Մայիսի 26-ին Վրաստանի անկախության օրը հանդիսավոր կերպով նշվեց Ախալքալաքի մունիցիպալիտետի կենտրոնական հրապարակում։ Միջոցառումը կազմակերպվել էր Վրաստանի հաշտեցման և քաղաքացիական հավասարության հարցերով պետական նախարարի գրասենյակի կողմից և անցկացվել է Ախալքալաքի մունիցիպալիտետի քաղաքապետարանի աջակցությամբ։
Առավոտից քաղաքացիները հնարավորություն ունեցան դիտելու Վրաստանի պաշտպանության ուժերի ռազմական տեղնիկայի, զենքերի և սարքավորումների ցուցահանդեսը։
Զուգահեռաբար կազմակերպվել էր մանկական զվարճանքի այգի, տեղի ձեռնարկատերերի ձեռագործ իրերի ցուցահանդես-վաճառք, սպորտային և զվարճանքի տարածքներ, այդ թվում արհեստանոցային միջոցառումներ, դիմանկարչություն և լուսանկարների տպագրություն, քայլերգային նվագախմբերի ելույթներ ու անիմացիոն կերպարների շոու։
Վրաստանի անկախության օրվա կապակցությամբ բնակչությանը շնորհավորել են Ախալքալաքի մունիցիպալիտետի քաղաքապետ Մելքոն Մակարյանը, հաշտեցման և քաղաքացիական հաշտեցման հարցերով պետական նախարարի տեղակալ Շոթա Ռիխվիշվիլին, Վրաստանի խորհրդարանի անդամ Սամվել Մանուկյանը և Սամցխե-Ջավախքի տարածաշրջանում պետական ներկայացուցչի տեղակալ Սերգի Մուշկուդիանին։