Թուրքիայի նախագահ Ռեջեփ Էրդողանը ընդունել է քրդամետ Ժողովուրդների ժողովրդավարական հավասարության կուսակցության պատգամավորներ Փերվին Բուլդանին և Սըրը Սյուրեյե Օնդերին:
Սա վերջին 13 տարվա ընթացքում Թուրքիայի նախագահի առաջին հանդիպումն է կուսակցության ներկայացուցիչների հետ: Բանակցություններին մասնակցել են նաև «Արդարություն և զարգացում» կուսակցության փոխնախագահը և Թուրքիայի Ազգային հետախուզական կազմակերպության ղեկավարը:
Կողմերը քննարկել են «Թուրքիան առանց ահաբեկչության» գործընթացի շուրջ իրավիճակը։
Ավելի վաղ հաղորդվել էր, որ կուսակցության ղեկավարությունը բանակցություններ է վարել Քուրդիստանի աշխատավորական կուսակցության առաջնորդ Աբդուլլահ Օջալանի հետ, որը դիմել էր իր կողմնակիցներին զենքը վայր դնելու կոչով։