Եվրասիական տնտեսական միությանն անդամակցելը Հայաստանին իրական օգուտներ է բերում, բայց անհնար է միաժամանակ լինել այս ասոցիացիայի և Եվրամիության անդամ, ասել է ՌԴ նախագահի մամուլի խոսնակ Դմիտրի Պեսկովը։
«Հայաստանը Եվրասիական տնտեսական համայնքի անդամ է, և այս անդամակցությունը շատ դրական դիվիդենտներ է բերում Հայաստանի համար՝ թե՛ պետության, թե՛ այս երկրի ժողովրդի համար», — ասել է Պեսկովը։ Նա ասաց, որ հիմա դժվար է ասել, թե ինչ է նշանակում Հայաստանի ձգտումը անդամակցել Եվրամիությանը։
«Պետք է դիտարկել, թե ինչի վրա է կենտրոնանալու հայկական կողմը։ Իհարկե, երկու տարբեր կազմակերպությունների անդամ լինելը, հիպոթետիկ ասած, ուղղակի անհնար է։ Գոյություն ունի մեկ մաքսային գոտի, մեկ գոտի՝ ապրանքների և ծառայությունների, մարդկանց և կապիտալի տեղաշարժի համար։ Կան տարբեր չափորոշիչներ. Իհարկե, սա ինքնիշխան իրավունք է։Մենք հաստատ գիտենք, որ Եվրասիական տնտեսական միությանը անդամակցելը ձեռնտու է Հայաստանին»,- նշել է Պեսկովը։
Հիշեցնենք, որ ՀՀ կառավարությունը հավանություն է տվել «Հայաստանի Հանրապետության Եվրամիությանն անդամակցության գործընթաց սկսելու մասին» օրենքի նախագծին։