ԱՄՆ նախագահ Ջո Բայդենը կարծիք է հայտնել, որ Ռուսաստանն Ուկրաինայում հնարավոր հաղթանակից հետո կարող է ներխուժել ՆԱՏՕ-ի որևէ երկիր, իսկ դա ԱՄՆ-ին կներգրավի հակամարտության մեջ, և «ամերիկյան զորքերը ստիպված կլինեն պայքարել ռուսական զորքերի դեմ»: Այդ մասին հայտնում է ՏԱՍՍ-ը:
Բայդենի կարծիքով՝ Ուկրաինային օգնությունից ԱՄՆ-ի հրաժարվելը կվտանգի նաև Եվրոպայի կողմից Կիևին ցուցաբերվող աջակցությունը:
«Եթե մենք հրաժարվենք Կիևին օգնելուց, մեր եվրոպացի ընկերներից քանի՞սն են շարունակելու միջոցներ հատկացնել և ի՞նչ ծավալներով։ Դա չափազանց լուրջ է»,- նշել է ԱՄՆ ղեկավարը։