Թրամփ-Զելենսկի խորացող տարաձայնությունների ֆոնին՝ Ուկրաինայի նախագահը հայտնել է, որ հեռախոսազրույցներ է ունեցել մի շարք գործընկերների հետ:
«Ուժեղ է Ուկրաինան, ուժեղ է Եվրոպան»,- հայտարարել է Զելենսկին Լեհաստանի նախագահի հետ զրույցում:
Խորվաթիայի, Շվեդիայի, Լյուքսեմբուրգի, Սլովենիայի վարչապետների, Չեխիայի նախագահի, Իռլանդիայի և Կոտ դ’Իվուարի ղեկավարների հետ էլ քննարկվել են առաջիկա համատեղ գործողությունները, անվտանգության երաշխիքների հարցը:
Զելենսկին զրուցել է նաև Գերմանիայի կանցլեր Օլաֆ Շոլցի հետ, ներկայացրել Ռուսաստանի և Ուկրաինայի հարցերով Թրամփի բանագնացի հետ հանդիպման արդյունքները:
Ըստ ուկրաինական կողմի հաղորդագրության՝ նախագահը և կանցլերը քննարկել են արդար խաղաղության տեսլականը և բանակցությունների սեղանի շուրջ Եվրոպայի դերը։