Խորհրդարանը երկրորդ ընթերցմամբ ընդունեց «Օտարերկրյա ազդեցության թափանցիկության մասին» օրենքի նախագիծը։ Լիագումար նիստում տեղի ունեցած քվեարկության ժամանակ նախագծին կողմ է քվեարկել 83 պատգամավոր, դեմ՝ 23 պատգամավոր։
Օրենսդիր մարմինը 2-րդ ընթերցմամբ օրինագիծը քննարկել է հոդված առ հոդված 2 օր։ Ե՛վ երեկ, և՛ այսօր գործընթացն ընթացավ մեծամասնական և ընդդիմադիր պատգամավորների հստակ վեճերի ֆոնին։
Տեղեկության համար՝ «Վրացական երազանք» խմբակցության կողմից արդեն երկրորդ անգամ նախաձեռնած «Թափանցիկություն ապահովելու նպատակով» օրենքի նախագծով նախատեսվում է գրանցել այնպիսի ոչ ձեռնարկատիրական (ոչ առևտրային) իրավաբանական անձանց և լրատվամիջոցների, որոնց եկամուտները՝ ավելի քան. 20% – ստացվում է դրսից՝ որպես օտարերկրյա տերության շահերն իրականացնող կազմակերպություն։
Նախագծի համաձայն՝ յուրաքանչյուր ոք, ով համարվում է «օտար տերության շահեր կրող կազմակերպություն», պետք է պարտադիր կերպով գրանցվի հանրային ռեգիստրում: Գրանցման պահին անհրաժեշտ կլինի ներկայացնել եկամուտը ։ Միևնույն ժամանակ կազմակերպությունները պարտավորություն կունենան ամենա տարի լրացնել ֆինանսական հայտարարագիր։