ԼՂ-ից բռնի տեղահանված մեր հայրենակիցների խնդիրները շարունակում են պետության ուշադրության կենտրոնում լինել: Հումանիտար կենտրոնից փոխվարչապետ Տիգրան Խաչատրյանը տեղեկացրել է՝ արցախահայության բնակության դրամական ծախսերի ծրագիրը գործնականում մշակված է: Մանրամասները՝ Անի Օհանյանի ռեպորտաժում:
Գազայի հատվածին Իսրայելի ԶՈՒ հասցրած հարվածների հետևանքով զոհերի թիվը ավելացել է՝ հասնելով մինչև 413-ի, հայտնում է Գազայի առողջապահության նախարարությունը: «Առողջապահության նախարարության ինֆորմացիոն կենտրոնը գրանցել է 413 մարդու մահ, որոնց թվում՝ 78 երեխա և 41 կին»,- ասված է գերատեսչության հայտարարության մեջ: Հաղորդվում է՝ վիրավորվել է 2,3 հազար մարդ, այդ թվում՝ 213 երեխա և 140 կին: Ավելի…
Լեռնային Ղարաբաղը հայաթափելուց հետո Բաքուն ցինիկաբար խոսում է վերաինտեգրման պլանի մասին: Բացառապես քաղաքական նպատակներով իրականացվող քայլերը միջազգային դերակատարներից իրական մտադրությունները թաքցնելու համար է, ըստ փորձագետների, նաև նրանց դեմքը փրկելու միջոց, թե իբր կարողացան կանխել էթնիկ զտումը:
ՀՀ արտաքին գործերի նախարարությունը X-ի իր միկրոբլոգում (նախկին Twitter) իր խորին ցավակցությունն է հայտնել Աֆղանստանի ժողովրդին երկրի արևմուտքում տեղի ունեցած ավերիչ երկրաշարժի կապակցությամբ: «Մենք հույս ունենք, որ տուժածների ընտանիքներն ու հարազատներն ուժ կունենան հաղթահարելու բնական աղետի պատճառած ողբերգությունը»,- նշված է գրառման մեջ։ Հիշեցնենք՝ հոկտեմբերի 7-ին Աֆղանստանի արևմտյան հատվածում տեղի ունեցած երկրաշարժի զոհերի թիվը հասել է…
2020-ի նոյմբերյան փաստաթուղթը, բացի հրադադարից, նաև գերիների վերադարձ էր ենթադրում, ճանապարհների ապաշրջափակում, Հայաստան-ԼՂ անխափան կապ, Բաքուն մինչդեռ անպատիժ խախտել է բոլոր պայմանավորվածությունները: Ադրբեջանի սեպտեմբերյան հարձակումից ու ԼՂ հայաթափումից հետո արդյո՞ք Փաշինյանի, Ալիևի ու Պուտինի ստորագրությամբ փաստաթուղթը դեռ որևէ ուժ ունի. փորձագետների կարծիքները տարբեր են: Իրինա Մկրտչյանն է ներկայացնում:
Արտաքին գործերի նախարարությունից, ի շարունակություն երեկվա հաղորդագրության հայտնում են՝ Իսրայելի հարավային շրջաններում զարգացումների հետևանքով տուժածների շրջանում ՀՀ քաղաքացիների առկայության մասին տեղեկություններ այս պահին չկան: Հայկական հաստատությունները նույնպես վնասներ չեն կրել: Ըստ անհրաժեշտության, ԱԳՆ-ն հանդես կգա լրացուցիչ հաղորդագրությամբ։
Հոկտեմբերի 7-ին Աֆղանստանի արևմտյան հատվածում տեղի ունեցած երկրաշարժի զոհերի թիվը հասել է ավելի քան 2,4 հազարի:Այս մասին ՏԱՍՍ գործակալությանը տվյալներ է տրամադրել TOLO News հեռուստաալիքը՝ հղում անելով աֆղանական կառավարության պաշտոնյա Մոհամմադ Ջանան Սաիքին։ Ըստ պաշտոնյայի՝ երկրաշարժի զոհերի թիվը հասել է ավելի քան 2,4 հազարի, առնվազն 2 հազար մարդ վիրավորվել է։
Առողջապահության նախարարությունից տեղեկացնում են՝Ամերիկայի Միացյալ Նահանգների և Բելգիայի Թագավորության հետ փոխգործակցության արդյունքում այսօր այդ երկրների առաջատար բժշկական մասնագիտացված կենտրոններ են տեղափոխվել պայթյունից տուժած 5 պացիենտ։ Նրանք բոլորն անչափահասներ են։ «Հայաստանին օգնության ձեռք մեկնած երկրներից Ֆրանսիայի, Բուլղարիայի, Իտալիայի կլինիկաներում բուժումն արդեն շարունակում են 12 պացիենտ»,- նշված է հաղորդագրությունում։
Իլհամ Ալիևի գլխավորած պատվիրակությանը Թբիլիսիի Շոթա Ռուսթավելիի անվան միջազգային օդանավակայանում դիմավորել են Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլին, Ադրբեջանում Վրաստանի արտակարգ և լիազոր դեսպան Զուրաբ Պատարիձեն և Վրաստանում Ադրբեջանի Հանրապետության արտակարգ և լիազոր դեսպան Ֆաիգ Գուլիևը։ Այդ մասին հայտնում է Aliq.ge վրացական կայքը։ Այցի շրջանակներում նախատեսված է Իրակլի Ղարիբաշվիլիի և Իլհամ Ալիևի…
Այս պահի դրությամբ ՀՀ առողջապահության նախարարությունը տեղեկացրել է՝ 293 բուժառու շարունակում է բուժումը տարբեր ԲԿ-ներում, 106-ի վիճակը շարունակում է մնալ ծանր, 11-ինը՝ ծայրահեղ ծանր: Այս մասին հայտնեց ՀՀ վարչապետի մամուլի քարտուղար Նազելի Բաղդասարյանը՝ տվյալներ ներկայացնելով Լեռնային Ղարաբաղում ռազմական գործողությունների և պայթյունի հետևանքով Հայաստան տեղափոխված և մայրաքաղաքի տարբեր բժշկական կենտրոններում բուժում ստացող անձանց վերաբերյալ: Նրա խոսքով՝…
Աֆղանստանի արևմուտքում երկրաշարժի հետևանքով զոհերի թիվը գերազանցել է 2 հազարը, հայտնում է Reuters գործակալությունը: «Աֆղանստանում տեղի ունեցած երկրաշարժի զոհերի թիվը 2053 է, 9240 մարդ տուժել է, 1329 տուն վնասվել է կամ ավերվել»,- հաղորդում է գործակալությունը: Հիշեցնենք՝ Եվրոպական-միջերկրածովյան սեյսմոլոգիական կենտրոնը (EMSC) երեկ տեղեկացրել էր Աֆղանստանում մինչև 6,4 մագնիտուդով մի քանի երկրաշարժերի մասին:
Գազայի հատվածին իսրայելական հարվածների հետևանքով զոհերի թիվն ավելացել է՝ հասնելով 256-ի, ևս 1788 մարդ վիրավորվել է, հայտնում է Times of Israel թերթը՝ վկայակոչելով Պաղեստինի առոողջապահության նախարարությանը: Ավելի վաղ Պաղեստինի առողջապահության նախարարությունը տեղեկացրել էր՝ իսրայելական հարվածների հետևանքով զոհերի թիվը հասել է 232-ի, տուժել գրեթե 1,7 հազար մարդ: «Գազայի հատվածում 256 պաղեստինցի է սպանվել, ևս 1788-ը վիրավորվել…
Չինաստանը կոչ է արել Իսրայելին և Պաղեստինին դադարեցնել կրակը, հաղորդում է Interfax-ը: Պեկինը նաև անհանգստություն է հայտնել Իսրայելի և Պաղեստինի միջև լարվածության սրման առնչությամբ և պատրաստակամություն հայտնել համագործակցել միջազգային հանրության հետ՝ խաղաղության շուտափույթ հաստատման համար: Հիշեցնենք՝ ՀԱՄԱՍ շարժումը հոկտեմբերի 7-ին Իսրայելի ուղղությամբ մի քանի հազար հրթիռ էր արձակել և հայտարարել «Ալ-Աքսայի ջրհեղեղ» գործողությունը սկսելու մասին: Այս…
Թել Ավիսը որոշել է հարվածներ հասցնել Լիբանանի շրջաններից մեկին՝ ի պատասխան այնտեղից հասցված հարվածների: Այս մասին ասվում է Իսրայելի պաշտպանության բանակի Telegram-ալիքում: «Հրետանին հարվածներ է հասցնում Լիբանանի այն շրջանին, որից իրականացվել է հրետակոծությունը»,- ասված է մամուլի ծառայության հաղորդագրության մեջ: Լիբանանյան al-Mayadeen հեռուստաալիքը հայտնել է՝ կրակի տակ է հայտնվել երկրի հարավում տեղակայված Կֆար-Շուբա գյուղը: Հիշեցնենք՝…
Արտասահմանցի գործընկների և առաջատար կլինիկաների հետ փոխգործակցության արդյունքում Լեռնային Ղարաբաղում պայթյունի և ռազմական ագրեսիայի հետևանքով տուժած ևս 5 պացիենտ բուժումը շարունակելու է արտերկրում։ Այս մասին հայտնում է ՀՀ առողջապահության նախարարությունը: Գիշերը Իտալիայից ժամանած մասնագիտական թիմը, մեր բժիշկների հետ համատեղ քննարկման արդյունքում, ընտրել և տեղափոխել է այն պացիենտներին, որոնց բուժումը իրենց երկրում շարունակելն ավելի արդյունավետ…
Իսրայելի վարչապետ Բենյամին Նեթանյահուն, տեսաուղերձով դիմելով քաղաքացիներին, Գազայի հատվածի բնակիչներին կոչ է արել անհապաղ լքել տարածքը: Նա հայտարարել է` Իսրայելի բանակն անհապաղ գործի կդնի ողջ հզորությունը` ՀԱՄԱՍ խմբավորմանը ոչնչացնելու համար: «Մենք վրեժ կլուծենք այս սև օրվա համար, Գազան կվերածենք ավերակների քաղաքի»,- ասել է նա: Նեթանյահուն հայտնել է, որ Գազայի հատվածում Իսրայելի ռազմական գործողությունը կլինի երկարատև…
