16.05.2020

Կորոնավիրուսային վարակի վեց նոր դեպք է գրանցվել  այսօր Բոլնիսիի քաղաքապետարանում: Գետա գյուղում հայտնաբերվել է վարակի չորս դեպք, իսկ Մուշեւանի գյուղում երկու: Տվյալ գյուղերում սահմանված է խիստ կարանտինային ռեժիմ: Ընդհանուր առմամբ մայիսի 15-ի երեկոյան Մուշեւանի և Գետա գյուղերից լաբորատորիա է ուղարկվել 156 մարդու նմուշ, որոնցից վեցի արդյունքները դրական են եղել:  

Վրաստանում կորոնավիրուսային վարակի դեպքերի թիվն աճել է 6-ով և կազմել 677: Այս մասին տեղեկությունները հասանելի են կառավարության կողմից ստեղծված stopcov.ge հատուկ կայքում: 3873 մարդ գտնվում է կարանտինային գոտիներում, իսկ 404 մարդ հիվանդանոցում հսկողության տակ: Նույն տեղեկությունների համաձայն, 677 վարակվածներից 393-ն արդեն ապաքինվել են, 12-ը մահացել: