23.11.2023

Նիդերլանդների խորհրդարանի ընտրությունում, նախնական տվյալների համաձայն, հաղթել է ուլտրաաջ «Ազատություն» կուսակցությունը: Քվեաթերթիկների 98%-ի դիտարկումից հետո նշվում է, որ Գերտ Վիլդերսի գլխավորած քաղաքական ուժը կարող է ակնկալել խորհրդարանի 150 տեղից 37-ը: Հատկանշական է, որ քաղաքական ուժը հայտնի է որպես միգրացիոն քաղաքականության խստացման կողմնակից և ԵՄ-ից Նիդերլանդների դուրս գալու գաղափարախոս: Երկրորդ տեղը զբաղեցրած ձախերի դաշինքը, որը բաղկացած…

Գազայում Իսրայելի գործողության համար դեռևս առնվազն երկու ամիս կպահանջվի. ռազմական գործողություններում դադարը կարճ կլինի: Նման հայտարարություն է արել Իսրայելի պաշտպանության նախարար Յոավ Գալանտը: «Կարճ դադար կլինի, որի ավարտից հետո կշարունակվեն ինտենսիվ ռազմական գործողությունները, ճնշում կգործադրվի` ավելի մեծ թվով առևանգվածների վերադարձնելու համար: Սպասվում է ռազմական գործողությունների ևս երկու ամիս»,- ասել է նա:

Գազայի հատվածում ժամանակավոր մարդասիրական հրադադարի՝ ուժի մեջ մտնելու հստակ ժամկետը դեռ հայտնի չէ, CNN-ի տվյալով՝ դա կարող է տեղի ունենալ վաղը: Երեկ ՀԱՄԱՍ-ը և Իսրայելը համաձայնել էին 4 օրով դադարեցնել կրակը, զինադադարի ընթացքում ՀԱՄԱՍ-ը պետք է իսրայելական կողմին վերադարձնի առնվազն 50 պատանդի՝ կանանց և երեխաների: Փոխարենը՝ Իսրայելն ազատ կարձակի երկրի բանտերում պահվող 150 կնոջ և…

Գործադիրն ընդունել է որոշում՝ Լեռնային Ղարաբաղից բռնի տեղահանված ընդհանուր առմամբ 131 անձի հրատապ կեցություն և խնամք ապահովելու նպատակով: Մասնավորապես՝ ԼՂ-ից բռնի տեղահանված տարեց և (կամ) հաշմանդամություն ունեցող անձանց խնամքի ծառայություններ տրամադրելու նպատակով անհրաժեշտություն է առաջացել 71 անձի խնամքը կազմակերպել Նորքի տուն-ինտերնատում, Երևանի N 1 տուն-ինտերնատում, Վարդենիսի նյարդահոգեբանական տուն-ինտերնատում և «Ձորակ» հոգեկան առողջության խնդիրներ ունեցող անձանց…

Իրանի արտաքին գործերի նախարար Հոսեյն Ամիր Աբդոլլահիանը Լիբանան կատարած այցի ընթացքում հանդիպել է «Հեզբոլլահ» կուսակցության գլխավոր քարտուղար Հասան Նասրալայի հետ: Լրատվամիջոցների տվյալով՝ զրուցակիցները քննարկել են տարածաշրջանում վերջին զարգացումները և այն ջանքերը, որոնք կողմերը գործադրում են Գազայում ռազմական գործողությունները դադարեցնելու համար: Իսլամական Հանրապետության ԱԳ նախարարը երեկ չհայտարարված այցով ժամանել է Լիբանան: Դրանից մի քանի ժամ առաջ…

Թուրքիայի իշխանությունները չեն կարող վավերացնել Շվեդիայի անդամակցության հայտը մինչև նոյեմբերի 28-29-ը Բրյուսելում կայանալիք դաշինքի երկրների արտգործնախարարների հանդիպումը: Այդ մասին հայտնել է Reuters-ը։ Գործակալության աղբյուրները նշել են, որ Թուրքիայի խորհրդարանի արտաքին հարաբերությունների հանձնաժողովը վավերացման հարցի քննարկումը կարող է վերսկսել նոյեմբերի 28-ին կամ 29-ին: ՆԱՏՕ-ի որոշ ներկայացուցիչներ հույս ունեին, որ ԱԳՆ ղեկավարների հանդիպմանը Շվեդիան արդեն կկարողանա դառնալ…

Ուկրաինայի նախագահը Fox News-ի հետ հարցազրույցում հայտարարել է՝ Կիևը կարող է դադարեցնել պատերազմը՝ զիջելով Դոնբասը և Ղրիմը, «սակայն մեր երկիրը պատրաստ չէ նման «խաղաղության ծրագրի»՝ շեշտել է Վոլոդիմիր Զելենսկին։ Նա նաև արձագանքել է լրագրողի դիտարկմանը, որ Թրամփը խոստացել էր «24 ժամվա ընթացքում» հասնել Ռուսաստանի և Ուկրաինայի միջև խաղաղության համաձայնագրի։ Զելենսկին պատասխանել է՝ պատրաստ է հանդիպել…

Մինսկում մեկնարկել է ՀԱՊԿ երկրների ղեկավարների հանդիպումը: Հայկական կողմը գագաթնաժողովին չի մասնակցում: Հանդիպմանն ընդառաջ Բելառուսի արտգործնախարարը հայտարարել է՝ այժմ ՀԱՊԿ-ում գլխավորը բոլոր անդամների համերաշխությունն ու միասնությունն է: Սերգեյ Ալեյնիկի խոսքով՝ երեկ կայացած քննարկումներում ՀԱՊԿ պետությունների ներկայացուցիչները համաձայնեցրել են մի շարք փաստաթղթեր, որոնք այսօր կներկայացվեն պետությունների ղեկավարներին: Նա նշել է, որ գագաթնաժողովում կայացված բոլոր որոշումները լեգիտիմ…

Գազայի հատվածում ռազմական գործողությունները շարունակվում են: ԶԼՄ-ների տվյալով՝ ՑԱՀԱԼ-ը հարվածել է Գազայի հատվածի հարավային տարածքներին, զոհվել են խաղաղ բնակիչներ: Իսրայելի բանակի տվյալով՝ հոկտեմբերի 7-ից ի վեր ոչնչացվել է ՀԱՄԱՍ-ին պատկանող 400 թունել, դրանք գտնվել են քաղաքացիական շենքերի տակ: Իսրայելում էլ օդային տագնապի ազդանշաններ են հնչել: Փոխադարձ հարվածների մասին են հայտարարել ՑԱՀԱԼ-ը և «Հեզբոլլահը»: Հայտնի է…

Ադրբեջանի պաշտպանության նախարարության պատվիրակությունը Վրաստանում հանդիպում է ունեցել երկրի պաշտպանության նախարարի տեղակալ Գիորգի Խաինդրավայի հետ: Ադրբեջանական պատվիրակության կազմում են եղել պաշտպանության նախարարի տեղակալներ և այլ պաշտոնատար անձինք: Հանդիպմանը քննարկվել են երկու երկրների միջև ռազմական, ռազմատեխնիկական և ռազմակրթական ոլորտներում համագործակցության հետագա ընդլայնման, ինչպես նաև փոխադարձ հետաքրքրություն ներկայացնող մի շարք հարցեր:

Ֆինլանդիան որպես ՆԱՏՕ-ի անդամ առաջին անգամ գլխավորել է «Սառցե քամիներ 23» միջազգային ռազմածովային զորավարժությունները: Դրանք կտևեն մինչև դեկտեմբերի 1-ը։ Միջոցառմանը հիմնականում ներգրավված են ԱՄՆ, Մեծ Բրիտանիայի, Գերմանիայի, Նիդերլանդների, Լեհաստանի և Ֆրանսիայի ուժերը։ Բալթիկ ծովում ռազմածովային գործողությունների և համատեղ կարողությունների զարգացմանն ուղղված վարժանքներին մասնակցում են տասնյակ նավեր, ինչպես նաև ինքնաթիռներ:

Caucasus Heritage Watch մշակութային ժառանգության մոնիթորինգային գործակալությունը X-ի էջում տեղեկացրել է, որ հոկտեմբերի 5-ից նոյեմբերի 3-ն ընկած ժամանակահատվածում ադրբեջանցիները բուլդոզերներով ճանապարհ են բացել Շուշիում գտնվող պատմական գերեզմանատան միջով, որը հայտնի է որպես Երևանյան դարպասների գերեզմանոց: Ծառերի մեջ տեղավորված է առնվազն 78 հայերեն տապանաքար, որոնք թվագրվում են 1802-1913 թվականներով: «Խիտ անտառը թաքցնում է գերեզմանատունը: Մենք օգտագործել…

Բաքվի Զիա Բունիաթովի պողոտայում գտնվող շինանյութի շուկայի տարածքում խոշոր հրդեհ է բռնկվել: Ադրբեջանի ԱԻՆ մամուլի ծառայությունից հայտնել են, որ դեպքի վայր է ժամանել պետական հակահրդեհային ծառայության 85 աշխատակից և ավելի քան 20 միավոր հատուկ տեխնիկա, ինչպես նաև շտապօգնության երկու բրիգադ: Հրդեհը տեղայնացվել է: Նշվում է, որ հրդեհի պատճառով մեկ մարդ մահացել է:

ԱՄՆ-Կանադա սահմանին տեղակայված, Նիագարայի ջրվեժի վրայով անցնող կամրջի վրա պայթյուն է գրանցվել: ABC News-ը հայտնում է, որ կամուրջը երկու ուղղությամբ փակվել է անցակետում ավտոմեքենայի հետ կապված միջադեպից հետո: «Նիագարայի ջրվեժի վրա տեղակայված կամուրջը երկու կողմից փակ է` կապված միջադեպի հետ, որը կապ ունի ԱՄՆ ուղևորվող տրանսպորտային միջոցի հետ: Ինչ-որ տեսակի պայթյուն է տեղի ունեցել: Տեղում մեծ…