სომხეთის რესპუბლიკის საგარეო საქმეთა მინისტრი არარატ მირზოიანი ეუთოს მინისტრთა საბჭოს 31-ე სხდომაზე მონაწილეობის მისაღებად 4-დან 5 დეკემბრამდე სამუშაო ვიზიტით ეწვევა მალტას. როგორც სომხეთის რესპუბლიკის საგარეო საქმეთა სამინისტროში იუწყებიან, ასევე იგეგმება ორმხრივი შეხვედრები.
ევროპის საბჭოს გენერალური მდივანი, ალენ ბერსეტი საქართველოს პრეზიდენტს, სალომე ზურაბიშვილსა და პრემიერ-მინისტრ ირაკლი კობახიძეს ტელეფონით ესაუბრა, – ამის შესახებ ევროპის საბჭოს განცხადებაშია აღნიშნული. „გენერალური მდივანი ალენ ბერსეტი ყურადღებით აკვირდება საქართველოში მიმდინარე მოვლენებს. გასული 24 საათის განმავლობაში ის ტელეფონით ესაუბრა პრეზიდენტ სალომე ზურაბიშვილს და პრემიერ-მინისტრ ირაკლი კობახიძეს. დაძაბული სიტუაციისა და მიმდინარე დაპირისპირებების ფონზე, გენერალურმა მდივანმა გამოხატა ევროპის საბჭოს შეშფოთება გაზრდილი პოლარიზაციისა და პოლიტიკური ჩიხის შესახებ“,…
