլի ասուլիսում ողջունել է հազարավոր ուկրաինացի փախստականների տեղավորումը Վրաստանում։ Նա նաև գնահատել է Վրաստանի կողմից Ուկրաինային փոխանցվող մարդասիրական օգնության ծավալը։ Ստոլտենբերգը Վրաստանը համարել է ՆԱՏՕ-ի ամենամոտ գործընկերներից մեկը, բարձր է գնահատել այդ երկրի ներդրումը ՆԱՏՕ-ի առաքելություններում և գործողություններում: Այնուամենայնիվ, ըստ նրա, Հյուսիսատլանտյան դաշինքը…
ՆԱՏՕ-ի գլխավոր քարտուղար Ենս Ստոլտենբերգը ժամանել է Թբիլիսի, հայտնում է Վրաստանի կառավարության մամուլի ծառայությունը։ Օդանավակայանում դաշինքի ղեկավարին դիմավորել են արտգործնախարար Իլյա Դարչիաշվիլին և ՆԱՏՕ-ում Վրաստանի դեսպան Վիկտոր Դոլիձեն։ Վրաստանի վարչապետ Իրակլի Կոբախիձեի հետ հանդիպումից հետո կայացած ճեպազրույցում Ստոլտենբերգը վստահեցրել է, որ ՆԱՏՕ-ն կանգնած է Վրաստանի կողքին: «ՆԱՏՕ-ն ձեր կողքին է, երբ դուք շարունակում եք շարժվել…
ՌԴ նախագահ Վլադիմիր Պուտինը շնորհավորանքներ է ստացել տարբեր երկրների ղեկավարներից նախագահի ընտրությունում տարած հաղթանակի կապակցությամբ: Նա իր թեկնածությունն առաջադրել է հինգերորդ անգամ։ Ըստ վերջին տեղեկությունների՝ Պուտինը ստացել է ընտրողների ձայների 87 տոկոսը, մյուս երեք թեկնածուն միասին՝ 13-ը: Ռուսական լրատվամիջոցները հայտնում են, որ Լատինական Ամերիկայի երկրներից առաջին շնորհավորանքը Պուտինը ստացել է Վենեսուելայից: Նրան շնորհավորել են նաև…
Ադրբեջանի արտաքին գործերի նախարար Ջեյհուն Բայրամովը հանդիպել է ԱՄՆ պետքարտուղարության Հարավային Կովկասում բանակցությունների հարցերով ավագ խորհրդական Լուիս Բոնոյի հետ: Կողմերը քննարկել են Ադրբեջանի և Միացյալ Նահանգների միջև երկկողմ ու բազմակողմ համագործակցության օրակարգն ու հեռանկարները, իրավիճակը տարածաշրջանում, ինչպես նաև Բաքվի և Երևանի միջև հարաբերությունների կարգավորման գործընթացի ասպեկտները: Ջեյհուն Բայրամովը խոսել է Մյունխենի և Բեռլինի անվտանգության համաժողովի…
Երկուշաբթի գիշերը Ռուսաստանն Ուկրաինայի ուղղությամբ 22 «Շահեդ» տեսակի հարվածային անօդաչու թռչող սարք է արձակել, որոնցից 17-ը խոցվել են, հայտնել են Ուկրաինայի ռազմաօդային ուժերը։ Գերատեսչության ներկայացրած տեղեկություններով՝ անօդաչու թռչող սարքեր են խոցվել Կիևի, Պոլտավայի, Խմելնիցկու, Չերկասի, Կիրովոգրադի, Դնեպրոպետրովսկի, Վիննիցայի, Զապորոժիեի և Ռիվնեի շրջաններում։ Բացի այդ, ինչպես նշվում է առավոտյան հաղորդագրության մեջ, ՌԴ ԶՈՒ Խարկովի շրջանին հարվածել…
Ուկրաինայի էներգետիկայի նախարար Գերման Գալուշչենկոն հաստատել է, որ Կիևը մտադիր չէ որևէ լրացուցիչ համաձայնագիր կնքել կամ երկարաձգել Ռուսաստանի հետ գազի տարանցման պայմանագիրը, որը կգործի մինչև 2024 թվականի դեկտեմբերի 31-ը, մանրամասնել է նախարարը ազգային հեռուստամարաթոնի եթերում։ Գալուշչենկոն նաև ընդգծել է, որ ուկրաինական գազափոխադրման համակարգը, այդ թվում՝ ստորգետնյա գազապահեստարանների համակարգը, անցած տարի անցել է «սթրես-թեստ» և պատրաստ…
Մոսկվայում ժամանակով կեսգիշերն անց Պուտինը ժամանել է իր նախընտրական շտաբ և մեկ ժամ տևած մամուլի ասուլիս տվել։ Դա վերաբերել է ոչ միայն ընտրությունում իր հաղթանակին, այլև այլ թեմաների։ Պուտինը խոսել է ուկրաինական ճգնաժամի, ոչ համակարգային ընդդիմության մասին և նույնիսկ առաջին անգամ հիշատակել է քաղաքական գործիչ Ալեքսեյ Նավալնու անունը: Պուտինն ասել է, որ, ինքը Նավալնու մահից…
Մեկնարկել է ՆԱՏՕ-ի գլխավոր քարտուղար Ենս Ստոլտենբերգի այցն Ադրբեջան: Երկար տարիների հակամարտությունից հետո ներկայումս Հայաստանը և Ադրբեջանը հնարավորություն ունեն հասնելու երկարատև խաղաղության: Ինչպես տեղեկանում ենք ՆԱՏՕ-ի պաշտոնական կայքից, այդ մասին հայտարարել է ՆԱՏՕ-ի գլխավոր քարտուղար Ենս Ստոլտենբերգը Բաքվում Ադրբեջանի նախագահ Իլհամ Ալիևի հետ հանդիպումից հետո հրավիրված մամուլի ասուլիսի ժամանակ: «Ես կարող եմ միայն խրախուսել ձեզ…
Մարտի 15-ից Ռուսաստանում սկսվել է նախագահի ընտրության քվեարկությունը: Այն կընթանա 3 օր: ՌԴ նախագահի պաշտոնին հավակնում են Լիբերալ-դեմոկրատական կուսակցությունից Լեոնիդ Սլուցկին, ՌԴ Կոմունիստական կուսակցությունից Նիկոլայ Խարիտոնովը, «Նոր մարդիկ» կուսակցությունից Վլադիսլավ Դավանկովը և պետության գործող ղեկավար Վլադիմիր Պուտինը, որն ինքնաառաջադրված թեկնածու է: Ռուսաստանի ԿԸՀ տվյալով՝ ընտրության մասնակցությունն այսօրվա դրությամբ գերազանցել է 50 տոկոսը: Հեռավար էլեկտրոնային քվեարկությանը…
Բելգորոդում կրկին օդային տագնապ է հայտարարվել: Ռուսական կողմի տվյալով՝ ուկրաինական ուժերն արդեն մի քանի օր է՝ հարվածներ են հասցնում շրջանի տարածքին: Ըստ տեղական ԶԼՄ-ների՝ վնասվել են քաղաքացիական օբյեկտներ, կան զոհեր և վիրավորներ: ՌԴ ՊՆ-ն հայտնել է, որ հերթական անգամ ուկրաինացի զինվորականներ են փորձել ներխուժել Բելգորոդի շրջան: Ըստ գերատեսչության՝ դիվերսիայի փորձը կասեցվել է։ Լրատվամիջոցները հայտնել են,…
Հյուսիսային Կորեայի առաջնորդ Կիմ Չեն Ընը դստեր և պաշտոնատար անձանց հետ հետևել է օդադեսանտային զորքերի զորավարժություններին: «Դրանց նպատակն է ստուգել Հյուսիսային Կորեայի ուժերի պատրաստականությունը և կարողությունը՝ արձագանքելու ցանկացած անսպասելի իրավիճակի»,- հայտնում են տեղական լրատվամիջոցները: Կիմ Չեն Ընը հրամայել է ավելի շատ զորավարժություններ անցկացնել, ևս մեկ անգամ ընդգծել, որ այժմ բանակի գլխավոր խնդիրը պատերազմին պատրաստվելն է:…
«Ղրիմի թերակղզու անօրինական բռնակցումը չճանաչելու և Ուկրաինայի ինքնիշխանությանն ու տարածքային ամբողջականությանը աջակցելու հարցում Անկարայի դիրքորոշումն անփոփոխ է»,- ասված է Թուրքիայի արտաքին գործերի նախարարության հայտարարության մեջ: «Մենք կշարունակենք ուշադիր հետևել Ղրիմում իրադարձությունների զարգացմանը, և գլխավորապես Ղրիմի թաթար թուրքերի վիճակին»,- ասված է հաղորդագրության մեջ: Գերատեսչությունում Ղրիմի միացումը Ռուսաստանին որակել են «բռնակցում, հավելել՝ դա միջազգային իրավունքի խախտում է:…
Վրաստանի վարչապետ Իրակլի Կոբախիձեին Բաքվում ընդունել է Ադրբեջանի նախագահ Իլհամ Ալիևը: Նա տեղեկացրել է, որ Վրաստանը և Ադրբեջանը մտադիր են զարգացնել հարաբերությունները տնտեսության, տրանսպորտի, ներդրումների, էներգետիկայի և այլ ոլորտներում: Ալիևը համոզմունք է հայտնել, որ Թբիլիսին և Բաքուն միշտ կողք կողքի կանգնած կլինեն: «Մեր միջպետական հարաբերություններն ամուր հիմք ունեն»,- հավելել է Ալիևը: Նրա խոսքով՝ երկու երկրները…
Գերմանիան, Ֆրանսիան և Լեհաստանը կավելացնեն երրորդ երկրներից սպառազինությունների գնումները՝ դրանք Ուկրաինայի զինված ուժերին մատակարարելու համար։ Այդ մասին հայտարարել է Գերմանիայի կանցլեր Օլաֆ Շոլցը՝ Ֆրանսիայի և Լեհաստանի ղեկավարների հետ համատեղ համաժողովում: «Այս պահից սկսած՝ մենք ավելի շատ զենք կգնենք Ուկրաինայի համար, ընդ որում՝ համաշխարհային ամբողջ շուկայից։ Կընդլայնվի նաև ռազմական տեխնիկայի արտադրությունը, այդ թվում՝ Ուկրաինայում գործընկերների հետ…
Մարտի 12-14-ը Եվրոպայի Խորհրդի նախարարների կոմիտեի նիստում Մարդու իրավունքների եվրոպական դատարանի վճիռների կատարման վերահսկողության շրջանակում ընդունվել են Ադրբեջանին վերաբերող մի շարք որոշումներ: Որոշումներից մեկը վերաբերում է «Մակուչյանն ու Մինասյանն ընդդեմ Ադրբեջանի» գործին, որը կապված է Հունգարիայում ադրբեջանցի զինծառայող Ռամիլ Սաֆարովի կողմից հայ սպա Գուրգեն Մարգարյանի սպանության հետ: Կոմիտեն Ադրբեջանի իշխանություններին կոչ է արել կատարել Եվրոպական…
Վրաստանի վարչապետը պաշտոնական այցով Բաքվում է: Իրակլի Կոբախիձեին դիմավորել են Ադրբեջանի փոխվարչապետը, արտաքին գործերի նախարարի տեղակալը, Վրաստանում Ադրբեջանի և Ադրբեջանում Վրաստանի դեսպանները: Ակնկալվում է, որ հաջորդ շաբաթ Կոբախիձեն կժամանի Հայաստան։ Այցերին ընդառաջ Վրաստանի վարչապետը հայտարարել է՝ հարևանների հետ հարաբերությունների խորացումը Թբիլիսիի հիմնական առաջնահերթություններից է։ «Ադրբեջանում և Հայաստանում կքննարկվեն երկկողմ շփումների հետ կապված հարցեր։ Հարկավոր է…
Եվրապատգամավոր Միրիամ Լեքսմանը տեղեկացրել է, որ Եվրոպական խորհրդարանի՝ տարբեր կուսակցություններ ներկայացնող մի քանի տասնյակ պատգամավոր դիմել է Եվրոպական խորհրդի նախագահ Շառլ Միշելին, Եվրոպական հանձնաժողովի նախագահ Ուրսուլա ֆոն դեր Լայենին և Եվրոպական խորհրդարանի նախագահ Ռոբերտա Մեցոլային՝ կոչ անելով քայլեր ձեռնարկել Լեռնային Ղարաբաղի հայկական մշակութային և կրոնական ժառանգության պաշտպանության համար։ «Մենք անհանգստացած ենք, որ Լեռնային Ղարաբաղի հազարամյա հայկական…
Ադրբեջանական ԶԼՄ-ները հայտնում են, որ ԱՄՆ նախագահը շնորհավորական ուղերձ է հղել Ադրբեջանի նախագահին Նովրուզի կապակցությամբ։ Ջո Բայդենը վերահաստատել է գործակցությունը շարունակելու և խաղաղությանը նպաստելու Վաշինգտոնի հանձնառությունը: Նա կարևորել է Հայաստանի և Ադրբեջանի միջև խաղաղության հաստատումը: Բայդենի խոսքով՝ դա կնպաստի ապագա սերունդների անվտանգությանը: «Սպիտակ տունը կշարունակի աջակցել Հարավային Կովկասում ժողովրդավարությանը, կայունությանը և առաջընթացին: Նաև կաշխատենք Ադրբեջանի…
Մարտի 17-19-ը ՆԱՏՕ-ի գլխավոր քարտուղար Ենս Ստոլտենբերգը կայցելի Հարավային Կովկաս: Կազմակերպության պաշտոնական հաղորդագրության տվյալով՝ մարտի 17-ին Ստոլտենբերգը կլինի Բաքվում, որտեղ կհանդիպի Ադրբեջանի նախագահ Իլհամ Ալիևի հետ: Մարտի 18-ին բանակցություններ կվարի Ադրբեջանի արտաքին գործերի նախարար Ջեյհուն Բայրամովի և Ադրբեջանի պաշտպանության նախարար Զաքիր Հասանովի հետ: Նույն օրը ՆԱՏՕ-ի գլխավոր քարտուղարը կմեկնի Թբիլիսի: Այնտեղ կհանդիպի Վրաստանի նախագահ Սալոմե…
G7-ի երկրներն ուրբաթ նախազգուշացրել են, որ նոր հակաիրանական պատժամիջոցներ կկիրառեն, եթե Թեհրանը Ռուսաստանին բալիստիկ հրթիռներ մատակարարի։ Այդ մասին գրում է The Wall Street Journal-ը (WSJ)՝ հղում անելով G7-ի հայտարարությանը։ Եվրոպացի պաշտոնյաները, ըստ WSJ-ի, զգուշացրել են Թեհրանին, որ «այդ քայլն իրենց համար կարմիր գիծ կլինի Իրանի դեմ ավելի լայն պատժամիջոցներ սահմանելու հարցում»: Փետրվարի վերջին Սպիտակ տան…
