Ախալցխայում, Ռուսթավելիի փողոցի վրա կառուցվում է կինոակումբ և մեդիա գրադարան։ Այս շինարարական աշխատանքներին ծանոթանալու համար Ախալցխայի քաղաքապետ Վարլամ Ծիկլաուրին և քաղաքային խորհրդի նախագահ Սաբա Կբիլաշվիլին, իրենց տեղակալների հետ միասին այցելել են տվյալ տարածք։
Նախագծի շրջանակներում կառուցվելու է ժամանակակից չափանիշներին համապատասխանող երկհարկանի շենք, որտեղ կկազմակերպվեն 250 հանդիսատեսի համար նախատեսված դահլիճ, կինոդահլիճ և մեդիա գրադարան։ Նախատեսվում են նաև բակի ձևավորման, կանաչապատման և լուսավորության տեղադրման աշխատանքներ։
«Ախալցխայում իրականացվում է շատ մեծածավալ ենթակառուցվածքային նախագիծ։ Կինոակումբի և մեդիա գրադարանի շինարարությունը կավարտվի հաջորդ տարի, և մեր քաղաքը կունենա կարևոր զվարճանքի տարածք։ Սա ևս մեկ լավ հնարավորություն կլինի մունիցիպալիտետում ապրող յուրաքանչյուր մարդու, ուսանողի և երիտասարդի համար», — նշել է Վարլամ Ծիկլաուրին։
Ենթակառուցվածքային աշխատանքները ֆինանսավորվում են պետական և տեղական բյուջեներից՝ 4,665,215 լարիով։