Ադրբեջանը պատրաստ է փոքր քայլեր սկսել Հայաստանի հետ վստահություն ստեղծելու համար։ Այս մասին Իլհամ Ալիևն ասել է ADA համալսարանում անցկացված «Դեպի նոր աշխարհակարգ» միջազգային համաժողովում։
Նա նշել է, որ դեռ վաղ է խոսել բարեկամության կամ տնտեսական ինտեգրման մասին, սակայն առաջին քայլերը հնարավոր են։
Ալիևն ասել է, որ մի քանի նման նախաձեռնություններ են Ադրբեջանին առաջարկել վրացի գործընկերները, և Բաքուն արդեն տվել է դրական պատասխան։ Այժմ սպասվում է Երևանի արձագանքը։ Որպես հնարավոր քայլեր նա նշել է լրագրողների փոխայցելությունները, անդրսահմանային գետերի համատեղ քննարկումները։