Սամցխե-Ջավախեթի շրջանի պետական լիազոր ներկայացուցիչ Զաալ Գելաշվիլին, խորհրդարանի անդամ Անտոն Օբոլաշվիլին, Ախալցխայի մունիցիպալիտետի քաղաքապետ Վարլամ Ծիկլաուրին և սակրեբուլոյի նախագահ Սաբա Կբիլաշվիլին հանդիպեցին Ախալցխայի մունիցիպալիտետի պետական և մասնավոր դպրոցների տնօրենների հետ։
Կառավարության ներկայացուցիչները շնորհակալություն հայտնեցին տնօրեններին արդյունավետ կառավարման և կրթական գործունեության համար և ընդգծեցին նրանց նշանակալի ներդրումը մունիցիպալիտետում ապրող երիտասարդների կրթության գործում։
«Դպրոցական կյանքում առկա գործընթացներն ու ապագա ծրագրերը» թեմայով հանդիպումը բացեց Ախալցխայի կրթական ռեսուրսների կենտրոնի ղեկավար Խաթունա Խմալաձեն։
Միջոցառման շրջանակներում կազմակերպվեց դպրոցական աշխատանքների ցուցահանդես և թվայնացված ֆիլմի ցուցադրություն։ Դպրոցների տնօրենները խոսեցին յուրաքանչյուր դպրոցում առկա գործընթացների և ապագա ծրագրերի մասին։
Հանդիպմանը ներկա էին նաև նահանգապետի աշխատակազմի, տեղական ինքնակառավարման մարմինների և կանանց կազմակերպությունների ներկայացուցիչներ։