დღეს, 14 მარტს, ახალქალაქის მუნიციპალიტეტის სხდომათა დარბაზში გაიმართა შეხვედრა საქართველოს სოფლის მეურნეობის სამინისტროს წარმომადგენლებთან, სადაც განხილულ იქნა სასოფლო-სამეურნეო კოოპერატივების წევრების შეკითხვები სასოფლო-სამეურნეო ტექნიკის შესყიდვისა და დაფინანსების სახელმწიფო პროგრამასთან დაკავშირებით.
პროგრამა საქართველოს ყველა რეგიონში ხორციელდება, თუმცა მონაწილეობა მხოლოდ კოოპერატივებს შეუძლიათ.
როგორც მაღალმთიანი რეგიონის წარმომადგენლებს, ახალქალაქში ბენეფიციარებს შეუძლიათ შექმნან კოოპერატივი 5 წევრისგან და საერთო მიწის ფართობი უნდა იყოს 10 ჰექტარი. დაფინანსება განკუთვნილია სასოფლო-სამეურნეო ტექნიკის შესაძენად, ტექნიკის ღირებულების 50%-ს სახელმწიფო გამოყოფს, 50%-ს კი ბენეფიციარი.
აღსანიშნია, რომ პროექტისთვის დაგეგმილი თანხა მთელი საქართველოს მასშტაბით 10 მილიონი ლარია.
