27.07.2023

Հուլիսի 27-ին ԼՂ ԱԳ նախարար Սերգեյ Ղազարյանն ընդունել է Փարիզի քաղաքապետ Անն Իդալգոյի խորհրդական Ժան-Իվ Քամյուին։ Այս մասին տեղեկացնում են ԼՂ ԱԳՆ-ից: «Հանդիպման սկզբում զրուցակիցները քննարկել են Արցախի լիակատար պաշարման հետևանքով առաջացած հումանիտար ծանրագույն իրավիճակը: Նախարարը մանրամասներ է ներկայացրել տարբեր ոլորտներում առաջացած հումանիտար բնույթի խնդիրների վերաբերյալ։ Ժան-Իվ Քամյուն Անն Իդալգոյի անունից մտահոգություն է հայտնել ստեղծված…

Հայաստանում Չեխիայի դեսպան Պետր Պիրունչիկը Twitter-ի իր միկրոբլոգում մեջբերել է հատված ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի հայտարարությանից․ «Մենք ի գիտություն ենք ընդունել Ադրբեջանի իշխանությունների պատրաստակամությունը՝ ապրանքներ մատակարարելու Աղդամ քաղաքով: Այն չպետք է դիտարկվի որպես Լաչինի միջանցքի վերաբացման այլընտրանք»։ Դեսպանը հավելել է․ «ԵՄ-ն նաև նշում է, որ ԿԽՄԿ-ի գործունեությունը տարածաշրջանում…

Եվրախորհրդարանում Հայաստանի հետ բարեկամական խմբի նախագահ Լուկաս Ֆուռլասը լուրջ մտահոգություն է հայտնել այն կապակցությամբ, որ Ադրբեջանը խոչընդոտում է մարդասիրական օգնության տեղափոխումը Լեռնային Ղարաբաղ։ Նա շեշտել է, որ միջազգային հանրությունը պետք է գիտակցի անխոչընդոտ մատակարարումների հրատապ անհրաժեշտությունը։ «Առաջնահերթություն տալով տուժած բնակչության բարեկեցությանը՝ ներգրավված բոլոր կողմերը պետք է աշխատեն այնպիսի լուծման ուղղությամբ, որը մարդասիրական օգնության արդյունավետ մատակարարման…

Եվրախորհրդարանի պատգամավոր Չառլի Վեյմերսը Եվրամիությանը կոչ է արել ճնշում գործադրել Ադրբեջանի վրա, որպեսզի վերջինս թույլ տա մարդասիրական օգնության մուտքը Լեռնային Ղարաբաղ։ «Արմենպրես»-ի Բրյուսելի թղթակցի հետ զրույցում Վեյմերսն անդրադարձել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի հայտարարությանն ու հետադարձ հարցում արել․ «Եվ ի՞նչն է «խոչընդոտում» Լաչինի միջանցքի անցանելիությունը, պարո՛ն Բորել։ Դա ոչ…

Թուրքիան տրամադրված է շարունակել Եվրամիությանն անդամակցելու բանակցությունները և այդ ուղղությամբ առաջին քայլերն է ակնկալում ԵՄ-ից: Այդ մասին հայտարարել է Թուրքիայի ֆինանսների նախարար Մեհմեդ Շիմշեքը Զալցբուրգում ընթացող գործարար համաժողովի շրջանակում։ «Այն ամենը, ինչ մեզ անհրաժեշտ է, եվրաինտեգրման ճանապարհը շարունակելու հնարավորությունն է, որն այդքան արդիական է դարձել։ Մենք ԵՄ-ն դիտարկում ենք որպես փոփոխության ոգեշնչման աղբյուր»,- ասել է…

ՄԱԿ-ը կապ չի հաստատել զինվորականների հետ, որոնք հայտարարել են Նիգերի նախագահին իշխանությունից հեռացնելու մասին։ Այդ մասին հայտնել է ՄԱԿ-ի գլխավոր քարտուղար Անտոնիու Գուտերեշը՝ աջակցություն հայտնելով ճգնաժամի կարգավորմանն ուղղված Նիգերիայի նախաձեռնությանը: Նա նաև պահանջել է անհապաղ ազատ արձակել պատանդառված նախագահ Մոհամեդ Բազումին: Երեկ Նիգերի նախագահ Մոհամեդ Բազումին պատանդառած զինվորականներն ազգային հեռուստատեսությամբ հայտարարել են, որ երկրի ղեկավարը…

Իսրայելի պաշտպանության նախարար Յոավ Գալանտը հեռախոսազրույց է ունեցել Թուրքիայի պաշտպանության նախարար Յաշար Գյուլերի հետ: Իսրայելի ՊՆ մամուլի ծառայությունից հայտնել են, որ զրույցի ընթացքում կողմերը քննարկել են երկու պետությունների պաշտպանական կառույցների միջև կապերի ամրապնդման հեռանկարները: Նախարարները պայմանավորվել են պահպանել երկխոսությունը տարածաշրջանում անվտանգության արդիական հարցերի շուրջ:

Ֆրանսիան ցավում է Ադրբեջանի կողմից Լաչինի միջանցքի շարունակական շրջափակման համար, ինչը հակասում է հրադադարի մասին համաձայնագրերով ստանձնած պարտավորություններին և վատ է անդրադառնում բանակցային գործընթացի վրա: Այդ մասին նշված է Ֆրանսիայի արտգործնախարարության հայտարարության մեջ։ «Փարիզն իր լիակատար աջակցությունն է հայտնում Եվրոպական Միության արտաքին գործերի և անվտանգության քաղաքականության հարցերով բարձր ներկայացուցչի՝ հուլիսի 26-ի հայտարարությանը Լեռնային Ղարաբաղի բնակչության…

Ուկրաինայի Գերագույն Ռադան երկրում ռազմական դրության և ընդհանուր զորահավաքի գործողության ժամկետը երկարաձգել է ևս 90 օրով՝ մինչև 2023 թվականի նոյեմբերի 15-ը։ Այս մասին հայտնել է Գերագույն Ռադայի պատգամավոր Յարոսլավ Ժելեզնյակը։ Ռազմական դրության երկարաձգման պատճառով Ուկրաինայում խորհրդարանական ընտրությունները կհետաձգվեն և հոկտեմբերի վերջին չեն անցկացվի։ Սա Ուկրաինայում ռազմական դրության արդեն 8-րդ երկարաձգումն է։ Այն սահմանվել է 2022…

Ազգային ժողովի նախագահ Ալեն Սիմոնյանը գրառում է կատարել Twitter-ի իր միկրոբլոգում։ «Ամիսներ շարունակ Ադրբեջանը խաբում էր միջազգային հանրությանը, թե Լաչինի միջանցքը բաց է դեպի պաշարված Լեռնային Ղարաբաղ և այնտեղից մարդկանց և ապրանքների հումանիտար տեղափոխման համար։ Մարդասիրական ավտոշարասյան կանգնեցումը միջանցքի մուտքի մոտ և արհամարհական հայտարարությունը, թե «խաղն ավարտված է», ապացուցում է, որ այս բոլոր ամիսների ընթացքում…

Լաչինի միջանցքի տևական շրջափակման վերաբերյալ Եվրամիության դիրքորոշումը հետևյալն է․ «Ադրբեջանի իշխանությունները պարտավոր են անհապաղ երաշխավորել Լաչինի միջանցքով տեղաշարժի անվտանգությունն ու ազատությունը և թույլ չտալ ճգնաժամի հետագա խորացում»։ Այդ մասին Twitter-ի իր միկրոբլոգում գրել է Հայաստանում և Վրաստանում Դանիայի դեսպան Աննե Թոֆթ Սորենսենը՝ հիշեցնելով ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելի երեկվա հայտարարությունը…

Ողջունում եմ Ժոզեպ Բորելի հստակ հայտարարությունն Ադրբեջանի կողմից Լաչինի միջանցքի վերաբացման անհրաժեշտության մասին։ Այդ մասին Twitter-ի իր միկրոբլոգում գրել է Եվրոպական խորհրդարանի պատգամավոր Միրիամ Լեքսմանը։ «Բայց դրան կհասնենք միայն այն դեպքում, եթե ԵՄ-ն ճնշում գործադրի Ալիևի ռեժիմի վրա։ Մենք չենք կարող թույլ տալ, որ մարդկանց կյանքը վտանգի ենթարկվի Ալիևի ցինիկ խաղերում»,- հավելել է պատգամավորը:

Սանկտ Պետերբուրգում հուլիսի 27-28-ը տեղի կունենա Ռուսաստան-Աֆրիկա երկրորդ գագաթնաժողովը, որին զուգահեռ կանցկացվի տնտեսական և հումանիտար համաժողով: Միջոցառման կարգախոսը կլինի «Հանուն խաղաղության, անվտանգության և զարգացման»: Գագաթնաժողովին ընդառաջ՝ ՌԴ նախագահի մամուլի քարտուղար Դմիտրի Պեսկովը հայտարարել է, որ միջոցառման մասնակիցների թիվը կրճատվել է որոշ ղեկավարների աշխատանքային ծանրաբեռնվածության պատճառով։ «Որոշակի դեր է խաղացել նաև, իհարկե, Արևմուտքի ճնշումը, ինչի մասին…

Ադրբեջանում Ֆրանսիայի դեսպան Անն Բուայոնը Twitter-ի իր միկրոբլոգում աջակցություն է հայտնել ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելի երեկվա հայտարարությանը Լաչինի միջանցքը բացելու անհրաժեշտության վերաբերյալ։ Դեսպանն առանձնացրել է հայտարարության հետևյալ հատվածը․ «Ադրբեջանի իշխանությունները պարտավոր են առաջիկայում երաշխավորել Լաչինի միջանցքում տեղաշարժի անվտանգությունն ու ազատությունը և թույլ չտալ ճգնաժամի հետագա խորացում»։

Թուրքիան և Ադրբեջանը համաձայնության են հասել համագործակցել թուրքական հինգերորդ սերնդի Kaan կործանիչի ստեղծման նախագծի շուրջ: Այս պայմանավորվածությունը պաշտոնապես կձևակերպվի երկկողմ համաձայնագրով, որը նախատեսվում է ստորագրել Ստամբուլում անցկացվող IDEF-2023 պաշտպանական արդյունաբերության միջազգային ցուցահանդեսի շրջանակում: Բաքվի մասնակցությունը նախագծին դիտարկվում է որպես ռուսական Миг-29 ինքնաթիռներով հագեցած Ադրբեջանի ռազմաօդային ուժերի արդիականացմանն ուղղված քայլ: Թուրքական լրատվամիջոցների տվյալով՝ կործանիչի ստեղծման նախագծին…

Ֆրանսիայի Իլ դը Ֆրանս շրջանային խորհրդի անդամ Պատրիկ Կարամը Twitter-ի իր միկրոբլոգում գրառում է կատարել։ «Լեռնային Ղարաբաղում տեղի է ունենում ցեղասպանություն, որն իրականացվում է հանցավոր ռեժիմի կողմից։ Այն հաստատել է անողոք շրջափակում, որը հայ խաղաղ բնակիչներին զրկում է սննդից և դեղորայքից: Միջազգային հանրության լռությունը հանցավոր է»,- գրել է պաշտոնյան: Un génocide est en cours dans…

Մեր աչքի առաջ տեղի է ունենում ԼՂ-ում էթնիկ զտման՝ Ալիևի կանխամտածված արշավը։ Այդ մասին Twitter-ի իր միկրոբլոգում գրել է ԱՄՆ Կոնգրեսի Ներկայացուցիչների պալատի անդամ Ֆրենկ Փալոնը։ «Պետքարտուղարությունը և միջազգային հանրությունը պետք է ցույց տան, որ դա անընդունելի է, և պատժամիջոցներ սահմանեն։ Միջանցքը վերաբացելու անկարողությունն այժմ անհասկանալի հումանիտար ճգնաժամ կառաջացնի»,- գրել է կոնգրեսականը։ Aliyev’s deliberate ethnic…

ԼՂ կառավարության որոշմամբ` այսօրվանից շուկայում ապրանքի վաճառքի թույլատրելի գնից բարձր գնով վաճառք իրականացնող տնտեսվարողից վաճառվող ապրանքը հարկադրաբար վերցվելու և պետության կողմից սահմանված գնով իրացվելու է բնակչությանը: Այս մասին հայտնում է ԼՂ պետնախարար Գուրգեն Ներսիսյանը: «Թեև Արցախի շրջափակման մերօրյա պայմաններում շուկայում իրացման ենթակա ապրանքները գրեթե սպառված են, այդուհանդերձ, եղածն էլ մեր շարքերում գտնվող նյութապաշտների կողմից բացահայտ…

Ադրբեջանի ԱԳՆ-ն արձագանքել է ԼՂ-ին հումանիտար աջակցություն տրամադրելու ՀՀ որոշմանը: Այս քայլն Ադրբեջանի ԱԳՆ-ն «շոու» է անվանել և «սադրանք»` նշելով, թե իբր Հայաստանում «չեն կարողանում հաշտվել Լաչինի անցակետի գոյության հետ»: ««Հումանիտար բեռ» անվան տակ Հայաստանն Ադրբեջանի սուվերեն տարածք է ուղարկում ավտոշարասյուներ` առանց մեր երկրի հետ համաձայնեցնելու. սա ոտնձգություն է Ադրբեջանի տարածքային ամբողջականության և սուվերենության նկատմամբ,…