Հունսի 6-ին Ախալքալաք այցելեց Լիտվայի դեսպան Անդրեաս Կալինդրան, նա հանդիպում ունեցավ տեղական ինքնակառավարման մարմինների և հասարակական կազմակերպությունների ներկայացուցիչների հետ:
Նախ Ախալքալաքի շրջանային ժողովում դեսպանին ընդունեցին Ախալքալաքի քաղաքապետ Մելքոն Մակարյանը, Ախալքալաքի Սակրեբուլոյի նախագահ Նաիրի Իրիցյանը և տեղական ինքնակառավարման մարմնի այլ ներկայացուցիչներ։
Հանդիպման ընթացքում քննարկվեց ազգային փոքրամասնությունների արդյունավետ ինտեգրման ծրագրերի, սոցիալ-տնտեսական, մշակութային, կրթական ծրագրերի, զբոսաշրջության զարգացման մասին և այլն։
Այնուհետեւ Վրաստանում Լիտվայի դեսպանը հանդիպեց հասարակական կազմակերպությունների ներկայացուցիչների հետ SEREC կազմակերպության Ախալքալաքի գրասենյակում:
Դեսպանին հետաքրքրում էր Վրաստանի ազգային փոքրամասնությունների, կրթական, ինտեգրացիոն, մշակությաին և սոցիալական խնդիրները:
Ներկաների համար արդեն սովորական է դարձել Վրաստանում տարբեր երկրի դեսպանների հետ քննարկել նույն հարցերը:
Հանդիպման նախաձեռնողը բազմազգ Վրաստան կազմակերպությունն է, նախագահ Առնոլդ Ստեփանյանի գլխավորությամբ:
Ներկաները հույս հայտնեցին, որ նման հանդիպումները հաճախակի բնույթ կկրեն։
Վրաստանում Լիտվայի դեսպանի այցն Ախալքալաք
