Իլիա Դարչիաշվիլին նշանակվել է Վրաստանի արտակարգ և լիազոր դեսպան Մեծ Բրիտանիայի և Հյուսիսային Իռլանդիայի Միացյալ Թագավորությունում: Այս մասին հայտարարել է Վրաստանի արտաքին գործերի նախարարությունը:
Վրաստանի արտաքին գործերի նախարարության տվյալներով՝ Իլիա Դարչիաշվիլին նշանակվել է նաև Վրաստանի մշտական ներկայացուցիչ Միջազգային ծովային կազմակերպությունում:
«Իլիա Դարչիաշվիլին 2022-2024 թվականներին եղել է Վրաստանի արտաքին գործերի նախարարը,
2017-2021 թվականներին՝ Վրաստանի արտակարգ և լիազոր դեսպան Լեհաստանի Հանրապետությունում:
Իլիա Դարչիաշվիլին զբաղեցրել է Վրաստանի կառավարության աշխատակազմի ղեկավարի և տարածաշրջանային զարգացման և ենթակառուցվածքների նախարարի առաջին տեղակալի պաշտոնները: Նա նաև աշխատել է որպես «Վրաստանի մունիցիպալ զարգացման հիմնադրամ» ՀԿ-ի գործադիր տնօրեն:
Իլիա Դարչիաշվիլուն շնորհվել է արտակարգ և լիազոր դեսպանի դիվանագիտական կոչում», — ասվում է տեղեկատվության մեջ: