18.04.2023

Բեյրութում կենսաթոշակները և աշխատավարձերը բարձրացնելու պահանջով զանգվածային ցույց է տեղի ունեցել, որին միացել են քաղծառայողներ, ինչպես նաև քաղաքացիական և զինվորական թոշակառուներ՝ ի նշան ցածր կենսաթոշակների և սոցիալական ու բժշկական ապահովագրության գրեթե իսպառ բացակայության դեմ բողոքի: РИА Новости-ի փոխանցմամբ՝ ցույցը վերածվել է ուժայինների հետ բախման, երբ դրա մասնակիցները փորձել են բարձրանալ Կառավարության շենքի շուրջ տեղադրված արգելապատնեշների…

Ռուսական խաղաղապահ զորախումբը Ասկերանի շրջանում հրադադարի ռեժիմի երկու խախտում է արձանագրել, տուժածներ չկան։ Այս մասին նշված է Ռուսաստանի պաշտպանության նախարարության պաշտոնական տեղեկագրում: «Ռուսական խաղաղապահ զորակազմի հրամանատարությունը ադրբեջանական և հայկական կողմերի հետ համատեղ փաստերի վերաբերյալ քննություն է անցկացնում»,- ասված է հաղորդագրության մեջ։

Աստանայում տեղի է ունեցել Ադրբեջանի և Ղազախստանի պաշտպանության նախարարներ Զաքիր Հասանովի և Ռուսլան Ժակսիլիկովի հանդիպումը: Քննարկվել են ռազմական, ռազմատեխնիկական, ռազմական կրթության ոլորտներում երկկողմ համագործակցության զարգացման հեռանկարները և փոխադարձ հետաքրքրություն ներկայացնող այլ հարցեր:

Վրաստանն առաջին անգամ զեկույց է պատրաստել Եվրամիությանն անդամակցության համար Կոպենհագենի չափանիշներին տարբեր ոլորտներում համապատասխանության մասին: Այս մասին հայտնել են Վրաստանի կառավարության մամուլի ծառայությունից։ Զեկույցը կներկայացվի Եվրահանձնաժողովին: Զեկույցի հիման վրա վերջինս գնահատական կտա Վրաստանի՝ քաղաքականության, տնտեսության և տարբեր ոլորտների ԵՄ չափանիշներին համապատասխանության վերաբերյալ: Փաստաթուղթը բաղկացած է 35 գլխից և պարունակում է վերջին մեկ տարվա ընթացքում ԵՄ-ին…

Մոսկվայում հանդիպել են Ռուսաստանի և Չինաստանի պաշտպանության նախարարները: ՌԴ պաշտպանության նախարար Սերգեյ Շոյգուն հայտարարել է, որ Մոսկվայի և Պեկինի գործակցությունը կայունացնող ազդեցություն ունի աշխարհում և օգնում է նվազեցնել լարվածությունը: Նա ընդգծել է, որ Ռուսաստանն ու Չինաստանը համակարգում են իրենց գործողությունները համատեղ ծովային և օդային պարեկության, զորավարժությունների նախապատրաստման ուղղությամբ ինչպես երկկողմ, այնպես էլ բազմակողմ ձևաչափերով: Կողմերը…

Իսրայելի արտաքին գործերի նախարար Էլի Քոենն աշխատանքային այցով ժամանել է Բաքու: Այցի ընթացքում նա հանդիպումներ կունենա Ադրբեջանի նախագահ Իլհամ Ալիևի, արտաքին գործերի և էկոնոմիկայի նախարարների հետ: Իսրայելի պատվիրակության կազմում են նաև 20 ընկերությունների ներկայացուցիչներ: Ադրբեջան մեկնելուց առաջ Իսրայելի արտգործնախարարն օդանավակայանում պատասխանել է լրագրողների հարցերին: Նա նշել է, որ Իրանի հետ սահմանի առկայությունը շատ կարևոր է…

Ադրբեջանի կողմից Արցախի շրջափակումը միջազգային կազմակերպությունների, ԶԼՄ-ների և իրավապաշտպան կազմակերպությունների կողմից ընկալվում է որպես նորմալ երևույթ: Այս մասին Twitter-ի իր միկրոբլոգում գրել է Արցախի Մարդու իրավունքների պաշտպան Գեղամ Ստեփանյանը: «Կսահմանափակվեի՞ք արդյոք մեկ-երկու հոդվածով, հայտարարությամբ կամ կարճ զեկույց գրելով, եթե հումանիտար ճգնաժամն անմիջականորեն ազդեր ձեզ և ձեր ընտանիքների վրա»,- գրել է Ստեփանյանը: Total silence‼️ The blockade…

Լեհաստանի ներքին գործերի նախարար Մարիուշ Կամինսկին հայտնել է, որ Վարշավան սկսել է Կալինինգրադի մարզի հետ սահմանին ժամանակակից էլեկտրոնային պատնեշի կառուցումը: Նա հավելել է, որ դա կլինի եզակի պատնեշ, որը հագեցած կլինի ցերեկային և գիշերային տեսողության տեսախցիկներով, շարժման սենսորներով և այլ միջոցներով, որոնք թույլ կտան վերահսկել սահմանը 24 ժամ: Լեհաստանի իշխանությունները նախատեսում են աշխատանքներն ավարտել այս…

Էրդողանի իշխանության օրոք Թուրքիան շարունակում է սահել դեպի ավտորիտարիզմ և հեռանալ այն արժեքներից, որոնք միավորում են ՆԱՏՕ-ն։ Այս մասին Twitter-ի իր միկրոբլոգում գրել է ԱՄՆ Կոնգրեսի Ներկայացուցիչների պալատի անդամ Ֆրենկ Փալոնը: «Հաջորդ ամիս կայանալիք ընտրությունները վճռորոշ նշանակություն կունենան թուրքական ժողովրդավարության և դաշինքի համար»,- հավելել է կոնգրեսականը: With Erdogan in power, Turkey continues to slide toward…

Ադրբեջանի զինված ուժերի մի խումբ զինծառայողներ մեկնել են Թուրքիա՝ մասնակցելու «Հեյդար Ալիև 2023» համատեղ զորավարժություններին, որոնք կանցկացվեն Կարսում: Ադրբեջանի պաշտպանության նախարար Զաքիր Հասանովն էլ այսօր պաշտոնական այցով մեկնել է Ղազախստան: Այցի շրջանակում նախատեսվում է քննարկել երկու երկրների միջև ռազմական, ռազմատեխնիկական, ռազմական կրթության ոլորտներում համագործակցության զարգացման հեռանկարները, ինչպես նաև փոխադարձ հետաքրքրություն ներկայացնող այլ հարցեր:

Ադրբեջանում կրկին ձերբակալել են Իրանի հատուկ ծառայությունների հետ համագործակցության համար կասկածվող անձանց: Ներքին գործերի նախարարության տվյալով՝ ձերբակալվել է մոտ 20 մարդ: Ձերբակալվածները, իբրև թե, զբաղվել են «իրանական ռեժիմի քարոզչությամբ», կոչ արել տապալել աշխարհիկ պետությունը: Նշված անձինք մեղադրվում են նաև թմրամիջոցների առևտրով զբաղվելու համար։

Ռուսաստանի նախագահ Վլադիմիր Պուտինն այցելել է Խերսոնի և Լուգանսկի շրջանների ռազմական շտաբներ: Խերսոնի մարզում Պուտինը մասնակցել է ռազմական հրամանատարության հետ հանդիպմանը, որի ընթացքում նրան ներկայացրել են Խերսոնի և Զապորոժիեի շրջաններում ստեղծված իրավիճակի մասին հաշվետվությունները: ՌԴ նախագահը նաև շնորհավորել է զինծառայողներին Զատկի տոնի կապակցությամբ և նրանց նվիրել սրբապատկեր, որը, Պուտինի խոսքով, պատկանել է «Ռուսական կայսրության ամենահաջողակ…

Չինաստանի նախագահ Սի Ծինփինը պատասխան հեռագիր է ուղարկել Հյուսիսային Կորեայի ղեկավար Կիմ Չեն Ընին և պատրաստակամություն հայտնել զարգացնել երկկողմ հարաբերությունները՝ հայտնել են Կորեայի կենտրոնական հեռագրային գործակալությունից։ Սի Ծինփինի խոսքով՝ երկու երկրների հարաբերությունները բազմաթիվ փորձություններ են հաղթահարել: Չինաստանի ղեկավարը ցանկություն է հայտնել իր ներդրումն ունենալ տարածաշրջանում և խաղաղության, կայունության ու բարգավաճման ամրապնդման գործում՝ «ամրապնդելով ռազմավարական կապը…

«Արցախէներգո» ընկերությունից հայտնում են, որ ապրիլի 20-ին՝ ժամը 10:00-ից մինչև 17:00-ն, վթարավերականգնողական աշխատանքներ իրականացնելու նպատակով Արցախի Հանրապետությունն ամբողջապես կհոսանքազրկվի: Հոսանքի նախատեսվող անջատումը պայմանավորված է 110 կՎ «Սարսանգ-Ստեփանակերտ» ՕԳ-ում ուժեղ քամու հետևանքով առաջացած վթարները վերացնելու անհրաժեշտությամբ՝ հայտնում են «Արցախէներգոյից»:

ԱՄՆ պետքարտուղար Էնթոնի Բլինքենը հաստատել է, որ Խարթումում ԱՄՆ դեսպանության մեքենաները հարվածի տակ են հայտնվել, ԱՄՆ քաղաքացիներից ոչ ոք չի տուժել: Բլինքենի խոսքով՝ առկա տեղեկությունների համաձայն՝ հարձակման հետևում կանգնած են Սուդանի Արագ արձագանքման ուժերի հետ ասոցացված միավորումները: Սուդանում իրավիճակը շարունակում է լարված մնալ: Երկրի կանոնավոր բանակի և Արագ արձագանքման ուժերի միջև արդեն մի քանի օր…

Իսրայելի արտաքին գործերի նախարար Էլի Քոենը այսօր աշխատանքային այցով մեկնել է Ադրբեջան: Լրատվամիջոցների հաղորդմամբ՝ Քոենը հանդիպումներ կունենա Ադրբեջանի նախագահ Իլհամ Ալիևի, արտաքին գործերի և էկոնոմիկայի նախարարների հետ: Կքննարկվեն երկու երկրների ռազմավարական հարաբերությունների վերաբերյալ հարցեր, ինչպես նաև տարածաշրջանային մարտահրավերները անվտանգության, տնտեսության և էներգետիկայի ոլորտներում: Նշվում է, որ Իսրայելի պատվիրակության կազմում են նաև 20 ընկերությունների ներկայացուցիչներ: Ավելի…

Վրաստանի փոխարտգործնախարար Ալեքսանդր Խվթիսիաշվիլիի տեղեկություններով՝ Վրաստանի մոտ 30 քաղաքացի այս պահին գտնվում է Սուդանում։ Խվթիսիաշվիլիի խոսքով՝ վրացական կողմն իր գործընկերների հետ ինտենսիվ աշխատում է Վրաստանի քաղաքացիների տարհանման ուղղությամբ։ «Մենք կապի մեջ ենք այնտեղ գտնվող վրացիների հետ։ Հիմա մոտ 30 վրացի կա։ Ինչպես բոլոր մյուս երկրները հորդորել են իրենց քաղաքացիներին, մենք նաև խնդրել ենք մեր քաղաքացիներին…

Եվրոպայի ծանրամարտի ֆեդերացիայի նախագահ Անտոնիո Կոնֆլիտին ողջունել է ՀՀ կրթության, գիտության, մշակույթի և սպորտի նախարարության հայտարարությունը Ադրբեջանի պետական դրոշի հետ կապված միջադեպի վերաբերալ: «Ես ողջունում եմ Հայաստանի իշխանությունների հայտարարությունը։ Միջոցառումը չպետք է կապված լինի քաղաքականության հետ։ Ես անձամբ կարող եմ հաստատել միջոցառման հենց սկզբից սպորտային պատվիրակությունների համար նախատեսված անվտանգության ամենաբարձր մակարդակը»,- Ֆեյսբուքի իր էջում գրել…

Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել ԱՄՆ պետքարտուղարի օգնականի պարտականությունները կատարող Դերեք Հոգանի հետ: Զրույցի ընթացքում քննարկվել են ԱՄՆ և Ադրբեջանի միջև համագործակցության օրակարգային հարցեր, տարածաշրջանում տիրող իրավիճակը, այդ թվում` Հայաստանի ու Ադրբեջանի միջև խաղաղության օրակարգը: Հոգանը կարևորել է Հայաստանի ու Ադրբեջանի միջև հարաբերությունների կարգավորումը` տարածաշրջանում կայուն խաղաղության ու անվտանգության հաստատման համար, ինչպես…