Ռուսաստանի պաշտպանության նախարար Անդրեյ Բելոուսովը հայտարարել է, թե արտատարածաշրջանային երկրներն ավելի ակտիվ են դառնում Հարավային Կովկասում՝ իրենց ազդեցությունն ընդլայնելու համար։
«Նրանց նպատակն անվտանգությունն ամրապնդելը չէ, այլ այնտեղ իրենց ազդեցությունն ընդլայնելը»,- չորեքշաբթի ՀԱՊԿ պաշտպանության նախարարների խորհրդի նիստում ասել է Ռուսաստանի ռազմական գերատեսչության ղեկավարը։
Նա նաև մտահոգություն է հայտնել հայ-ադրբեջանական հարաբերությունների վերաբերյալ։
«Հայաստանի Սյունիքի մարզի շուրջ լարվածությունը պահպանվում է»,- ասել Է Բելոուսովը՝ նշելով Մոսկվայի շահագրգռվածությունը Բաքվի և Երևանի միջև խաղաղության պայմանագրի ստորագրման հարցում: «Պատրաստ ենք ամեն կերպ աջակցելու դրան»,- հայտարարել է նախարարը: