Վրաստանի խորհրդարանը արագացված կարգով քննարկել և հաստատել է օրենքի նախագիծ, որը կապված է 2026-2027 ուսումնական տարում ընդհանուր կրթության նախնական մակարդակում ուսման մեկնարկի հետ։
«Ընդհանուր կրթության մասին» օրենքում ավելացվել է բացառիկ կարգավորում, որի համաձայն՝ միայն 2026-2027 ուսումնական տարում, ծնողի որոշմամբ, 2026 թվականի սեպտեմբերի 16-ից մինչև 2026 թվականի դեկտեմբերի 31-ը 6 տարեկան լրացող երեխան հնարավորություն կունենա սկսել ուսումը ընդհանուր կրթության նախնական մակարդակում՝ առաջին դասարանում։
Օրենսդրական նախաձեռնությունը խորհրդարան է ներկայացրել Կրթության և գիտության նախարարությունը։ Նախագիծն ընդունվել է միաձայն՝ 87 ձայնով։