Այսօր՝ օգոստոսի 29֊ին Ախալքալաքի մունիցիպալիտետի Գումբուրդո գյուղի պարի խմբի սաները ներկայացան հաշվետու համերգով։ Դաշտահանդեսի նախաձեռնողը պարուսույց Ռադիկ Եզոյանն է, ով չորս ամիս է, ինչ աշխատաում է Գումբուրդոյի 70֊ից ավելի երեխաների հետ, սովորեցնելով ինչպես հայկական ազգագրական պարեր, այնպես էլ վրացական, ռուսական և այլ ազգերի պարեր։
Ռադիկը նշում է որ, այսպիսի փոքրիկ նախաձեռնության գաղափարը թե՛ երեխաների սովորածը ծնողներին ներկայացնելն է, և թե՛ սաներին ոգևորելն ու մոտիվացնելը։
Միջոցառմանը ներկայացվեց հայկական ազգագրական պարերից Փափուռին, էջմիածինը, Կարնո քոչարին, Ֆնջանը, վրացական պարերից ռաճուլին , իսկ ամենափորքր խումբը ներկայացավ ռուսական ու մանկական այլ պարերով։
Ծնողները ևս ոգևորված էին, նշելով որ գոհ են ընդհանուր արդյունքից, առանձին շնորհակալություն հայտնելով պարուսույցին, յուրաքանյուր երեխայի առանձնակի ուշադրություն դարձնելու և մշակույթը նրանց մեջ սերմանելու համար։
Միջոցառման ընթացքում պարուսույցը երեխաների համար կազմակերպել էր հաճելի անակնկալ՝ հրավիրելով մուլտհերոսների։
Դաշտահանդեսի վերջում ներկաները պարեցին շուրջպար։
Ազգային երգն ու պարը Գումբուրդոյի ձորի պռնկից
