Շալվա Պապուաշվիլին արձագանքում է Վրաստանի և Ռուսաստանի միջև դիվանագիտական հարաբերությունների վերականգնման մասին Գալուզինի հայտարարությանը։
«Վրաստանի և Ռուսաստանի միջև հարաբերությունների վերականգնման համար կա միայն մեկ խոչընդոտ, դա Ռուսաստանի կողմից վրացական տարածքների օկուպացումն է։ Ռուսաստանը կարող է շատ հեշտությամբ վերացնել այդ պատնեշը»,- ասել է Վրաստանի խորհրդարանի նախագահ Շալվա Պապուաշվիլին՝ ի պատասխան Ռուսաստանի փոխարտգործնախարար Միխայիլ Գալուզինի հայտարարության։
Ինչպես նշել է Պապուաշվիլին, այդ պատնեշը վերացնելու գործիքը Ռուսաստանի ձեռքում է։ «Հենց որ տեսնենք պատնեշը վերացնելու քայլեր, իհարկե, հնարավոր կլինի վերականգնել հարաբերությունները: Ուստի բոլորը լավ գիտեն, թե որն է Վրաստանի և Ռուսաստանի միջև հարաբերությունների վերականգնումը խոչընդոտող պատնեշը: Այդ պատնեշի վերացման գործիքը Ռուսաստանի ձեռքում է: Ուստի մենք սպասում ենք հենց դրան: Այդ պատնեշի վերացումը Ռուսաստանի գործն է»,- ասել է Պապուաշվիլին։