მარტი 2, 2022

საქართველოს ბიზნეს ასოციაციამ უკრაინის მხარდასაჭერად საქართველოს „წითელი ჯვრის“ ორგანიზაციის ანგარიშზე 100 000 ლარი გადარიცხა. ამის შესახებ ინფორმაციას საქართველოს ბიზნეს ასოციაცია ავრცელებს. „უკრაინისთვის დღეს განსაკუთრებით მნიშვნელოვანია როგორც მორალური ასევე ფინანსური მხარდაჭერა; აქედან გამომდინარე ბიზნეს ასოციაციის აღმასრულებელმა გუნდმა ასოციაციის სამეთვალყურეო საბჭოსთან შეთანხმებით გადაწყვიტა 100 000 ლარის ოდენობით ფულადი დონაცია განეხორციელებინა. ამ გზით ვეცადეთ თანადგომა გამოგვეხატა ჩვენი უკრაინელი ძმებისა…

პარლამენტის წინ, სადაც უკრაინის მხარდასაჭერი აქცია რამდენიმე წუთში უნდა დაიწყოს, ჰუმანიტარული დახმარების ცენტრი გაიხსნა. ადგილზე მოქალაქეებს ომში მყოფი უკრაინელი მოქალაქეებისთვის სხვადასხვა ნივთი მიაქვთ. როგორც ერთ-ერთი ორგანიზატორი ნიკოლოზ გაბელია აცხადებს, მოსახლეობას მიაქვს ტანსაცმელი, მედიკამენტები, არამალფუჭებადი საკვები და ა.შ. უკრაინაში აღნიშნულ ჰუმანიტარულ დახმარებას საქართველოში უკრაინის საელჩოს დახმარებით გაგზავნიან. ამისთვის, საჭიროა, ნივთების რაოდენობამ 40 ტონა შეადგინოს. ორგანიზატორები ვარაუდობენ,…

„მხარი დავუჭიროთ უკრაინას“, „არა ომს“, „რუსეთი ოკუპანტია“ – ასეთი ბანერებით ახალქალაქში შეიკრიბნენ ქალაქის მაცხოვრებლები  და სოლიდარობა გამოუცხადეს უკრაინას.  მონაწილეების თქმით, აქციას 50-ზე მეტი მოქალაქე მონაწილეობდა. მოსახლეობა ასევე გეგმავს მიიღოს მონაწილეობა  უკრაინის დასახმარებლად ჰუმანიტარულ აქციაში. შეგახსენებთ, რომ ერთი კვირაა ქვეყნის სხვადასხვა ქალაქში უკრაინის მიმართ სოლიდარობის აქციები მიმდინარეობს.