Վրաստանի պետական աուդիտի ծառայությունը Հանրային գրանցամատյանի ազգային գործակալության փոխարեն կիրականացնի «Օտարերկրյա ազդեցության թափանցիկության մասին» օրենքով նախատեսված լիազորությունները։
Սա նախատեսված է «Օտարերկրյա ազդեցության թափանցիկության մասին» օրենքում նախատեսված փոփոխություններով, որոնք պատրաստվել են «Վրացական երազանքի» պատգամավորների կողմից։ Դրա հետ մեկտեղ փոփոխություններ են ներառվել նաև «Վրաստանի վարչական դատավարության մասին» օրենքում և «Պետական աուդիտի ծառայության մասին» օրենքում։
Հիշեցնում ենք, որ 2024 թվականի մայիսին խորհրդարանի կողմից ընդունված «Օտարերկրյա ազդեցության թափանցիկության մասին» օրենքի հիման վրա Արդարադատության նախարարության Հանրային գրանցամատյանի ազգային գործակալությունում ստեղծվել է այսպես կոչված օտարերկրյա տերությունների շահերը ներկայացնող կազմակերպությունների գրանցամատյան։ Նշված օրենքի համաձայն՝ ոչ կառավարական և լրատվամիջոցների կազմակերպությունները, որոնք իրենց եկամտի 20%-ից ավելին ստանում են արտասահմանից, պետք է գրանցվեն նշված գրանցամատյանում։ Հակառակ դեպքում գործող օրենքը նախատեսում է 25 հազար լարի տուգանք։