19 თებერვალს, ჰოვჰანნეს თუმანიანის 155 წლის იუბილესთან დაკავშირებით, თბილისში დიდი პოეტის დაბადების დღე და ტრადიციული წიგნის ჩუქების დღე აღნიშნეს.
სადღესასწაულო ღონისძიებები თბილისში, სომეხ მწერალთა და საზოგადო მოღვაწეთა ხოჯივანქის პანთეონში დაიწყო, სადაც პანაშვიდი გაიმართა. იმავე დღეს თბილისში, ჰოვჰანნეს თუმანიანის სახლის სამეცნიერო-კულტურულ ცენტრში გაიმართა გამოფენის გახსნა სახელწოდებით „თუმანიანის თბილისური ნაკვალევი“ და პოეტ რუზან ჰოვასაფიანის წიგნის „აღდგომა“ პრეზენტაცია, რასაც მოჰყვა ერთმანეთისთვის წიგნების ჩუქების ცერემონია.
