Առաջին օտար լեզուն, որը պարտադիր է բոլոր աշակերտների համար, անգլերենն է. երկրորդ օտար լեզվի ուսուցումը սկսվում է 5-րդ դասարանից և կարող է լինել ցանկացած լեզու, որը աշակերտը/ծնողը կընտրի իրենց հայեցողությամբ»,- ասված է Վրաստանի կրթության, գիտության և երիտասարդության նախարարության հայտարարության մեջ։
Նրանց խոսքով, այս փուլում 15 դպրոցներում չինարենը դասավանդվում է որպես լրացուցիչ ծառայություն։ Ըստ նախարարության, քանի որ չինարեն սովորելու պահանջարկն աճում է, Թբիլիսիի պետական համալսարանի սինոլոգիայի ամբիոնի հետ համագործակցությամբ կսկսվեն համապատասխան չափորոշիչի ստեղծման աշխատանքները։
«Հանրությանը իրազեկելու նպատակով տեղեկացնում ենք, որ ազգային ուսումնական պլանի համաձայն՝ առաջին օտար լեզուն, որը պարտադիր է բոլոր սովորողների համար և դասավանդվում է առաջինից մինչև 12-րդ դասարանը, անգլերենն է։ Երկրորդ օտար լեզվի ուսուցումը սկսվում է 5-րդ դասարանից և կարող է լինել ցանկացած լեզու, որը աշակերտը/ծնողն ինքն է ընտրում: Դպրոցը պարտավոր է ուսանողներին առաջարկել ընտրելու առնվազն երկու օտար լեզու: Մեր օրերում դպրոցականները հնարավորություն ունեն ընտրելու ֆրանսերեն, գերմաներեն, իտալերեն, թուրքերեն և այլ լեզուներից։ Ցանկացած լեզվի ուսուցման դեպքում նախարարությունը պարտավոր է համապատասխան նախապատրաստել՝ հաստատել ծրագրեր, մշակել դասագրքեր, վերապատրաստել ուսուցիչներին, ապահովել ուսումնական գործընթացի անցկացումը չափորոշիչներին համապատասխան։ Այս փուլում 15 դպրոցներում չինարենը դասավանդվում է որպես լրացուցիչ ծառայություն։ Քանի որ դրա ուսումնասիրության պահանջարկն աճում է, աշխատանքները կսկսվեն համապատասխան չափորոշիչ ստեղծելու ուղղությամբ՝ համագործակցելով Թբիլիսիի պետական համալսարանի սինոլոգիայի ամբիոնի հետ: Մեր նպատակն է ուսանողներին առաջարկել բազմազան ընտրություն և վրացերենի իմացության ամրապնդմանը զուգահեռ՝ դեռահասների շրջանում առնվազն երկու օտար լեզուներով հաղորդակցման հմտությունների զարգացումը», — ասվում է հայտարարության մեջ։