2025

Ուկրաինական առնվազն հինգ անօդաչու թռչող սարք է հայտնաբերվել և խոցվել Վորոնեժում և արվարձաններում: Նախնական տվյալով՝ ոչ ոք չի տուժել, մի քանի բնակարաններում վնասվել են պատուհաններ՝ հայտնել է Վորոնեժի նահանգապետը: Նրա խոսքով՝ արտակարգ ծառայությունները Վորոնեժում տարհանել են մոտ 100 բնակչի այն վայրից, որտեղ հայտնաբերվել են խոցված ԱԹՍ-ների մասերը: Ռուսաստանի պաշտպանության նախարարությունից էլ տեղեկացրել են, որ հակաօդային…

Դամասկոսի օդանավակայանը միջազգային չվերթները կվերսկսի հունվարի 7-ից՝ հայտնել է Սիրիայի քաղաքացիական ավիացիայի վարչության ղեկավար Ահմադ Ալ Սալիբին։ Սիրիայում դեկտեմբերի 8-ին տեղի ունեցած իշխանափոխությունից հետո երկրում ժամանակավորապես փակվել են օդանավակայանները։ Դեկտեմբերի 13-ին Դամասկոսում և Հալեպում վերսկսել են արտասահմանյան ինքնաթիռների թռիչքները միայն հատուկ թույլտվությամբ:

Ճապոնուհի Տոմիկո Իտոոկան, որը համարվում էր Երկիր մոլորակի ամենատարեց բնակչուհին, կյանքից հեռացել է 116 տարեկան հասակում: Նա մահացել է դեկտեմբերի 29-ին Հյոգո պրեֆեկտուրայի Ասիա քաղաքի ծերանոցում։ Հուղարկավորությունը տեղի է ունեցել հունվարի 4-ին: Տոմիկո Իտոոկան ծնվել է 1908 թվականի մայիսի 23-ին Օսակայում։ Նա երեք քույրերից ավագն էր։ Մոտ 30 տարի առաջ տեղափոխվել էր Ասիա քաղաք։

Վրաստանի իշխանությունները սկսել են բողոքի ակցիաներին մասնակցած օտարերկրյա քաղաքացիների արտաքսման ընթացակարգերը՝ հայտնել են երկրի ներքին գործերի նախարարությունից։ Ընդհանուր առմամբ, 2024 թվականի նոյեմբեր-դեկտեմբեր ամիսներին երկիրը պարտավորվել են լքել 91 օտարերկրացիներ։ Նրանցից 25-ը բողոքի ակցիաների մասնակիցներ են: Նրանց արտաքսելու մասին որոշումները կայացվել են վարչական իրավախախտումների մեջ մեղադրվելուց հետո։  Հիշյալ քաղաքացիներից 10-ն արդեն լքել են Վրաստանի տարածքը։ Գերատեսչությունից…

Գրենլանդիայի վարչապետը հայտարարել է Դանիայից անկախանալու ցանկության մասին՝ փոխանցում է Reuters-ը: «Պատմությունն ու ներկայիս պայմանները ցույց են տվել, որ Դանիայի Թագավորության հետ մեր համագործակցությունը չի հանգեցրել լիակատար հավասարության ստեղծմանը։ Հիմա ժամանակն է, որ մեր երկիրը կատարի հաջորդ քայլը։ Ինչպես աշխարհի մյուս երկրները, մենք պետք է աշխատենք համագործակցության համար առկա խոչընդոտները վերացնելու ուղղությամբ, որոնք կարող ենք…

Ֆրանսիայի և Գերմանիայի արտգործնախարարները Դամասկոսում բանակցություններ են վարել Ահմեդ աշ-Շարաայի հետ, հայտարարել՝ Եվրամիությունը հանդես է գալիս Սիրիայում իշխանության խաղաղ և ներառական անցման օգտին: Անալենա Բերբոքն ընդգծել է, որ Գերմանիան ցանկանում է օգնել Սիրիային՝ դառնալու «գործող պետություն»: Նա այցը որակել է որպես հստակ ազդանշան Սիրիայի և Գերմանիայի, ինչպես նաև ողջ Եվրամիության միջև նոր հարաբերություններ հաստատելու հնարավորության…

Հանրապետական Մայք Ջոնսոնը վերընտրվել է ԱՄՆ Կոնգրեսի Ներկայացուցիչների պալատի խոսնակի պաշտոնում: Նա հաղթել է երեք ձայնի առավելությամբ։ Ներկայացուցիչների պալատում հանրապետականները աննշան մեծամասնություն ունեն՝ 219 տեղ դեմոկրատների 215-ի դիմաց:

Թուրքիայի Անթալիա նահանգում 4.5 մագնիտուդով երկրաշարժ է գրանցվել, էպիկենտրոնը գտնվել է Ալանիա հանգստավայրում: Թուրքիայի տարերային աղետների հետևանքների վերացման վարչությունը տեղեկացրել է, որ ցնցման օջախը գտնվել է մոտ 7 կմ խորության վրա: Անթալիայի նահանգային իշխանությունները հայտնել են, որ առայժմ տուժածների կամ նյութական վնասի մասին տեղեկություններ չկան:

Լեհաստանը ներկայացրել է ԵՄ Խորհրդում գործողությունների ծրագիրը, ըստ որի նախագահության առաջնահերթություններից է լինելու նաև Հարավային Կովկասում կայունության հաստատումը: «Վարշավան ձգտելու է կարգավորել Հայաստանի և Ադրբեջանի հարաբերությունները»,- ասված է փաստաթղթում։ Նշվում է, որ Լեհաստանը ջանքեր է գործադրելու այդ թվում Վրաստանի եվրաինտեգրման ուղղությամբ:

Իրանի Արդաբիլ նահանգում Իսլամական Հանրապետության գերագույն հոգևոր առաջնորդի ներկայացուցիչ Հասան Ամելին անդրադարձել է օրերս կրոնական միջոցառման ժամանակ Իլհամ Ալիևի հասցեին հնած արտահայտություններին: Նա ընդգծել է, որ ոչ պաշտոնական անձանց հայտարարությունները չպետք է վերագրել Իրանի վարչակազմին, քանի որ, Ամելիի խոսքով, պաշտոնական ու դիվանագիտական մակարդակում նման բան չկա և չի լինելու։ «Սովորական և ոչ պաշտոնական անձի հնչեցրած…

Մոլդովան առաջին անգամ գազ է գնել Բուլղարիայից և ստացել այն Անդրբալկանյան միջանցքով` հայտնել է «Մոլդովագազի» ղեկավարի պաշտոնակատար Վադիմ Չեբանը։ «Ստացված գազի քանակը կազմում է 240 Մվտ/ժ, որը Անդրբալկանյան միջանցքով տեղափոխվել է Բուլղարիայի, Ռումինիայի և Ուկրաինայի տարածքով»,- նշել է պաշտոնյան: Դեկտեմբերի 16-ից Մոլդովայում գործում է էներգետիկ ոլորտում արտակարգ դրության ռեժիմ: Նման որոշում է կայացվել 2025 թվականի…

Գերմանիայի արտգործնախարար Անալենա Բերբոքը և Ֆրանսիայի արտգործնախարար Ժան-Նոել Բարրոն չհայտարարված այցով ժամանել են Դամասկոս: Գերմանական լրատվամիջոցների տվյալով՝ ի թիվս այլ հարցերի՝ նրանք նախատեսում են հանդիպել երկրի նոր առաջնորդ Ահմեդ աշ-Շարաայի հետ: Բարրոն Դամասկոս է ժամանել Լիբանանի տարածքով։ ​​​​​​​Ֆրանսիայի նախարարը Լիբանանի խորհրդարանի խոսնակ Նաբիհ Բըրրիի հետ քննարկել է Լիբանանում և Մերձավոր Արևելքում տիրող իրավիճակը, քաղաքական զարգացումները,…

Ռուսական զորքերը անօդաչու սարքերով հարվածել են Կիևին և այլ շրջանների: Քաղաքացիական օբյեկտներ են տուժել, խաղաղ բնակչության շրջանում հայտնի է զոհերի և վիրավորների մասին: Տեղեկություններ կան, որ մայրաքաղաքում վնասվել են Ուկրաինայի Գերագույն ռադայի վարչական շենքերը: Միաժամանակ, Վոլոդիմիր Զելենսկին հայտարարել է, որ մարտի դաշտում բարդ իրավիճակ է, ռուսական ուժերն առաջ են շարժվում արևելքում: Մոսկվայից էլ հայտնել են,…

Հարավային Կորեայում քննիչներին և իրավապահներին չի հաջողվել կալանավորել պաշտոնանկ արված նախագահին: Յուն Սոկ Յոլի պահակախումբը և նախագահի նստավայրի անվտանգության աշխատակիցները խոչընդոտել են Հարավային Կորեայի հակակոռուպցիոն գրասենյակի ներկայացուցիչների գործողությունները: Նաև նստավայրի շենքի դիմաց հավաքվել են Յուն Սոկ Յոլի կողմնակիցները և բողոքի ցույց անցկացրել: Դեկտեմբերի վերջին Սեուլի դատարանը Հարավային Կորեայի նախագահ Յուն Սոկ Յոլի ձերբակալության օրդեր էր…

Հայաստանի արտգործնախարարությունը ցավակցություն է հայտնել Չեռնոգորիայում տեղի ունեցած ողբերգական իրադարձությունների կապակցությամբ: «Մեր անկեղծ ցավակցությունն ենք հայտնում զոհվածների ընտանիքներին և Չեռնոգորիայի կառավարությանը, լիակատար ապաքինում ենք մաղթում տուժածներին»,- նշված է ՀՀ ԱԳՆ X-ի միկրոբլոգում: Նախօրեին Չեռնոգորիայում Ցետինե քաղաքի բնակիչ Ացո Մարտինովիչը գնդակահարել է 12 մարդու և ինքնասպան եղել: Երկրում եռօրյա սուգ է հայտարարվել։

Սրտի ցավով տեղեկացանք Նոր Օռլեանում տեղի ունեցած ողբերգական իրադարձությունների մասին՝ հայտնել են Հայաստանի արտգործնախարարությունից։ «Դատապարտում ենք բռնության նման անիմաստ գործողությունները և մեր խորին ցավակցությունն ենք հայտնում զոհերին, նրանց հարազատներին և ԱՄՆ կառավարությանը»,- նշված է ՀՀ ԱԳՆ X-ի միկրոբլոգում:  

Չեռնոգորիայում հունվարի լույս 2-ի գիշերը Ցետինե քաղաքի բնակիչ Ացո Մարտինովիչը գնդակահարել է 12 մարդու և ինքնասպան եղել: Մահացածներից երկուսը երեխաներ են։ Իրավապահները հայտնել են, որ Մարտինովիչը «հայտնի է եղել ագրեսիվ պահվածքով և ավելի վաղ ձերբակալվել է ապօրինի զենք պահելու համար»: Չեռնոգորիայի Ազգային անվտանգության խորհրդի նիստ է գումարվել: Օրակարգում են երկրի բոլոր քաղաքներում անօրինական զենքի հայտնաբերման…

Նյու Յորքում՝ Amazura գիշերային ակումբի մոտ, զանգվածային հրաձգություն է տեղի ունեցել։ Կրակոցները հնչել են հունվարի 1-ի երեկոյան՝ տեղական ժամանակով 23:30-ի սահմաններում: Լրատվամիջոցների տվյալով՝ առնվազն 10 մարդ վիրավորվել է: Նրանցից մի քանիսը շտապօգնության մեքենայով տեղափոխվել է բժշկական հաստատություններ: Հետախուզում է հայտարարվել Infiniti մակնիշի մոխրագույն ավտոմեքենայի նկատմամբ, վարորդը դիմել է փախուստի: Կասկածյալին փնտրում է ոստիկանությունը։

Ամանորի գիշերը Նոր Օռլեանում տեղի ունեցած միջադեպը իշխանությունները ահաբեկչություն են որակել: Նոր Օռլեանի ֆրանսիական թաղամասում մեքենան մխրճվել էր Նոր տարին նշող մարդկանց բազմության մեջ: Լրատվամիջոցները հայտնում են, որ զոհերի թիվը հասել է 15-ի, վիրավորվել է 30 մարդ: ԱՄՆ Հետաքննությունների դաշնային բյուրոն բացահայտել է հարձակում իրականացրած անձի ինքնությունը: Ահաբեկիչը ԱՄՆ քաղաքացի, Տեխասի 42-ամյա բնակիչ Շամսուդ-Դին Ջաբարն…

Հունգարիան զրկվել է Եվրամիության ավելի քան 1 միլիարդ եվրոյի ֆինանսական հատկացումից՝ օրենքի գերակայության խախտումների պատճառով։ Այս դեպքն առաջինն է Եվրոպական Միությունում: Ամիսներ առաջ հրապարակված զեկույցում Եվրահանձնաժողովը հայտարարել էր, որ Հունգարիան չի համապատասխանում ԵՄ ժողովրդավարական չափանիշներին, մասնավորապես՝ քաղաքական ֆինանսների, շահերի բախման և ԶԼՄ-ների անկախության հարցերում: Եվրահանձնաժողովից հստակեցրել են, որ Հունգարիան պետք է մինչև 2024 թվականի վերջ…

Լաս Վեգասի Trump International հյուրանոցի մուտքի մոտ Tesla Cybertruck մեքենա է պայթել, ինչի հետևանքով, ըստ տեղի պաշտոնյաների, զոհվել է մեկ մարդ, ևս մի քանիսը` վիրավորվել: Այս մասին հաղորդում է NBC News-ը։ Trump Organization-ը հայտարարություն է տարածել, որը X-ում հրապարակել է ընտրված նախագահ Դոնալդ Թրամփի որդին՝ Էրիկ Թրամփը։ Կազմակերպությունը հաստատել է Լաս Վեգասի Trump հյուրանոցում էլեկտրական մեքենայի…

Գերմանիան, Ֆրանսիան ու Լեհաստանը որոշել են չեղարկել առանց վիզայի մուտքը Վրաստանի դիվանագիտական անձնագրեր ունեցողների համար: Երեք երկրի արտգործնախարարների հայտարարության մեջ նշվում է, որ «Վայմարյան եռանկյունու» երկրները լրջորեն մտահոգված են Վրաստանի քաղաքական ճգնաժամով, որի պատճառը «Վրաստանի իշխող կուսակցության քաղաքական կուրսն է և եվրոպական ուղուց հեռանալը»: Նախարարները դեմ են արտահայտվել բողոքի ակցիաների բռնի ճնշմանը և մարդու իրավունքների…

Բաքվում Իրանի գործերի ժամանակավոր հավատարմատարն այսօր կանչվել է Ադրբեջանի արտաքին գործերի նախարարություն: Գերատեսչությունից հայտնել են, որ պաշտոնական Բաքուն իր բողոքն է հայտնել Իրանին՝ կապված «Ադրբեջանի հասցեին վիրավորական հռետորաբանության և Իսլամական Հանրապետությունում բնակչության շրջանում հակաադրբեջանական տրամադրությունների հրահրման հետ»: Նշվում է, որ դեկտեմբերի 29-ին Արդեբիլում Իրանի գերագույն հոգևոր առաջնորդի ներկայացուցիչ այաթոլլահ Սեյիդ Հասան Ամելիի մասնակցությամբ միջոցառման ժամանակ…

Նյու Օռլեանի ֆրանսիական թաղամասում բեռնատարը մխրճվել է Նոր տարին նշող մարդկանց բազմության մեջ: Քաղաքապետարանից հայտնել են, որ զոհվել է առնվազն տասը մարդ, երեսուն մարդ վնասվածքներ է ստացել։ Նրանք հոսպիտալացվել են։ Ականատեսները CBS News-ին պատմել են, որ վարորդն այնուհետև դուրս է եկել մեքենայից և կրակոցներ արձակել։ Ոստիկանությունը հետաքննում է միջադեպը:

Հունվարի 1-ից Ռումինիան և Բուլղարիան դարձան Շենգենյան գոտու լիիրավ անդամներ։ Շենգենյան համաձայնագրի մյուս մասնակիցների հետ այդ երկրների ցամաքային սահմանների ստուգումները չեղարկվել են։ 2025 թվականի առաջին կիսամյակի ընթացքում Ռումինիայի և Բուլղարիայի ու Ռումինիայի և Հունգարիայի միջև կգործեն ընտրանքային ստուգումներ, որից հետո դրանք ամբողջությամբ կվերանան։ Բացի այդ, ԵՄ-ն որոշել է ավստրիացի, հունգարացի, ռումինացի և հույն սահմանապահներ ուղարկել…