20.01.2026

Ադրբեջանը հերթական օգնությունն է ուղարկել Ուկրաինա՝ էներգետիկ ենթակառուցվածքների վերականգնման համար: Այն ներառում է գեներատորներ և տրանսֆորմատորներ, մալուխներ, լարեր, ցածր լարման վահանակներ: «Այս օգնության փաթեթը շատ ճիշտ ժամանակին է և խիստ կարևոր ներդրում է ռուսական ահաբեկչական հարձակումներից հետո Ուկրաինայի էներգետիկ համակարգի վերականգնման և էներգետիկ անվտանգության ամրապնդման համար»,- նշել է Բաքվում Ուկրաինայի դեսպան Յուրի Գուսևը: Նա շնորհակալություն…

Ոչ մի երկիր իրավունք չունի զավթել այլ երկրի տարածք. ո՛չ Ուկրաինայում, ո՛չ Գրենլանդիայում, ո՛չ էլ աշխարհի որևէ այլ վայրում՝ հայտարարել է Կայա Կալասը։ Նա տեղեկացրել է, որ Եվրամիությունը պատրաստվում է կրկնապատկել Գրենլանդիայի ֆինանսավորումը իր նոր երկարաժամկետ բյուջեի շրջանակում, որը կգործի 2028 թվականից: «Գրենլանդիայի հետ մեր համագործակցությունն իրական արդյունքներ է բերում, հատկապես կրթության, որակավորման բարձրացման և…

Իլհամ Ալիևը Դավոսում Համաշխարհային տնտեսական ֆորումի շրջանակում Euronews-ին տված հարցազրույցում հայտարարել է, որ Հարավային Կովկասը մտնում է զարգացման նոր փուլ։   «Մենք ապրում ենք խաղաղության պայմաններում ընդամենը հինգ-վեց ամիս, սովորում ենք այս իրավիճակին։ Մեր անկախության պատմության ընթացքում երբեք խաղաղության մեջ չենք ապրել։ Սա հրաշալի հնարավորություններ է բացում»,- շեշտել է Ադրբեջանի նախագահը։   Նրա խոսքով՝ այսօր…

Բուլղարիայի նախագահը հրաժարական է ներկայացրել: Այդ մասին նա հայտարարել է ժողովրդին ուղղված ելույթում: Reuters-ը գրում է, որ Ռումեն Ռադևի հայտարարությունից հետո լուրեր են տարածվել, որ նա մտադիր է ստեղծել սեփական քաղաքական կուսակցությունը և մասնակցել խորհրդարանի արտահերթ ընտրությանը։ Ռումեն Ռադևը Բուլղարիայի նախագահի պաշտոնը զբաղեցնում է 2016 թվականից։ Նա հայտարարել է իր հրաժարականի մասին երկրում քաղաքական ճգնաժամի պայմաններում: Ակնկալվում…

Հեռախոսազրույց են ունեցել Միացյալ Նահանգների և Սիրիայի նախագահները: Դոնալդ Թրամփը և Ահմեդ ալ-Շարաան քննարկել են Արաբական Հանրապետությունում քրդերի իրավունքներն ապահովելու անհրաժեշտությունը: Երկրի կառավարության և «Սիրիայի դեմոկրատական ուժերի» միջև օրերս կնքված հրադադարի ֆոնին՝ Թրամփը և Շարաան «վերահաստատել են Սիրիայում միասնության և անկախության պահպանման կարևորությունը», համաձայնել գործակցել «Իսլամական պետության» դեմ պայքարում։ Զուգահեռ, երկրում լարվածությունը պահպանվում է: Սիրիայի…

Միացյալ Նահանգների և Ադրբեջանի արտաքին քաղաքական գերատեսչությունների ղեկավարները հեռախոսազրույց են ունեցել: Պետքարտուղարության տվյալով՝ Մարկո Ռուբիոն և Ջեյհուն Բայրամովը քննարկել են Հարավային Կովկասում խաղաղության և բարգավաճման նպատակով վստահության ամրապնդման միջոցառումների իրականացումը, բարձր գնահատել ԱՄՆ-Ադրբեջան հարաբերություններում դրական զարգացումները։ Պետքարտուղար Ռուբիոն անդրադարձել է Ադրբեջանից Հայաստան վառելիքի մատակարարումներին: «Սա կարևոր ժեստ է, որը ցույց է տալիս Ադրբեջանի հավատարմությունը Հայաստանի…

Մոլդովան սկսել է ԱՊՀ-ի հետ կնքված հիմնական համաձայնագրերի չեղարկման գործընթացը, որը թույլ կտա նրան դուրս գալ կազմակերպությունից: Այս մասին «Ռադիո Մոլդովա»-ի եթերում հայտարարել է փոխվարչապետ և արտաքին գործերի նախարար Միհայ Պոպշոյը: «Մոլդովան սկսել է Անկախ պետությունների համագործակցությանն իր անդամակցության հիմք հանդիսացող երեք հիմնական համաձայնագրերի՝ ԱՊՀ կանոնադրության, ԱՊՀ ստեղծման մասին համաձայնագրի և համապատասխան հավելվածի չեղարկման գործընթացը։…

Բուլղարիայի նախագահ Ռումեն Ռադևը հայտարարել է հրաժարական տալու իր մտադրության մասին։   «Վաղը ես հրաժարական կտամ Բուլղարիայի Հանրապետության նախագահի պաշտոնից։ Ցանկանում եմ նշել, որ նախագահի և փոխնախագահի պաշտոնում ինը տարիների ընթացքում մենք ցույց ենք տվել, որ կարող ենք արդյունավետ և ներդաշնակ աշխատել», — հայտարարել է նա ժողովրդին ուղղված իր ուղերձում։   Բուլղարիայի նախագահը հաստատել է,…

ԱՄՆ-ն ավարտել է զորքերի դուրսբերումը Իրաքի օբյեկտներից, բացառությամբ Քրդստանի տարածաշրջանի՝ հաղորդում է CNN-ը՝ հղում անելով Իրաքի պաշտպանության նախարարությանը։ Գերատեսչության տվյալներով՝ ամերիկացի ռազմական խորհրդականների վերջին խումբը լքել է Իրաքի արևմտյան Անբար նահանգում գտնվող Այն ալ Ասադ ավիաբազան, որտեղ ամերիկյան զորքերը տեղակայված են ավելի քան երկու տասնամյակ։ ԱՄՆ-ի գլխավորած կոալիցիան, որը պայքարում էր «Իսլամական պետություն» խմբավորման դեմ,…

Ճապոնիայի վարչապետ Սանաե Տակաիչին որոշել է արձակել խորհրդարանի ստորին պալատը և փետրվարի 8-ին արտահերթ ընտրություններ է նշանակել: Տակաիչին հայտարարել է, որ վտանգի տակ է դնում իր աշխատանքը և ձգտում է քաղաքացիների քվեարկությանը դնել հարցը՝ արդյոք ինքը պետք է մնա Ճապոնիայի վարչապետի պաշտոնում: Խորհրդարանի ստորին պալատը կարձակվի հունվարի 23-ին՝ այս տարվա խորհրդարանական նստաշրջանի բացման օրը: Իշխող…