Ադիգենիի մունիցիպալիտետ այցելեց Թբիլիսիի ազգային սկրինինգային կենտրոնի թիմը՝ «Հիվանդությունների վաղ հայտնաբերում և սկրինինգ» պետական ծրագրի շրջանակներում։
Այս աշխատանքի ընթացքին ներկա էին Ադիգենիի մունիցիպալիտետի փոխքաղաքապետ Սոսո Ռեխվիաշվիլին և Ադիգենիի հանրային առողջապահության ծառայության ղեկավար Ռուիզան Քիմաձեն։
Միջոցառումը կազմակերպվել էր Լ. Սակվարելիձեի անվան հիվանդությունների վերահսկման և հանրային առողջության ազգային կենտրոնի կողմից, ինչպես նաև Ադիգենիի մունիցիպալիտետի քաղաքապետարանի, տարածաշրջանային առողջապահական կենտրոնի և քաղաքային հանրային առողջության կենտրոնի աջակցությամբ։
Արշավի շրջանակներում 40-ից 70 տարեկան բնակչության համար իրականացվել է կրծքագեղձի քաղցկեղի սկրինինգ (մամոգրաֆիա) և 25-ից 60 տարեկան կանանց համար՝ արգանդի վզիկի քաղցկեղի սկրինինգ։ Միաժամանակ իրականացվել է արյան ճնշման մոնիթորինգ, ինչպես նաև C և B հեպատիտների և ՄԻԱՎ վարակների ինտեգրված սկրինինգ։
Նմանատիպ բժշկական արշավներ պարբերաբար անցկացվում են մունիցիպալիտետում և կշարունակվեն նաև ապագայում։