2019

Հունվարի 6-ին՝ Աստվածահայտնության տոնին Ախալցխայի Սուրբ Գրիգոր Լուսավորիչ Եկեղեցին կրկին մարդաշատ էր։ Ինչպես Հայ Առաքելական բոլոր եկեղեցիներում, այդպես էլ Ախալցխայի Սուրբ Գրիգոր Լուսավորիչ Եկեղեցում մատուցվեց սրբալույս պատարագ ձեռամբ Ախալցխայի հարակից շրջանների հոգևոր հովիվ՝ Տեր Թորգոմ քահանա Վարդանյանի։ Պատարագից հետո կատարվեց ջրօրհնեքի արարողություն:

Հունվարի 5-ի երեկոյան Ախալցխայի Սուրբ Գրիգոր Լուսավորիչ եկեղեցում մատուցվեց  Ճրագալույցի Սուրբ Պատարագ: Տոնական Պատարագը մատուցեց Ախալցխայի հոգեւոր տեսուչ հայր Հակոբ Աբեղա Սահակյանը: Հունվարի 5-ի երեկոյից սկսած Հայ Առաքելական եկեղեցին տոնում է Հիսուս Քրիստոսի ծննդյան տոնը: Քրիստոսի ծննդյան տոնը հունվարի 6-ին է, սակայն եկեղեցական օրացույցով օրը փոխվում է երեկոյան ժամերգությունից հետո` ժամը 17.00-ից: