Վրաստանն ամբողջությամբ մարել է իր պատմական պարտքը Ռուսաստանին

Վրաստանը մինչև 2025 թվականի սեպտեմբերի 1-ն ամբողջությամբ մարել է Ռուսաստանի և Փարիզյան ակումբի վեց այլ վարկատու երկրների արտաքին պարտքը՝ 2004 թվականին ձեռք բերված վրացական պարտքի մի մասի վերակազմավորման մասին համաձայնագրի շրջանակներում՝ հայտնել է երկրի ֆինանսների նախարարության կայքը։

Ըստ BMG բիզնես գործակալության՝ դա Վրաստանի անկախության առաջին տարիներին կուտակված պարտքն էր: Այդ միջոցները ներառում էին Վրաստանի կողմից մինչև 1999 թվականը վերցված 160 միլիոն դոլարը, 1999 թվականից մինչև 2004 թվականի մայիսը պարտքերի վրա կուտակված տոկոսներն ու 2004-2006 թվականներին չմարված պարտքը։ Ընդհանուր գումարը գերազանցել է 225 միլիոն դոլարը։

Փետրվարին Ռուսաստանին պարտքը 7,87 միլիոն դոլարից նվազել է մինչև 3,997 միլիոն դոլար։ Այս թիվը պարտքի սյունակում մնացել է փետրվարից մինչև օգոստոս։ Անցյալ ամսվա դրությամբ այն զրոյացված է եղել։

Ռուսաստանից բացի, մարվել են Ադրբեջանի, Թուրքիայի, Ղազախստանի, Հայաստանի, Իրանի և Նիդերլանդների հանդեպ ունեցած պարտքերը։ Ֆինանսների նախարարությունը հավելել է, որ Վրաստանի պետական ​​պարտքն օգոստոսի դրությամբ կազմել է ավելի քան 10 միլիարդ դոլար։ Երկիրը ամենաշատը՝ ավելի քան 850 միլիոն դոլար, պարտք է Ֆրանսիային։