Վենետիկի կինոփառատոնը, որը հիմնադրվել է 90 տարի առաջ, ամենահինն է Եվրոպայում և ամբողջ աշխարհում։ Այս տարի այն անցկացվում է 79-րդ անգամ։ 11 օր Palazzo del Casino-ում և Lido di Venezia-ի սրահներում հանրությանը կցուցադրվեն համաշխարհային կինոյի նոր գործեր։ Հիմնական մրցույթին կներկայացվի 23 ֆիլմ ամբողջ աշխարհից: Դրանցից 13-ը եվրոպական արտադրության են։
Իտալիան, Ֆրանսիան և Միացյալ Թագավորությունը գլխավորում են ցանկը համաշխարհային շուկայի համար նախատեսված ֆիլմերով, ինչպիսին է ֆրանսիացի ռեժիսոր Ֆլորիան Զելլերի «Որդին» դրաման:
Վենետիկի 79-րդ միջազգային կինոփառատոնի տնօրեն Ալբերտո Բարբերան ծրագրի մասին ասել է, որ «ցուցադրվելու են իմաստալից ֆիլմեր, հայտնի անուններով, բայց միաժամանակ կլինեն բազմաթիվ բացահայտումներ, շատ անակնկալներ»։
Ի տարբերություն Կաննի կինոփառատոնի, Վենետիկում ողջունել են Netflix-ի թողարկած ֆիլմերը՝ թույլ տալով դրանց մասնակցել մրցույթին։
Այս տարի «Ոսկե առյուծին» հավակնում է Netflix-ի 4 ֆիլմ, այդ թվում՝ Ռոմեն Գավրասի «Աֆինա» ֆիլմը, որը պատմում է Փարիզի արվարձաններում տեղի ունեցած ընտանեկան ողբերգության մասին։
Վենետիկի կինոփառատոնը կշարունակվի մինչև սեպտեմբերի 10-ը։