Արցախի Հանրապետության նախագահ Արայիկ Հարությունյանը հուլիսի 29-ին նամակ է հղել միջազգային իրավունքի առաջատար մասնագետ, Միջազգային քրեական դատարանի նախկին գլխավոր դատախազ և Հարվարդի ու Յեյլի համալսարանների դասախոս Լուիս Մորենո Օքամփոյին՝ փորձագիտական կարծիք խնդրելով, թե արդյոք Արցախի խորացող շրջափակումը համապատասխանում է ցեղասպանության հանցագործությանը: Նամակի մեջ, մասնավորապես, նշված է. «Որպես Արցախի (Լեռնային Ղարաբաղի) Հանրապետության նախագահ՝ խնդրում եմ Ձեր…

Բանգլադեշում արդեն 2 օր է՝ զանգվածային ցույցեր են, ակցիայի մասնակիցների միջև բախումներ են եղել, հաղորդվում է զոհերի մասին: ԶԼՄ-ները հայտնում են, որ մայրաքաղաք Դաքքայում 20-ից ավելի ոստիկան է տուժել, կան տասնյակ ձերբակալվածներ: Ազգայնական կուսակցության կողմնակիցները վերջին շաբաթներին ակցիաներ են անցկացնում՝ պահանջելով վարչապետ Շեյխ Հասինայի հրաժարականը, որը կառավարում է 2009 թվականից, և որին ընդդիմությունը մեղադրում է…

Ուկրաինայի նախագահ Վոլոդիմիր Զելենսկին այցելել է Բախմուտի ուղղությամբ կռվող ուկրաինացի զինծառայողների տեղակայման վայր։ Տելեգրամյան ալիքում նախագահը գրել է, որ զեկույցներ է լսել մարտի դաշտում զարգացումների մասին և շնորհավորել զինվորներին մասնագիտական տոնի առթիվ: Այժմ Բախմուտն ամենաթեժ կետերից մեկն է: Կողմերը պարբերաբար հայտարարում են այդ ուղղությամբ մարտական ակտիվ գործողությունների մասին: Ուկրաինայի պաշտպանության նախարարության տվյալով՝ երկրի զինված ուժերն…

Ռուսական խաղաղապահ զորախումբը Լաչինի միջանցքում հրադադարի ռեժիմի երեք խախտում է արձանագրել, տուժածներ չկան։ Այդ մասին նշված է Ռուսաստանի պաշտպանության նախարարության պաշտոնական տեղեկագրում: «Ռուսական խաղաղապահ զորակազմի հրամանատարությունը ադրբեջանական և հայկական կողմերի հետ համատեղ փաստի վերաբերյալ քննություն է անցկացնում»,- ասված է հաղորդագրության մեջ։

Ադրբեջանի գլխավոր դատախազությունից հայտնել են ԿԽՄԿ ուղեկցությամբ Լեռնային Ղարաբաղից բուժման նպատակով Հայաստան տեղափոխվող 68-ամյա բուժառու Վագիֆ Խաչատրյանին կալանավորելու մասին։ Նշվում է, թե Խաչատրյանը գտնվում էր միջազգային հետախուզման մեջ։ Դատախազությունից հայտնել են, թե, իբր, Խաչատրյանը մեղադրվում է 1991 թ․ ադրբեջանցիների դեմ հանցագործությունների համար: Հիշեցնենք, որ Կարմիր խաչի միջազգային կոմիտեի ուղեկցությամբ Արցախից Հայաստան բուժման նպատակով տեղափոխվող 68-ամյա…

Մտահոգված ենք լուրով, որ ԿԽՄԿ ուղեկցությամբ Լեռնային Ղարաբաղից բուժման նպատակով Հայաստան տեղափոխվող 68-ամյա բուժառուին ապօրինի տեղադրված հսկիչ-անցագրային կետից առևանգել են Ադրբեջանի սահմանապահ ծառայության աշխատակիցները՝ Twitter-ի իր միկրոբլոգում գրել է ՀՀ ԱԳՆ խոսնակ Անի Բադալյանը: «Միջազգային մարդասիրական պաշտպանության ներքո գտնվող անձի առևանգումը միջազգային մարդասիրական իրավունքի աղաղակող խախտում է»,- գրել է Բադալյանը: Troubled by news that 68-year-old…

Բելառուս տեղափոխված «Վագներ» մասնավոր ռազմական ընկերության ավելի քան 100 մարտիկ տեղակայվել է Լեհաստանի և Լիտվայի սահմանին՝ հայտարարել է Լեհաստանի վարչապետը: Մատեուշ Մորավեցկու խոսքով՝ դա իր երկրի նկատմամբ նոր հիբրիդային հարձակմանն ուղղված քայլ է և Լեհաստանում ու Եվրամիության տարածքում լարվածություն առաջացնելու փորձ: Պաշտոնյան նաև քննադատել է ընդդիմադիր «Քաղաքացիական հարթակ» կուսակցությանը՝ Ռուսաստանի նկատմամբ բավականաչափ կոշտ քաղաքականություն չվարելու…

Ամեն օր Ադրբեջանը հրաժարվում է Լեռնային Ղարաբաղի ժողովրդի հետ խաղաղ գոյակցության պայմաններում ապրելու պատրաստակամության մասին իր ստեղծած կեղծ նարատիվներից։ Այդ մասին Twitter-ի իր միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը: «Այսօր 68-ամյա Վագիֆ Խաչատրյանին, որին Լեռնային Ղարաբաղից բուժման նպատակով Հայաստան էին տեղափոխում ԿԽՄԿ-ի ուղեկցությամբ, առևանգել են Ադրբեջանի սահմանապահ ծառայության ներկայացուցիչները և տարել անհայտ…

Շվեդիայի խորհրդարանի հայազգի պատգամավոր Արին Կարապետն այցելել է Լաչինի միջանցք: «Այսօր այցելել եմ Լաչինի միջանցք: Իրավիճակը լուրջ է: 400 տոննա հումանիտար սննդամթերք, դեղորայք և այլ մատակարարումներ 4 օր է՝ կանգնած են Ադրբեջանի ապօրինի շրջափակման պատճառով: Լեռնային Ղարաբաղի 120 հազար բնակիչներ, որոնք սպասում են այդ օգնությանը, սովի և առողջության վատթարացման վտանգի տակ են»,- Facebook-ի իր էջում…

Արդեն ոչ թե օրերի, այլ ժամերի հաշիվ է ընթանում, հումանիտար իրավիճակը ժամ առ ժամ է սրվում,- Կոռնիձորում կանգնած-մնացած բեռների մոտ այսօր հայտարարել է ԼՂ-ում ստեղծված հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը: Այս պահին որևէ փոփոխություն չկա, Ադրբեջանը հրաժարվում է բացել ապօրինի տեղադրված անցակետը և թույլատրել հումանիտար բեռի մուտքը ԼՂ: 360 տոննա առաջին անհրաժեշտության…

Ադրբեջանի պաշտպանության նախարար Զաքիր Հասանովը այսօր ծառայողական խորհրդակցություն է անցկացրել և հանձնարարականներ տվել օդանավերի անվտանգությունն ապահովելու ուղղությամբ։ Ավելի վաղ Ադրբեջանի պաշտպանության նախարարությունը կրկին հայտարարել էր, թե Լեռնային Ղարաբաղի զինված ուժերը ճնշում են թռիչքներ իրականացնող քաղաքացիական օդանավերի GPS տեղորոշման համակարգերը, ինչի հետևանքով լուրջ սպառնալիք է ստեղծվում թռիչքների անվտանգության համար: ԼՂ Պաշտպանության բանակը բացարձակ կեղծիք է որակել այդ…

Հայաստանի արտգործնախարարության խոսնակ Անի Բադալյանը գրառում է կատարել Twitter-ի իր միկրոբլոգում: «Բազմաթիվ միջազգային կազմակերպություններ, կառավարություններ, միջազգային իրավապաշտպաններ համակարծիք են Լեռնային Ղարաբաղում հումանիտար լուրջ իրավիճակի գնահատման և Լաչինի միջանցքի շրջափակումը վերացնելու կոչի հարցում, ինչը հաստատված է Արդարադատության միջազգային դատարանի և Մարդու իրավունքների եվրոպական դատարանի վճիռներով: Իր հստակ պարտավորությունից հետ կանգնելու փոխարեն՝ Ադրբեջանը պետք է կատարի դրանք»,-…

ՄԱԿ-ի Անվտանգության խորհուրդը խստորեն դատապարտել է հուլիսի 26-ին Նիգերի օրինական կառավարությունը հակասահմանադրական ճանապարհով փոխելու փորձերը: «Կոչ ենք անում անհապաղ ազատ արձակել Հանրապետության ժողովրդավարական ճանապարհով ընտրված նախագահ Մոհամեդ Բազումին և ընդգծում ենք նրան, նրա ընտանիքին և կառավարության անդամներին պաշտպանելու անհրաժեշտությունը»,- նշված է հայտարարության մեջ: ՄԱԿ-ի Անվտանգության խորհուրդը շեշտել է Նիգերում «սահմանադրական կարգի վերականգնման արտակարգ անհրաժեշտությունը՝ Արևմտյան…

Վաշինգտոնը ավելի քան 340 միլիոն դոլարի ռազմական աջակցություն կտրամադրի Թայվանին՝ հայտնել է Սպիտակ տունը: Ամերիկյան լրատվամիջոցները, վկայակոչելով իրենց աղբյուրները, նշում են, որ աջակցությունը կհատկացվի ԱՄՆ պաշտպանության նախարարության պաշարներից: Փաթեթը կներառի զենիթահրթիռային համակարգեր, հրթիռներ, հետախուզական սարքավորումներ։ ABC News-ի տվյալով՝ Բայդենի վարչակազմն առաջին անգամ է որոշել Թայբեյին ռազմական օգնության մեծ փաթեթ ուղարկել Պենտագոնի ռեզերվներից։ ԶԼՄ-ները գրում են,…

Անկարայում Իրանի նորանշանակ դեսպան Մոհամմադ Հասան Հաբիբոլլահզադեն իր հավատարմագրերն է հանձնել Թուրքիայի նախագահին: Ռեջեփ Թայիփ Էրդողանը կարևորել է Իրանի և Թուրքիայի միջև տնտեսական և առևտրային համագործակցության զարգացումը: Նա հույս է հայտնել, որ երկու երկրների միջև ապրանքաշրջանառությունը շուտով կհասնի 30 մլրդ դոլարի, և երկու երկրների պաշտոնյաներին կոչ է արել համատեղ աշխատել առևտրի համար առկա խոչընդոտները վերացնելու…

Ադրբեջանի արտգործնախարարությունը հանդես է եկել հայտարարությամբ՝ հերթական անգամ նշելով, թե, իբր, հայկական կողմը կեղծ հայտարարություններ է տարածում Լեռնային Ղարաբաղում լարված հումանիտար իրավիճակի վերաբերյալ: Ադրբեջանի ԱԳՆ-ն մեղադրանքներ է հնչեցրել միջազգային հանրության հասցեին՝ «մի շարք երկրների և միջազգային կազմակերպությունների՝ Ադրբեջանի դեմ արած կանխակալ հայտարարությունների» պատճառով:

Լեռնային Ղարաբաղի հումանիտար իրավիճակն անհանգստացրել է նաև ՄԱԿ-ի բարի կամքի դեսպան, Նոբելյան մրցանակի դափնեկիր Նադիա Մուրադին: Թվիթերի իր միկրոբլոգում նա գրել է. «Լեռնային Ղարաբաղի հումանիտար իրավիճակը խոր մտահոգություն է առաջացնում։ Ադրբեջանի կառավարությունը պետք է թույլ տա, որ Լաչինի միջանցքով օգնությունը հասցվի Ղարաբաղի՝ դրա կարիքն ունեցող մարդկանց»:

Ռուսաստանի, Չինաստանի և Հյուսիսային Կորեայի միջև դաշինքի ձևավորումը կարող է կործանարար հետևանքներ ունենալ Արևմուտքի համար, գրում է բրիտանական Daily Express պարբերականը՝ հղում անելով վերլուծաբաններին: Վերջինների կարծիքով՝ երեք երկրի միջև կապերի ամրապնդմանն ուղղված՝ Ռուսաստանի նախագահ Վլադիմիր Պուտինի քաղաքական քայլը թույլ կտա նրանց օգնել միմյանց ռազմական ներուժն ավելացնելու և տնտեսական զարգացումն արագացնելու հարցում, ինչը մտահոգություն է առաջացնում…

ՄԱԿ-ի գլխավոր քարտուղարը կոչ է արել բոլոր երկրներին համախմբվել և անհապաղ միջոցներ ձեռնարկել պայքարելու կլիմայի փոփոխության դեմ՝ աղետից խուսափելու համար: «Գլոբալ տաքացման դարաշրջանն ավարտվել է։ Սկսվել է գլոբալ եռման դարաշրջանը։ Օդը շնչելն անհնար է, շոգն անտանելի է, իսկ հանածո վառելիքից ստացված շահույթի և կլիմայի փոփոխության կանխման հանդեպ անգործության մակարդակը՝ անընդունելի»,- զգուշացրել է ՄԱԿ-ի գլխավոր քարտուղարը։…

Հատուկ հանձնարարություններով Հայաստանի դեսպան Էդմոն Մարուքյանը Թվիթերի իր էջում ներկայացրել է իրավիճակը Կոռնիձորի հատվածում: «Հայաստանում հավատարմագրված դիվանագիտական կորպուսի և միջազգային կազմակերպությունների ներկայացուցիչներն այսօր այցելել են Կոռնիձորի հատվածում տեղակայված մարդասիրական ավտոշարասյուն, որտեղ երեկվանից հումանիտար օգնություն տեղափոխող բեռնատարների շարասյունը արգելափակվել է Լաչինի միջանցքի մուտքի մոտ: Մինչ այժմ Ադրբեջանը հրաժարվում է ապաշրջափակել Լաչինի միջանցքը և թույլ տալ մուտք…

Եվրոպայի խորհրդի գլխավոր քարտուղար Մարիա Պեյչինովիչ Բուրիչը ԼՂ իրավիճակի վերաբերյալ հայտարարություն է տարածել՝ նշելով որ չափազանց մտահոգված է Լեռնային Ղարաբաղում հումանիտար և մարդու իրավունքների հետ կապված լուրջ իրավիճակով: «Իմ մտքերն այն մարդկանց հետ են, որոնք կրում են այս իրավիճակի ծանրությունը:    Վճռականորեն կրկնում եմ իմ նախկին կոչերը՝ վերականգնելու ազատ տեղաշարժը Լաչինի միջանցքով։ Ուշադրություն եմ հրավիրում…

Եվրոպայի խորհուրդը պետք է Ադրբեջանին կոչ անի վճռական միջոցներ ձեռնարկել՝ դադարեցնելու հայերի նկատմամբ պետության հովանավորությամբ իրականացվող ատելության խոսքը, ռասայական, էթնիկ և կրոնական անհանդուրժողականությունը: Այդ մասին թվիթերյան իր միկրոբլոգում շեշտել է Եվրոպայի խորհրդում Հայաստանի Հանրապետության մշտական ներկայացուցիչ Արման Խաչատրյանը:    «Սա ատելության խոսքի, ակնհայտ ռասիստական բովանդակության և նացիզմի գովասանքի ողբալի դրսևորում է: Եվրոպայի խորհուրդը պետք է…

Սինգապուրում մահապատժի է ենթարկվել թմրամիջոցների ապօրինի շրջանառության համար դատապարտված կինը, առաջին դեպքը 20 տարվա ընթացքում։ Այդ մասին տեղեկացում է Euronews-ը՝ վկայակոչելով Սինգապուրի թմրամիջոցների դեմ պայքարի կենտրոնական բյուրոյի տեղեկությունը։ 45-ամյա Սարիդեվի Ջամանին մահապատժի է դատապարտվել 2018 թվականին՝ 30,72 գրամ հերոին վաճառելու համար։ Դատավորները մերժել են կնոջ բողոքը, նախագահը նույնպես հրաժարվել է նրան ներում շնորհել, պատիժն իրականացվել…

ՀՀ ԱԳՆ մամուլի խոսնակ Անի Բադալյանն անդրադարձել է ադրբեջանական լրատվամիջոցներից մեկի հակահայկական, հակասեմական հրապարակմանը։   «Ադրբեջանական «լրատվամիջոցների» կողմից տարածված ևս մեկ հրապարակում, որը համապատասխանում է ատելության խոսքի դասական սահմանմանը, նույնպես լի է հակահայկական քարոզչությամբ։ Ատելության նման բացահայտ խրախուսումը, որը զուգորդված է տեղում իրականացվող գործողություններով, ինչպես նաև Լեռնային Ղարաբաղի ամբողջական շրջափակումը երկարատև ազդեցություն ունեն տարածաշրջանում և…

ՅՈՒՆԵՍԿՕ-ն աշխարհի դպրոցներին կոչ է անում արգելել սմարթֆոնների օգտագործումը դասերի ժամանակ: Կազմակերպությունը պնդում է, որ գաջեթների պատճառով աշակերտները շեղվում են դասի ժամանակ, ինչը հանգեցնում է ակադեմիական առաջադիմության նվազման։ ՅՈՒՆԵՍԿՕ-ն իր նոր զեկույցում զգուշացնում է տեխնոլոգիական սարքերի, հիմնականում՝ սմարթֆոնների և համակարգիչների չարաշահման վտանգների մասին։ Կազմակերպության փորձագետները համոզված են, որ դրանք պետք է կիրառվեն չափավոր, միայն ըստ…

Շոգի պատճառով անտառային հրդեհները մոլեգնում են Հարավային Եվրոպայում, Միջերկրական ծովի առափնյա շրջաններում: Երկարատև երաշտը և 40°C-ից բարձր ջերմաստիճանը բարենպաստ պայմաններ են ստեղծում հրդեհի տարածման համար, գրում է Euronews-ը։ Հրշեջներին չի հաջողվել կասեցնել անտառային հրդեհների առաջխաղացումը դեպի կենտրոնական Հունաստանի ռազմական օբյեկտներ: Էգեյան ծովի ափերի մոտ ուժգին պայթյուններ են լսվել Հունաստանի ռազմաօդային ուժերի Վոլոս բազայի տարածքում, որը…

Վրաստանի վարչապետ Ղարիբաշվիլին այցելել է Չինաստան և իր գոհունակությունն է հայտնել չին-վրացական համագործակցության բարձր մակարդակից: «Չինաստան կատարած այս պատմական այցի ընթացքում ես հպարտությամբ հայտարարում եմ Չինաստան-Վրաստան համագործակցությունը ռազմավարական գործընկերության մակարդակի բարձրացնելու մասին: Նախագահ Սի Ծինփինի հետ հանդիպումից հետո ես վստահ եմ, որ այս հանգրվանը մեզ թույլ կտա ամրապնդել մեր գործընկերությունը և բացահայտել չօգտագործված հնարավորությունները»,- գրել…

Եվրախորհրդարանի գերմանացի պատգամավոր Լարս Պատրիկ Բերգը Գերմանիայի կառավարությանը և Եվրոպական միությանը կոչ է արել ճնշում գործադրել Ադրբեջանի վրա Լաչինի միջանցքի արգելափակումը դադարեցնելու և իրավիճակի սրում թույլ չտալու համար։ Բերգն այդ մասին գրել է Թվիթերի իր միկրոբլոգում։ «Լաչինի միջանցքը պետք է բացվի։ Այն, որ անգամ Կարմիր խաչի միջազգային կոմիտեի մարդասիրական օգնությունը ներկայումս Հայաստանից Լեռնային Ղարաբաղ չի հասնում,…

Թուրք լրագրող Ուզայ Բուլութն իր Թվիթերի միկրոբլոգում հույս է հայտնել, որ ԼՂ հայությունը, հաղթահարելով պատմական բոլոր դժվարությունները, կհաղթահարի նաև այս մեկը: «Այն փաստը, որ արցախահայությունը դարեր շարունակ արյունով, քրտինքով ու արցունքներով պայքարել է իր նախնիների հայրենիքի պահպանման համար, ավելի է անտանելի դարձնում ադրբեջանական շրջափակումը: Արցախահայությունը հաղթահարել է պատմական բոլոր դժվարությունները։ Հուսով եմ, որ նրանք  կհաղթահարեն…

Բրիտանացի քաղաքական գործիչ, Լորդերի պալատի անդամ լորդ Դևիդ Ալթոնը կիսել է Լաչինի միջանցքի արգելափակման շուրջ Կարմիր խաչի միջազգային կոմիտեի մտահոգությունները։  «Կարմիր խաչի միջազգային կոմիտեն մտահոգություն է հայտնում այն հարցի շուրջ, որ մարդասիրական օգնությունը չի հասնում Լեռնային Ղարաբաղի հայերին։ Մեծ Բրիտանիան պետք է անհապաղ բարձրացնի այդ հարցը ՄԱԿ-ի Անվտանգության խորհրդում»,- գրել է նա Twitter-ում։ Լորդ Ալթոնը…