24.04.2024

Կանադայի վարչապետ Ջասթին Թրյուդոն հայտարարություն է տարածել Հայոց ցեղասպանության զոհերի հիշատակի օրվա կապակցությամբ: «Այսօր մենք միանում ենք Կանադայի և ամբողջ աշխարհի հայ համայնքներին՝ ոգեկոչելու Հայոց ցեղասպանության հիշատակի օրը: Մենք անդրադառնում ենք պատմության այս մութ հատվածին, հարգանքի տուրք մատուցում զոհերին և անդրադառնում այն ցավին, որը շատերը դեռ կրում են: Քսան տարի առաջ Կանադայի կառավարությունը միացավ միջազգային…

Էստոնիայի արտգործնախարարությունը X-ի իր միկրոբլոգում ողջունել է հայ-ադրբեջանական սահմանի սահմանազատման գործընթացը: «Ողջունում ենք Հայաստան-Ադրբեջան սահմանի սահմանազատման գործընթացի ուշագրավ զարգացումները և առաջին սահմանային նշանի տեղադրումը 1991 թվականի Ալմա Աթայի հռչակագրի հիման վրա։ Ակնկալում ենք տեսնել գործընթացի շարունակությունը»,- ասված է գրության մեջ:

Դիարբեքիրի փաստաբանների ասոցիացիան հայտարարություն է տարածել Հայոց ցեղասպանության զոհերի հիշատակի օրվա կապակցությամբ: հայտարարության մեջ ասված է. «Ամեն ապրիլի 24-ին Թուրքիայի Հանրապետությունում պետությունը, կառավարությունն ու բյուրոկրատիան սկսում են պայքարել ճշմարտության դեմ՝ մտահոգվելով, թե ով և ինչպես կանվանի տեղի ունեցածը։ Ամեդա փաստաբանների պալատն ամեն տարի բռնաճնշումների է ենթարկվում այդ պայքարում իր մասնակցության համար՝ բախվելով իր դեմ հարուցված…

Հունաստանի նախագահ Կատերինա Սակելարոպուլուն X-ի իր միկրոբլոգում գրել է. «Օսմանյան կայսրության վերջին շրջանում ծրագրված 1,5 միլիոն հայերի բնաջնջումից անցել է 109 տարի։ Դա ցեղասպանություն էր, որը քիչ էր մնում ոչնչացներ հինավուրց ժողովրդին, քրիստոնեական կորիզին, որը ծաղկում էր Հարավային Կովկասում։ Նման ողբերգական իրադարձությունների ճանաչումը, ինչպես նաև բռնության և մարդկության հանդեպ ատելության դեմ մշտական ​​զգոնությունը, էական նշանակություն…

ԱՄՆ նախագահ Ջո Բայդենն ուղերձ է հղել Հայոց ցեղասպանության զոհերի հիշատակի օրվա կապակցությամբ: Սպիտակ տան տարածած հաղորդագրության համաձայն՝ ուղերձում ասված է. «Այսօր մենք կանգ ենք առնում՝ հիշելու Մեծ եղեռնի՝ Հայոց ցեղասպանության ժամանակ կորսված կյանքերն ու վերահաստատում ենք երբեք չմոռանալու մեր խոստումը: Դաժանության արշավը սկսվեց 1915 թվականի ապրիլի 24-ին, երբ օսմանյան իշխանությունները Կոստանդնուպոլսում ձերբակալեցին հայ մտավորականներին…

Եվրախորհրդարանում Բուլղարիայի ներկայացուցիչ Անգել Ջամբասկին X-ի իր միկրոբլոգում ոգեկոչել է Հայոց ցեղասպանության զոհերի հիշատակը: «Այսօր մենք հիշում ենք Հայոց ցեղասպանության զոհերին: Իրադարձության նպատակն էր համակարգված ոչնչացնել հայ ժողովրդին և նրա ինքնությունը Օսմանյան կայսրությունում: Թուրքիան դեռ չի ճանաչել ցեղասպանությունը, և դա խայտառակություն է, բայց մենք հիշում ենք և երբեք չենք մոռանա ու չենք ների: Հիշիր և…

Հայոց ցեղասպանության զոհերի հիշատակի օրվա կապակցությամբ ՀՀ-ում ՌԴ դեսպանությունը Տելեգրամ ալիքում գրառում է կատարել. «Ապրիլի 24-ը Օսմանյան կայսրությունում Հայոց ցեղասպանության զոհերի հիշատակի օրն է: Սգում ենք հայ ժողովրդի հետ միասին»,- ասված է գրառման մեջ: Բաժանորդագրվեք մեր տելեգրամյան ալիքին 

Այսօր Հայոց ցեղասպանության զոհերի հիշատակին հարգանքի տուրք է մատուցել ՀՀ-ում Բելգիայի Թագավորության արտակարգ և լիազոր դեսպան Էրիկ դե Մույնքը: X-ի իր միկրոբլոգում նա գրել է. «Այլևս երբեք»։ «Ի հիշատակ 1915-23 թվականների անմեղ հայ զոհերի՝ ներկա եղա Ծիծեռնակաբերդի ցեղասպանության հուշահամալիրում Հայոց ցեղասպանության 109-րդ տարելիցի ոգեկոչմանը»,- գրել է դեսպան Էրիկ դե Մույնքը։

Ֆրանսիայի նախագահ Էմանուել Մակրոնը գրառում է կատարել Հայոց ցեղասպանության զոհերի հիշատակի օրվա կապակցությամբ:    «Ֆրանսիան այսօր հիշատակում է 1915 թվականի Հայոց ցեղասպանության 109-րդ տարելիցը: Վառ պահենք ջարդերի, տեղահանությունների ու հետապնդումների զոհերի հիշատակը։ Չմոռանանք։ Ֆրանսիացիներն ու հայերը հավերժ կապված են»,- գրել է Մակրոնը X-ի իր միկրոբլոգում։

ՌԴ պաշտպանության փոխնախարար Տիմուր Իվանովը ձերբակալվել է կաշառք ստանալու կասկածանքով: Այս մասին հայտնում է ՌԴ ՔԿ-ն: ՌԴ նախագահի խոսնակ Դմիտրի Պեսկովն էլ հայտնել է` փոխնախարարի ձերբակալման մասին արդեն զեկուցվել է թե՛ նախագահ Վլադիմիր Պուտինին, թե՛ պաշտպանության նախարար Սերգեյ Շոյգուին: Բաժանորդագրվեք մեր տելեգրամյան ալիքին