Բրիտանացի պատգամավոր Մարգարեթ Հոջը, բացի Ռուսաստանից և Բելառուսից առաջարկել է պատժամիջոցներ կիրառել Ադրբեջանի և Ղազախստանի դեմ՝ Ռուսաստանին աջակցելու համար։ Մեծ Բրիտանիայի արտաքին գործերի նախարար Լիզ Թրասը խոստացել է ուսումնասիրել այդ հարցը:
Ուկրաինայի նախագահը Վրաստանից հետ է կանչել դեսպանին։ Պաշտոնական պատճառը, որը հնչեցվել է Ուկրաինայի նախագահ Զելենսկու տեսաուղերձում, դեսպանները հետ են կանչվել խորհրդակցությունների։ Պատճառը նրա խոսքով կայանում է «Վրացի կամավորների ժամանման խոչընդոտների և պատժամիջոցների հետ կապված անբարոյական դիրքորոշման պատճառով»:
Վարչապետ Նիկոլ Փաշինյանը հեռախոսազրույց է ունեցել Ֆրանսիայի նախագահ Էմանյուել Մակրոնի հետ, տեղեկացնում է Հայաստանի վարչապետի գրասենյակը: Մակրոնն ու Փաշինյանն անդրադարձել են Փարիզում նախատեսվող Հայ-ֆրանսիական համագործակցության համաժողովի անցկացմանն ու առաջիկայում կայանալիք իրենց հանդիպմանն առնչվող օրակարգային հարցեր, ինչպես նաև Լեռնային Ղարաբաղի շուրջ իրավիճակին, Հարավային Կովկասի տարածաշրջանում անվտանգության ու կայունության ամրապնդմանը, մտքեր են փոխանակվել միջազգային ասպարեզում տեղի ունեցող…
