Սեպտեմբերի 10-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Չինաստանի Ժողովրդական Հանրապետություն: Այս մասին հյատնել են նախարարությունից։

Փոխվարչապետ Մհեր Գրիգորյանն ընդունել է Հայաստանում Արգենտինայի նորանշանակ դեսպան Ռաֆայել Էնրիկե Գոնսալես Ալեմանին: Հանդիպման սկզբում փոխվարչապետը շնորհավորել է դեսպանին նշանակման կապակցությամբ և անդրադարձել Արգենտինայի հետ ձևավորված երկկողմ բարեկամական հարաբերություններին: Զրուցակիցները քննարկել են Հայաստան-Արգենտինա համագործակցության զարգացման հեռանկարային ուղղությունները: Երկուստեք ընդգծվել է, որ կա առևտրատնտեսական հարաբերությունների զարգացման հսկայական ներուժ, և անհրաժեշտ են համատեղ ջանքեր այն իրացնելու համար:…

Կուրսկի մարզում զարգացումների ֆոնին դժվար է պատկերացնել, որ Ուկրաինայի հետ հնարավոր է որևէ պայմանավորվածության հասնել՝ հայտարարել է Կրեմլի խոսնակը: Դմիտրի Պեսկովը հավելել է, որ ռուսական կողմն ուկրաինացի զինվորականներին Դաշնության տարածքից դուրս մղելու ծրագրեր ունի, սակայն դրանք չեն կարող հանրայնացվել: Նա նաև շեշտել է՝ Ուկրաինայում ռազմական գործողությունները չեն դադարեցվի, քանի որ դա Ռուսաստանի նպատակներին հասնելու միակ…

Հեռախոսով զրուցել են Ուկրաինայի և Ադրբեջանի արտգործնախարարները: Անդրիյ Սիբիհան X-ի միկրոբլոգում տեղեկացրել է, որ Ջեյհուն Բայրամովի հետ քննարկել է երկկողմ և բազմակողմ հարաբերություններին վերաբերող հարցեր, մտքեր փոխանակել ընդհանուր մարտահրավերների շուրջ։ «Վերահաստատել ենք մեր երկրների ինքնիշխանության և տարածքային ամբողջականության նկատմամբ փոխադարձ հարգանքը։ Հուսով եմ՝ երկկողմ գործակցությունը կարտացոլի մեր ժողովուրդների բարեկամական կապերը»,- նշել է ուկրաինացի դիվանագետը։ Ադրբեջանի…