Վրաստանի խորհրդարանի նախագահ Շալվա Պապուաշվիլին հանդիպել է ԵԱՀԿ գլխավոր քարտուղար Ֆերիդուն Սինիրլիօղլուի հետ։ Այս մասին հայտնում է Վրաստանի խորհրդարանի մամուլի ծառայությունը։
Շալվա Պապուաշվիլին նշել է, որ Վրաստանը ԵԱՀԿ-ի ակտիվ անդամ է և դրական է գնահատել ԵԱՀԿ-ի հետ համագործակցությունը։
Ֆերիդուն Սինիրլիօղլուի խոսքով՝ ԵԱՀԿ-ն մեծ նշանակություն է տալիս Վրաստանում կայունությանն ու անվտանգությանը։
Խորհրդարանի տվյալներով՝ կողմերը քննարկել են Վրաստանում տեղի ունեցող քաղաքական գործընթացները, խորհրդարանի օրենսդրական գործունեությունը, աշնանը նախատեսված տեղական ինքնակառավարման մարմինների ընտրությունները։ Հանդիպմանը քննարկվել են նաև տարածաշրջանային համագործակցության հարցեր։ Ընդգծվել է Հայաստանի և Ադրբեջանի միջև խաղաղ բանակցությունների կարևորությունը հարավկովկասյան տարածաշրջանում խաղաղության և բարգավաճման ապահովման համար։
«Հանդիպմանը մասնակցել են Ավստրիայի Հանրապետությունում Վրաստանի դեսպանը, ԵԱՀԿ-ում և Վիեննայում տեղակայված միջազգային կազմակերպություններում Վրաստանի մշտական ներկայացուցիչ Ալեքսանդր Մայսուրաձեն և արտաքին հարաբերությունների խորհրդարանական հանձնաժողովի նախագահ, ԵԱՀԿ Խորհրդարանական վեհաժողովում Վրաստանի խորհրդարանի պատվիրակության ղեկավար Նիկոլոզ Սամխարաձեն։