Արցախում` Մարտակերտի շրջանում, գրանցվել է հրադադարի ռեժիմի խախտում: Այս մասին հայտնում է ՌԴ ՊՆ-ն` հաղորդելով, որ զոհեր չկան: Փաստի առնչությամբ Ռուսական խաղաղապահ զորախմբի հրամանատարությունը հայկական և ադրբեջանական կողմերի հետ համատեղ վարույթ է սկսել: Ռուս խաղաղապահները շարունակում են բանակցությունները Ստեփանակերտ-Գորիս ճանապարհով մեքենաների երթևեկության վերականգնման ուղղությամբ:
Թուրքիայի կենտրոնական հատվածում՝ Քահրամանմարաշից 6 կմ հեռավորության վրա 4.3 մագնիտուդ ուժգնությամբ նոր երկրաշարժ է գրանցվել: Երկրաշարժը զգացվել է նաև Հալեպում: «Արմենպրես»-ի փոխանցմամբ՝ երկրաշարժի հիպոկենտրոնը գտնվել է 1 կմ խորության վրա: Փետրվարի լույս 6-ի գիշերը գրանցված ուժգին երկրաշարժի հետևանքով վերջին տվյալներով Թուրքիայում զոհերի թիվը հասել է 3703-ի, Սիրիայում՝ 1712-ի։
Թուրքիայի իշխանությունները հայտնել են, որ երկրաշարժի հետևանքով զոհերի թիվը հասել է 3703-ի, վիրավորներինը՝ 22 286-ի: Սիրիայում, ըստ թարմացված տվյալների, զոհերի թիվը հասել է 1712-ի, վիրավորներինը՝ 3649-ի: Երեկ Թուրքիայում տեղի է ունեցել 7.8 մագնիտուդ ուժգնության երկրաշարժ, որի էպիկենտրոնը եղել է Սիրիային սահմանակից Քահրամանմարաշ (Մարաշ) նահանգի Փազարջըք շրջանը:
Իրանում շահագործման է հանձնվել ռազմաօդային ուժերի ստորգետնյա խոշոր բազան: Օբյեկտը լեռնային տեղանքում է, իսկ ինքնաթիռներն այնտեղ գտնվում են զգալի խորության թունելներում՝ հայտնել է ISNA գործակալությունը։ Նշվում է, որ բազան նախատեսված է երկար հեռահարության թևավոր հրթիռներով ինքնաթիռների համար։ ««Աղաբ-44» (Արծիվ-44) ռազմակայանը, որի բացմանը ներկա են եղել Իրանի ԶՈՒ գլխավոր շտաբի պետ, գեներալ-մայոր Մոհամմադ Բաղերին և ցամաքային…
Հայ-վրացական հարաբերություններից Լաչինի միջանցք, ԵՄ դիտորդներից Լավրովի հայտարարություն։ Թուրքիա-Հայաստան հարաբերություններ ու երկրաշարժ | Քննարկում Ստեփան Գրիգորյանի հետ | Քաղաքական Խաչմերուկ
Ռուսաստանի արտաքին գործերի նախարարի տեղակալ Միխայիլ Գալուզինը հանդիպել է Թուրքիայի արտակարգ և լիազոր դեսպան Մեհմետ Սամսարի հետ: «Տեղի է ունեցել մտքերի խորացված փոխանակում Ուկրաինայում և Անդրկովկասում տիրող իրավիճակի շուրջ։ Արձանագրվել է այդ տարածաշրջաններում խաղաղության և կայունության ամրապնդման, այդ թվում՝ ուկրաինական ճգնաժամի կարգավորման, հայ-ադրբեջանական և հայ-թուրքական հարաբերությունների կարգավորման հետագա ջանքերի նկատմամբ փոխադարձ տրամադրվածությունը»,- հայտնում են ՌԴ…
Արցախի նախագահ Արայիկ Հարությունյանն այսօր հեռախոսազրույց է ունեցել Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա-ի հետ։ Երկրի ղեկավարը Մեծի Տանն Կիլիկիո Կաթողիկոսին է ներկայացրել Ադրբեջանի կողմից Լաչինի միջանցքը գրեթե երկու ամիս փակ պահելու հետևանքով հանրապետությունում ստեղծված հումանիտար և սոցիալ-տնտեսական ճգնաժամը, նշել այն քայլերը, որոնք իրականացվում են Արցախի իշխանությունների կողմից իրավիճակի հաղթահարման ուղղությամբ։ Նախագահ Հարությունյանը մեծ…
Գերմանիան կարևորում է Լաչինի միջանցքի անխափան աշխատանքը, որով անցնում է Հայաստանն ու Լեռնային Ղարաբաղը կապող միակ ճանապարհը՝ հայտարարել է Գերմանիայի ԱԳ նախարար Աննալենա Բերբոքը՝ ՀՀ արտգործնախարար Արարատ Միրզոյանի հետ հանդիպումից հետո։ «Կարևոր է, որ մոտ ժամանակներս վերացվի Լաչինի միջանցքի արգելափակումը: Ադրբեջանն ու Ռուսաստանն այս հարցով պարտավորություններ ունեն»,- նշել է Բերբոքը, հավելել՝ հումանիտար հասանելիությունը բացարձակ առաջնահերթություն…
ՆԱՏՕ-ում Ադրբեջանի ներկայացուցչության ղեկավար Ջաֆար Հուսեյնզադեն տեղեկացրել է, որ հանդիպել է դաշինքում ԱՄՆ ներկայացուցիչ Ջուլիան Սմիթի հետ։ «Մենք քննարկել ենք այս տարվա հունվարի 27-ին Իրանում Ադրբեջանի դեսպանատան դեմ իրականացված ահաբեկչական գործողությունը։ Ես ողջունել եմ տեղի ունեցածի կապակցությամբ ԱՄՆ պաշտոնատար անձանց միանշանակ աջակցությունը Ադրբեջանին»,- նշել է Հուսեյնզադեն։
Արցախի կառավարությունը ներկայացրել է շրջափակման 58-րդ օրվա տեղեկագիրը փետրվարի 6-ի դրությամբ: Օրվա վիճակագրական թարմացումներ 10 երեխա գտնվում է մանկական հիվանդանոցի նորածնային և վերակենդանացման բաժանմունքներում: 9 չափահաս բուժառու գտնվում է վերակենդանացման բաժանմունքում, որոնցից 3-ը ծայրահեղ ծանր վիճակում է։ Արդեն 210 երեխա ծնվել է շրջափակման մեջ: Արցախի բոլոր բուժհաստատություններում պլանային վիրահատությունների դադարեցման պատճառով մոտ 590 քաղաքացի զրկվել…
ՀՀ ԱԺ նախագահ Ալեն Սիմոնյանը փետրվարի 7-ին ընդունել է Խորվաթիայի Հանրապետության արտաքին գործերի նախարար Գորդան Գրլիչ Ռադմանին: Հանդիպմանը քննարկվել է երկկողմ հարաբերություններին միտված բազմոլորտ համագործակցության անհրաժեշտությունը: Ալեն Սիմոնյանը, նշելով, որ Խորվաթիայի խորհրդարանի խոսնակի մակարդակով ընդամենը մեկ այց է եղել` 2011 թվականին, առաջարկել է ակտիվացնել միջխորհրդարանական հարաբերությունները: Անդրադարձ է եղել բարեկամ երկրների խորհրդարանների միջև ակտիվ երկխոսության…
Թուրքիայի իշխանությունները հայտնել են, որ երկրաշարժի հետևանքով զոհվածների թիվը հասել է 3432-ի, վիրավորվել է 21 103 մարդ, ավերվել է ավելի քան 5700 շենք: Սիրիայի առողջապահության նախարարության և «Սպիտակ սաղավարտներ» կազմակերպության տվյալներով՝ Սիրիայում զոհվել է առնվազն 1602 մարդ, ևս մոտ 3500-ը վիրավորվել են։
Խորհրդարանում լրագրողների հետ ճեպազրույցում ԱԺ նախագահ Ալեն Սիմոնյանն անդրադարձավ Ադրբեջանի կողմից Լաչինի միջանցքի փակման թեմային ու ևս մեկ անգամ շեշտեց, որ այն պետք է անհապաղ բացվի: «Մենք պետք է թույլ չտանք, որ դա դառնա սովորական երևույթ: Աշխարհի համար դա չի կարող ու չի մնալու սովորական: Աշխարհում կա կոնսեսուս՝ մինուս 1-2, որ, այո՛, Լաչինի միջանցքը պետք…
Չինաստանի կառավարությունը պնդում է, որ ԱՄՆ-ի օդային տարածքում խոցված օդերևութաբանական զոնդի բեկորները վերադարձվեն՝ հայտարարել է ՉԺՀ արտգործնախարարության պաշտոնական ներկայացուցիչ Մաո Նինը։ «Այդ օդապարիկը չի պատկանում ԱՄՆ-ին, այն պատկանում է ՉԺՀ-ին։ Չինաստանի կառավարությունը կշարունակի վճռականորեն պաշտպանել իր օրինական իրավունքներն ու շահերը»,- նշել է պաշտոնյան։ Նա ընդգծել է, որ չինական օդապարիկը նախատեսված էր բացառապես քաղաքացիական նպատակների համար…
Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության «Հանրապետական բժշկական կենտրոն» ՓԲԸ-ից ուռուցքային և սիրտ-անոթային համակարգի ծանր հիվանդություններ ունեցող 6 անձ այսօր՝ փետրվարի 7-ին, «Կարմիր խաչի» միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։ Այս մասին հայտնում են Արցախի առողջապահության նախարարությունից: ԱՀ առողջապահության նախարարության ենթակայության տակ գործող…
Չիլիում անոմալ շոգի պատճառով բռնկված հրդեհները չի հաջողվում հանգցնել: Երկրի ներքին գործերի նախարար Կարոլինա Տոհան հայտնել է, որ հրդեհի հետևանքով զոհվել է 27 մարդ, 3500-ը տուժել են: Տեղական լրատվամիջոցների տվյալով՝ հրդեհի շուրջ 280 օջախ է արձանագրվել: Վնասվել են հարյուրավոր տներ, մարդիկ տարհանվել են կրակի տարածման վտանգի պատճառով։ «Ընդամենը հինգ օրվա ընթացքում կրակն այնքան տարածք է…
Թուրքիայում Վրաստանի դեսպան Գիորգի Ջանջղավան աղետի գոտում գտնվող Վրաստանի քաղաքացիներին կոչ է անում կապ հաստատել Վրաստանի դիվանագիտական ներկայացուցչության հետ և տեղեկատվություն տրամադրել իրենց գտնվելու վայրի և վիճակի մասին։ Ինչպես նշեց Գիորգի Ջանջղավան, Վրաստանի գրեթե բոլոր այն քաղաքացիները, որոնք համարվում էին կորած, հայտնաբերվել են։ Նրա խոսքով՝ երկրաշարժի հետևանքով Վրաստանի երկու քաղաքացի է մահացել։ «Ինչպես այժմ պարզ…
Արդեն 57 օր է, ինչ Լեռնային Ղարաբաղում շուրջ 120 հազար հայեր արգելափակված են ադրբեջանցի «ակտիվիստների» և զինվորների կողմից՝ նշված է Մարդու իրավունքների միջազգային ընկերության՝ Գերմանիայի մասնաճյուղի հայտարարության մեջ: «Մենք տեղեկացել ենք, որ 19 երեխա, որոնց վերջերս թույլ են տվել վերադառնալ տուն, ենթարկվել են անարժան վերաբերմունքի և հետապնդումների։ Ռուսական ուժերի միջոցով տեղափոխման ժամանակ շարասյունը կանգնեցվել է,…
Վերջին 40 տարվա ընթացքում ամենից ուժեղ երկրաշարժն է գրանցվել Նյու Յորք նահանգի հյուսիսարևմտյան հատվածում: Այս մասին հայտնում է NBC հեռուստաալիքը: Երկրաշարժի հզորությունը կազմել է 3.8 մագնիտուդ: Զոհերի ու ավերածությունների մասին տեղեկություններ դեռ չեն հաղորդվում:
Թուրքիայում երկրաշարժի հետևանքով զոհերի թիվը հասել է 2921-ի, վիրավորների թիվը 15 834 է: Այս մասին հաղորդում է Անադոլու գործակալությունը: Սիրիական ԶԼՄ-ները հաղորդում են երկրաշարժի հետևանքով 1 444 զոհի մասին, այդ թվում նաև Դամասկոսի կողմից չվերահսկվող տարածքներում: Թուրքիայում՝ Սիրիայի հետ սահմանին տեղի ունեցած 7.7 մագնիտուդով երկրաշարժն, ըստ երկրի նախագահ Ռեջեփ Թայիփ Էրդողանի, 1939-ից ի վեր ամենից…
Արտակարգ դեպք է գրանցվել սիրիական Հալեպ քաղաքում. երկրաշարժից հետո փլատակների տակ երեխա է ծնվել: Նորածնին դուրս են բերել փլատակների տակից, երեխայի մորը, սակայն, փրկել չի հաջողվել. նա մահացել է ծննդաբերությունից անմիջապես հետո: Վերջին տվյալներով` Սիրիայում տեղի ունեցած երկրաշարժից զոհերի թիվը հասել է 656-ի:
Թուրքիայում երկրաշարժի հետևանքով զոհերի թիվը, վերջին տվյալներով, 2316 է, վիրավորներինը` 13 293: Հիշեցնենք, որ այսօր Թուրքիայում տեղի է ունեցել 7.4 մագնիտուդ հզորությամբ երկրաշարժ, որի էպիկենտրոնը եղել է Սիրիային սահմանակից Քահրամանմարաշ նահանգի Փազարջըք շրջանը:
Իրավապահ համակարգի պատասխանատուների հետ խորհրդակցությանը Արցախի նախագահը խոսել է ներքին կայունության և անվտանգության մասին: Արայիկ Հարությունյանը նկատել է՝ 2020-ի պատերազմից հետո Արցախի ներքին կյանքը կարճ ժամանակում վերադարձել է բնականոն հուն նաև իրավապահների արդյունավետ աշխատանքի շնորհիվ: Հանրային կյանքում, սակայն, անելիքները դեռ շատ են՝ կարգապահության բարձրացումից մինչև հանցավորության դեմ պայքար: Արցախի նախագահի խոսքով՝ պարբերաբար հանրային դաշտ են…
Թուրքիայում երկրաշարժի հետևանքով զոհվածների թիվը հասել է 1651-ի, ավելի քան 11 հազար մարդ վնասվածք է ստացել: Բացի այդ, թուրքական ալիքները հաղորդում են, որ թուրքական Իսկենդերուն նավահանգստի վրա երկրաշարժից հետո խոշոր հրդեհ է բռնկվել. այրվում են բեռներով լցված կոնտեյներները. հրդեհը մարել դեռ չի հաջողվել, այդ պատճառով միառժամանակ դադարեցվել է այդ նավահանգստի շահագործումը: Մինչև փետրվարի 12-ը Թուրքիայում…
