«Ես հենց նոր եմ ժամանել Կիև՝ հանդիպելու ուկրաինացի ղեկավարների հետ։ Այսօր այստեղ եմ կարևոր ուղերձ փոխանցելու համար: Միացյալ Նահանգները կշարունակի աջակցել Ուկրաինային ռուսական ագրեսիայի դեմ ազատության համար պայքարում, ինչպես հիմա, այնպես էլ ապագայում»,- գրել է ԱՄՆ պաշտպանության նախարար Լլոյդ Օսթինը՝ X սոցիալական ցանցում:
Նրա այցը տեղի է ունենում այն ժամանակ, երբ ամերիկացի քաղաքական գործիչները քննարկում են Ուկրաինային հետագա ռազմական օգնությունը: Սպիտակ տունը նախկինում հայտարարել էր Կիևին հետագա աջակցության անհրաժեշտության մասին, սակայն ԱՄՆ Կոնգրեսում հարցեր են ծագում ֆինանսավորման վերաբերյալ։