22.04.2020

Ախալցխայում չեն կայանալու ապրիլ 23-24-ի ավանդական միջոցառումները։ Տվյալ որոշումը պայմանավորված է Վրաստանում արտակարգ դրության պայմաններով։ Ապրիլի 23-ի երեկոյան Սբ. Գրիգոր Լուսավորիչ եկեղեցում ղողանջելու են զանգերը ի հիշատակ Հայոց ցեղասպանության անմեղ զոհերի հիշատակի։ Մարդիկ իրենց տներում, ինչպես նաեւ պատուհանների գոգերին կարող են վառել մոմեր։ Ապրիլի 24-ին առավոտյան եկեղեցում տեղի կունենա բարեխոսական կարգ առանց հավատացյալների մասնակցության։

Հինգերորդ մարդը, ով Վրաստանում մահացել է կորոնավիրուսից 68-ամյա  տղամարդ է, ով Բոլնիսից էր: Տուրձելաձեի խոսքերով, հիվանդը տարել էր սրտամկանի ինֆարկտ եւ գտնվում էր արհեստական շնչառության վրա: Մինչ այժմ Վրաստանում հաստատվել են կորոնավիրուսային վարակի 411 դեպք: Վարակվածներից 98-ը վերականգնվել են, 5-ը մահացել: