Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Վրաստանի նախագահ Սալոմե Զուրաբիշվիլիին ազգային տոնի՝ Պետական անկախության վերականգնման օրվա կապակցությամբ։ Նախագահ Խաչատուրյանի ուղերձում մասնավորապես ասվում է. «105 տարի առաջ Վրաստանի ժողովուրդը որոշեց ստեղծել անկախ պետություն և այսօր էլ շարունակում է ժողովրդավարական ու բարգավաճ երկիր կառուցելու իր անսասան ուղին։ Հայաստանը մեծապես կարևորում է Վրաստանի հետ բարիդրացիական…

Թուրքիայի նախագահ Ռեջեփ Թայիփ Էրդողանը CNN Türk-ին և Kanal D-ին տված հարցազրույցում ծաղրել է ընդդիմության նախագահի թեկնածու Քեմալ Քըլըչդարօղլուի հետ հեռուստաբանավեճ անցկացնելու կոչերը։ Նա հրաժարվել է այդ առաջարկից՝ ընդգծելով, որ իրենք միմյանց հետ խոսելու ոչինչ չունեն։ «Հիմա նա ինձ հեռուստատեսություն է կանչում։ Ինչի՞ մասին ես խոսելու ինձ հետ։ Նա ոչ մի ձեռքբերում, տեսլական չունի»,- ասել…

Կրասնոդարը մայիսի 26-ի գիշերը ենթարկվել է անօդաչու թռչող սարքերի հարձակման։ Քաղաքի վրա գործել է հակաօդային պաշտպանության համակարգը, սակայն մեկ անօդաչու թռչող սարք պայթել է՝ բախվելով Մորսկայա փողոցում գտնվող գրասենյակային շենքին։ Օպերատիվ շտաբը հաստատել է քաղաքում տեղի ունեցած պայթյունը։ Դեպքի վայր ժամանած արտակարգ իրավիճակների ծառայությունը հրդեհ չի հայտնաբերել, սակայն արձանագրել է տանիքի և պատուհանների վնաս: Կրասնոդարի…

«Ռոսատոմը» սկսում է Երևանում փակված «Նաիրիտ» քիմիական գործարանի, որտեղ նախկինում կաուչուկ էր արտադրվում, թափոնների վերացման նախագծի աշխատանքը: Այդ մասին լրագրողներին հայտնել է պետկորպորացիայի ղեկավար Ալեքսեյ Լիխաչովը, հաղորդում է ՏԱՍՍ-ը: «Սարքավորումները և համապատասխան քիմիական թափոնները գտնվում են ծայրահեղ ռիսկային վթարային վիճակում։ Աշխատանքի առաջին գնահատումն արդեն արել ենք, այժմ ձեռնամուխ ենք լինում նախագծի ստեղծմանը»,- ասել է Լիխաչովը։…

Վարչապետ Նիկոլ Փաշինյանը շնորհավորական ուղերձներ է հղել Վրաստանի նախագահ Սալոմե Զուրաբիշվիլիին և վարչապետ Իրակլի Ղարիբաշվիլիին՝ Պետական անկախության վերականգնման օրվա առթիվ: Վրաստանի նախագահին ուղղված շնորհավորական ուղերձում նշված է. «Ձերդ գերազանցություն, Ջերմորեն շնորհավորում եմ Ձեզ և եղբայրական վրացի ժողովրդին Վրաստանի ազգային տոնի՝ Պետական անկախության վերականգնման օրվա կապակցությամբ։ Ժողովրդավարական արժեքների վրա խարսխված պետություն կառուցելու նպատակով՝ ավելի քան մեկ…

Ղազախստանը մտադիր չէ և չի նախատեսում ստեղծել կամ միանալ որևէ միութենական պետության, հայտարարել է հանրապետության նախագահի մամուլի քարտուղար Ռուսլան Ժելդիբայը։ Ղազախստանի ղեկավար Կասիմ-Ժոմարտ Տոկաևը չորեքշաբթի Մոսկվայում մասնակցել է Եվրասիական տնտեսական համաժողովի լիագումար նիստին, որի ժամանակ հայտարարել է ԵԱՏՄ-ի շրջանակներում ինտեգրման տարբեր մակարդակների առկայության մասին՝ ուշադրություն հրավիրելով կառույցում Ռուսաստանի և Բելառուսի միութենական պետության վրա։ «Ինչ վերաբերում…

ԱՄՆ փոխպետքարտուղարի նախկին պաշտոնակատար և Կովկասում բանակցությունների գծով նախկին ավագ խորհրդական Ֆիլիպ Ռիքերն «Ամերիկայի ձայնի» հետ հարցազրույցի ժամանակ ասել է, որ Հայաստանի ու Ադրբեջանի միջև այսօր առկա է խաղաղության հասնելու իրական հնարավորություն: «Երկու առաջնորդները պետք է հանդիպեն և լսեն միմյանց, խոսեն միմյանց հետ, որքան հնարավոր է շատ ներգրավվեն երկխոսության մեջ, որպեսզի ավելի լավ հասկանան միմյանց,…

ԱՄՆ պետքարտուղարության խոսնակ Մեթյու Միլլերը ճեպազրույցի ժամանակ ասել է, որ Մոսկվայում ընթացող ԼՂ հարցով բանակցություններն իրենց ուշադրության կենտրոնում են: Այդ հարցը շարունակում է մնալ առաջնային: Նա հիշեցրել է, որ հայկական և ադրբեջանական կողմերի միջև բանակցություններ են ընթացել Վաշինգտոնում, ապա՝ Բրյուսելում, և Սպիտակ տունն աջակցում է բանակցությունների շարունակմանը։ Վաշինգտոնը շարունակում է պնդել, որ երկու կողմերը համագործակցեն,…

Իրանն ու Հայաստանը «Արաքս-Մեղրի» համատեղ ազատ տնտեսական գոտի կստեղծեն՝ հայտարարել է ԻԻՀ բարձրագույն խորհրդի ներկայացուցիչ Զոհրե Բահրեբարը՝ փոխանցում է Fars գործակալությունը: Նրա խոսքով՝ ԱՏԳ-ն կներառի Իրանի հյուսիս-արևմուտքի Արևելյան Ատրպատական (Ադրբեջան) նահանգում գտնվող «Արաքս» ազատ առևտրաարդյունաբերական գոտին և Հայաստանի Մեղրի քաղաքը: Պաշտոնյան նշել է, որ նախագծի իրականացման համար արդեն բանակցություններ են անցկացվել Իրանում Հայաստանի դեսպան Արմեն…

Վլադիմիր Պուտինը երկկողմ հանդիպում է անցկացրել Ալիևի հետ:  Հանդիպման մեկնարկին Պուտինը ողջունել է Ալիևի մասնակցությունը Եվրասիական տնտեսական բարձրագույն խորհրդի նիստին և նշել, որ տարածաշրջանային համագործակցության մեծ ներուժ է տեսնում:  Ադրբեջանի նախագահը շեշտել է, որ տարածքային ամբողջականության ճանաչումից հետո Հայաստանի հետ համաձայնագրի հաջորդող կետերի համաձայնեցման հարցը շատ ավելի հեշտ կլինի։

Ապրիլի 24-ին Ախալքալաքի մունիցիպալիտետի Վաչիան գյուղի հանրային դպրոցում տեղի ունեցաէ Վրաստանի Անկախության օրվան նվիրված գրական-երաժշտական միջոցառում, որին մասնակցեցին  Ախալքալաքի մունիցիպալիտետի Սակրեբուլոյի և քաղաքապետարանի պաշտոնատար անձիք:Ներկա էին նաև Կրթական ռեսուրս կենտրոնի ղեկավար Թերեզա Չիվչյանը, դպրոցի մանկավարժները և ծնողները: Աշակերտները պետական և մայրենի լեզուներով հետաքրքիր և բազմաբնույթ ելույթներով հանդես եկան։ Գրական խոսքին, երգին ու պարին հաջորդեց Վրաստանի…

Ռուսաստանի փոխարտգործնախարար Միխայիլ Գալուզինը Մոսկվայում Թուրքիայի դեսպան Մեհմեթ Սամսարի հետ քննարկել է իրավիճակը Հարավային Կովկասում և Երևանի, Մոսկվայի ու Բաքվի եռակողմ պայմանավորվածությունների իրականացումը: Այս մասին հայտնել են ՌԴ արտգործնախարարությունից: Անդրադարձ է կատարվել նաև Հայաստան-Թուրքիա հարաբերությունների վերականգնման հեռանկարին և «3+3» տարածաշրջանային հարթակի գործունեության կարևորությանը:

Լուրջ նախադրյալներ կան Ադրբեջանի և Հայաստանի միջև հարաբերությունների կարգավորման համար՝ տարածքային ամբողջականության և ինքնիշխանության փոխադարձ ճանաչման հիման վրա։ Այս մասին Մոսկվայում ընթացող Եվրասիական տնտեսական բարձրագույն խորհրդի նիստի ժամանակ հայտարարել է Ադրբեջանի նախագահ Իլհամ Ալիևը: «Մենք Հայաստանի նկատմամբ տարածքային պահանջներ չունենք։ Պետք է շատ վառ երևակայություն ունենալ իմ խոսքերում այդպիսի բաներ տեսնելու համար։ «Միջանցք» բառի օգտագործումը…

Վարչապետ Նիկոլ Փաշինյանը Մոսկվայում ընթացող Եվրասիական տնտեսական բարձրագույն խորհրդի նիստի ժամանակ արձագանքել է Ադրբեջանի նախագահ Իլհամ Ալիևի հայտարարություններին: «Իր ելույթում Ադրբեջանի նախագահն օգտագործել է մի արտահայտություն, որը վերջին տարիներին օգտագործում են իրենց տարածքային նկրտումներն արդարացնելու համար։ Հիշեցնեմ, որ նոյեմբերի 9-ի եռակողմ հայտարարության մեջ հիշատակվում է միայն մեկ միջանցքի՝ Լաչինի միջանցքի մասին, որը պետք է մնար…

Արցախի Հանրապետության արտաքին գործերի նախարար Սերգեյ Ղազարյանը պաշտոնական նամակներ է ուղարկել Հայաստանի Հանրապետությունում հավատարմագրված օտարերկրյա դեսպաններին, որում ներկայացրել է Արցախի կառավարության մտահոգությունները Արցախի ժողովրդին սպառնացող գոյաբանական վտանգների կապակցությամբ։ Այս մասին հայտնեցին Արցախի արտաքին գործերի նախարարությունից։  Նամակում, մասնավորապես, նշվել է, որ 2020 թ․ նոյեմբերի 9-ի եռակողմ հայտարարության ստորագրումից ի վեր Ադրբեջանը դիտավորյալ կեղծ տեղեկատվություն է տարածում…

Ջավախքի մի քանի հկ-ների վերջերս տարածած հայտարարությունը խորը մտահոգության տեղիք տվեց։ Այն կոչ էր անում Հայաստանի խորհրդարանի խմբակցություններին՝ անվստահություն հայտնել Հայաստանի վարչապետին և կառավարությանը՝ դժգոհություն հայտնելով հայ-ադբեջանական բանակցային գործընթացի զարգացումներից։ Սա նաև Հայաստանի ներքին գործերին միջամտելու միտում ունի, որը շատ վտանգավոր հետևանքներ կարող է ունենալ։ Արցախի ու Հայաստանի ապագան առաջին հերթին կախված է իր ժողովրդի…

Եվրասիական տնտեսական միության բարձրագույն խորհրդի ընդլայնված կազմերով նիստին հրավիրված են նաև Ուզբեկստանի նախագահ Շավքաթ Միրզիյոևը, Տաջիկստանի նախագահ Էմոմալի Ռահմոնը և Ադրբեջանի նախագահ Իլհամ Ալիևը։ Այս մասին ԵԱՏՄ բարձրագույն խորհրդի նեղ կազմով նիստին հայտնել է Ռուսաստանի նախագահ Վլադիմիր Պուտինը։ Նա նաև հայտնել է, որ Ուզբեկստանի և Տաջիկստանի նախագահները նիստին կմասնակցեն տեսակապի միջոցով։

Եվրասիական տնտեսական բարձրագույն խորհրդի նիստում Ռուսաստանի նախագահ Վլադիմիր Պուտինը հայտարարել է, որ Հայաստանը ԵԱՏՄ-ում տնտեսական համագործակցության գլխավոր շահառուն է դարձել: «Ղազախստանի նախագահի խոսքով՝ ԵԱՏՄ-ի գլխավոր շահառուն Հայաստանն է։ Տնտեսական աճի ամենաբարձր ցուցանիշն ունի Հայաստանը: Այն կազմում է 12,1 տոկոս: Սա, իհարկե, լուրջ թիվ է։ Ռուսաստանը բարձր է գնահատում ԵԱՏՄ բոլոր երկրների հետ սերտ համագործակցությունը»,- նշել…

Բաքվի և Երևանի հաշտության պայմանագիրը պետք է հիմնված լինի երկարաժամկետ, կայուն որոշումների վրա: Այդ մասին РИА Новости-ի հետ հարցազրույցում հայտնել է ՌԴ ԱԳ փոխնախարար Միխայիլ Գալուզինը: «Բաքուն և Երևանն իրենք են որոշում, թե ինչն է համապատասխանում իրենց արմատական շահերին և ինչպես են մտադիր կայուն և հուսալի խաղաղություն ապահովել իրենց ժողովուրդների համար»,- ասել է Գալուզինը, հավելել՝…

ԱՄՆ Արիզոնա Նահանգի Ներկայացուցիչների պալատը ճանաչել է Արցախի ինքնորոշման իրավունքը: Ներկայացուցիչների պալատի խոսնակ Բեն Թոման առանձին հայտարարությամբ ճանաչել և համերաշխություն է հայտնել Արցախի ինքնորոշման իրավունքին և Արցախի ժողովրդի պայքարին՝ հանուն ազատ ու անկախ կյանքի։ Արիզոնայի Ներկայացուցիչների պալատի նախագահը նաև կոչով դիմել է միջազգային հանրությանը՝ ճանաչել Արցախի կառավարությանը, նպաստել հակամարտության լուծմանը։

Ռուսաստանի պաշտպանության նախարար Սերգեյ Շոյգուն Մինսկում ՀԱՊԿ անդամ երկրների պաշտպանության նախարարների խորհրդի նիստում հայտարարել է օպերատիվ և մարտական պատրաստության համատեղ միջոցառումներին հայկական կողմի մասնակցության կարևորության մասին: «Հայաստանը մեր կազմակերպության անդամն է, մեր դաշնակիցը։ Մենք շահագրգռված ենք խաղաղության հաստատմամբ և անում ենք հնարավորը՝ Անդրկովկասում իրավիճակի կայունացման համար։ Ընդ որում՝ հատուկ կցանկանայի նշել ՀԱՊԿ շրջանակում օպերատիվ և…

Արևմուտքն ամեն կերպ փորձում է միջամտել Լեռնային Ղարաբաղի շուրջ ստեղծված իրավիճակին՝ հայտարարել է ՌԴ պաշտպանության նախարար Սերգեյ Շոյգուն՝ Մինսկում ՀԱՊԿ անդամ երկրների պաշտպանության նախարարների խորհրդի նիստում: «Իրավիճակը Կովկասյան տարածաշրջանում մեծապես որոշվում է հայ-ադրբեջանական հակամարտության կարգավորման աստիճանով։ Այժմ Լեռնային Ղարաբաղում անվտանգությունը պահպանում է ռուսական խաղաղապահ զորախումբը։ Սակայն Արևմուտքն ամեն կերպ փորձում է միջամտել իրավիճակին, մեծացնել իր…

Ռուսաստանի և Թուրքիայի արտգործնախարարներ Սերգեյ Լավրովն ու Մևլութ Չավուշօղլուն հեռախոսազրույց են ունեցել, քննարկել Անկարայի և Դամասկոսի միջև հարաբերությունների կարգավորման հարցը: Այս մասին հայտնել են Թուրքիայի ԱԳՆ-ից: «Քննարկվել են Սիրիայի հարցով Մոսկվայում կայացած քառակողմ հանդիպմանը վերաբերող հարցեր»,- ասված է հաղորդագրության մեջ: Մոսկվայում կայացած հանդիպմանը մասնակցել են Թուրքիայի, Ռուսաստանի, Սիրիայի և Իրանի ԱԳ նախարարները: Հանդիպումից հետո աշխատանքներ…

ԱՀ պետական տեսչությունների կառավարման կոմիտեն տեղեկացնում է, որ սույն թվականի մայիսի 24-ին ավարտվել է հին կտրոնների տրամադրման գործընթացը: Ինչպես արդեն հայտարարվել է, քաղաքացիները դեռևս կարող են գնումներ կատարել հին կտրոնների միջոցով:   Նոր կտրոնների տրամադրման գործընթացը կմեկնարկի հաջորդ շաբաթ. մանրամասները կներկայացվեն առաջիկա օրերին:

Վրաստանի պաշտպանության նախարար Ջուանշեր Բուրչուլաձեն ընդունել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինային: «Հանդիպմանը կողմերը քննարկել են անվտանգության ոլորտում ստեղծված իրավիճակը և տարածաշրջանային մարտահրավերները։ Ուկրաինայում տեղի ունեցող իրադարձությունների և անվտանգության աճող մարտահրավերների ֆոնին պաշտպանության նախարարը շեշտել է Վրաստանի պաշտպանունակության բարձրացումը, կայունությունը, կիբեռպաշտպանության հնարավորությունները, ՆԱՏՕ-ի հետ համատեղելիությունը և խոսել է ՆԱՏՕ-ի…

Ուկրաինայի զինված ուժերի գլխավոր հրամանատար Վալերի Զալուժնին մայիսի սկզբին Խերսոնի մերձակայքում գտնվող Պոսադ-Պոկրովսկոյե գյուղի մոտակայքում գտնվող հրամանատարական կետի վրա Ռուսաստանի զինված ուժերի հրթիռային հարձակման հետևանքով ստացել է գլխի վնասվածք և բազմաթիվ բեկորային վնասվածքներ, հայտնում է РИА Новости-ն՝ հղում անելով իրավապահ մարմինների աղբյուրին։ Գործակալության զրուցակցի խոսքով՝ Ուկրաինայի զինված ուժերի գլխավոր հրամանատարը գանգուղեղային վիրահատության է ենթարկվել, նա…

Թուրքիայի «ԱԹԱ» դաշինքի անդամ «Զաֆեր» ազգայնական կուսակցության ղեկավարը հայտարարել է, որ նախագահի ընտրության երկրորդ փուլում պաշտպանելու է ընդդիմադիր թեկնածու Քեմալ Քըլըչդարօղլուին: «Թուրքիայի համար ամենասուր խնդիրներից մեկը 13 միլիոն անօրինական ներգաղթյալների և փախստականների արտաքսումն է: Մենք 11 միլիարդ դոլար ենք ծախսում նրանց պահելու համար: Պարոն Քըլըչդարօղլուն մեզ հետ հանդիպման ժամանակ շեշտեց փախստականների արտաքսման կարևորությունը, և մենք…

Իրանը Սաուդյան Արաբիայում դեսպան է նշանակել՝ երկու պետության միջև դիվանագիտական ​​հարաբերությունների վերականգնման մասին պայմանավորվածությունների շրջանակում, հայտնել է Tasnim գործակալությունը։ Ըստ լրատվականի՝ Ալիրեզա Էնայաթին կդառնա Էր Ռիադում հանրապետության նոր դիվանագիտական ​​ներկայացուցիչը։ Press TV-ն էլ հաղորդել է, որ Էնայաթին նախկինում եղել է Քուվեյթում Իսլամական Հանրապետության դեսպանը, ինչպես նաև Իրանի արտաքին գործերի նախարարությունում արտաքին գործերի նախարարի օգնականը և…

Մայիսի 24-ին կայացել է Ադրբեջանի արտաքին գործերի նախարար Ջեյհուն Բայրամովի և ԱՄՆ պետքարտուղարության՝ Կովկասում բանակցությունների գծով ավագ խորհրդական Լուիս Բոնոյի հանդիպումը: Կողմերը քննարկել են Ադրբեջանի և Հայաստանի միջև խաղաղության հաստատման գործընթացը, «Խաղաղության և միջպետական հարաբերությունների կառուցման մասին» համաձայնագրի նախագծի բանակցությունների ներկա վիճակը, այդ շրջանակում անցկացված վերջին հանդիպումների արդյունքները և բանակցությունների հեռանկարները: Ջեյհուն Բայրամովը մեկ անգամ…

Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևը Պակիստան կատարած այցի շրջանակում հանդիպել է այդ երկրի զինված ուժերի ցամաքային զորքերի հրամանատար, բանակի գեներալ Ասիմ Մունիրի հետ։ Ադրբեջանի ՊՆ տեղեկատվության համաձայն՝ հանդիպման ժամանակ Մունիրը նշել է, որ Պակիստանը հատուկ նշանակություն է տալիս Ադրբեջանի հետ ռազմական համագործակցությանը։ Նա ընդգծել է ռազմական կապերի հետագա զարգացման…