Վոլոդիմիր Զելենսկին դատապարտել է վերջին օրերին Ուկրաինայի դեմ Ռուսաստանի զանգվածային հարձակումները, որոնց հետևանքով խաղաղ բնակչության շրջանում կան զոհեր: «Ընդամենը երեք օրում Ուկրաինայի ուղղությամբ ավելի քան 900 անօդաչու թռչող սարք, բալիստիկ և թևավոր հրթիռներ են արձակվել։ Ռուսաստանն ընտրում է շարունակել պատերազմը»,- հայտարարել է Զելենսկին: Նա կոչ է արել միջազգային հանրությանը՝ ավելացնել Մոսկվայի վրա ճնշումը: Ավելի վաղ…

Վրաստանի խորհրդարանի նախագահ Շալվա Պապուաշվիլին ամոթալի է անվանել Ֆրանսիայի նախագահ Էմանուել Մակրոնի, Գերմանիայի կանցլեր Ֆրիդրիխ Մերցի և Լեհաստանի վարչապետ Դոնալդ Տուսկի համատեղ հայտարարությունը հանրապետության Անկախության օրվա կապակցությամբ։ «Ամոթալի հարձակում վրացի ժողովրդի և Վրաստանի պետության վրա՝  նրա ազգային տոնի օրը»,- գրել է Պապուաշվիլին Ֆեյսբուքում։ Ավելի վաղ երեք եվրոպական երկրների առաջնորդները շնորհավորել էին վրացի ժողովրդին՝ Անկախության օրվա…

Եվրոպական երկրների որոշումը՝ վերացնել Կիևին հեռահար զենքի մատակարարման սահմանափակումները, հակասում է Ուկրաինայի իրադրության քաղաքական կարգավորմանն ուղղված ՌԴ ձգտումներին, հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Եթե այդպիսի որոշումներ իսկապես ընդունվել են, դրանք բացարձակապես հակասում են քաղաքական կարգավորմանը հասնելու մեր ձգտումներին և այն ջանքերին, որոնք այժմ արվում են կարգավորման շրջանակներում»,- ասել Է Պեսկովը Life-ի լրագրողին:…

«Մենք պետք է ամեն ինչ անենք այս պատերազմը դադարեցնելու համար»,- հայտարարել է Իսպանիայի ԱԳ նախարարը և եվրոպացիներին կոչ է արել ուժեղացնել ճնշումը հրեական պետության վրա Գազայում ՑԱՀԱԼ-ի նոր հարձակման ֆոնին: Ավելի մեծ ճնշում գործադրել Իսրայելի վրա՝ Գազայի հատվածում ռազմական հարձակումը դադարեցնելու և Պաղեստինի պետականության հարցում առաջ շարժվելու համար. սա էր կիրակի անցկացված Մադրիդյան խմբի գագաթնաժողովի…

ԱՄՆ-ն, Մեծ Բրիտանիան, Ֆրանսիան և Գերմանիան վերացրել են Ուկրաինային մատակարարվող զենքի հեռահարության սահմանափակումները, հայտարարել է Գերմանիայի կանցլեր Ֆրիդրիխ Մերցը։ «Ուկրաինա մատակարարվող զենքի հեռահարության հանդեպ այլևս որևէ սահմանափակում չկա՝ ո՛չ բրիտանացիների, ո՛չ ֆրանսիացիների, ո՛չ էլ մեր կողմից։ Ամերիկացիների կողմից նույնպես նման բան չկա»,- ասել է կանցլերը՝ WDR հեռուստառադիոընկերության կազմակերպած ֆորումի քննարկման ժամանակ։ «Դա նշանակում է, որ…

ԱՄՆ նախագահ Դոնալդ Թրամփը, Ռուսաստանի կողմից Ուկրաինայի վրա զանգվածային հարձակումից մեկ օր անց անդրադարձել է դրան։ «Ես միշտ շատ լավ հարաբերություններ եմ ունեցել Վլադիմիր Պուտինի հետ, բայց նրա հետ ինչ-որ բան է պատահել։ Նա լրիվ խելքը թռցրել է»,- գրել է Սպիտակ տան ղեկավարը Truth Social սոցիալական ցանցում կիրակի՝ մայիսի 25-ին։ «Նա անտեղի բազմաթիվ մարդկանց է…

Մեկնարկել է «Երևանյան երկխոսություն» երկրորդ միջազգային համաժողովը: Բացման խոսքում ՀՀ ԱԳ նախարար Արարատ Միրզոյանը շնորհակալություն հայտնեց միջոցառմանը ներկա ՀՀ վարչապետ Նիկոլ Փաշինյանին, հանրապետության նախագահ Վահագն Խաչատուրյանին, ԱԺ նախագահ Ալեն Սիմոնյանին, Երևան ժամանած բարձրաստիճան հյուրերին: «Խորապես հպարտ ենք մեր մայրաքաղաքում ձեզ հյուրընկալելու այսպիսի համաժողովի շրջանակում, որը ձգտում է լինել ավելին, քան պարզապես համաժողով, հարթակ՝ մտորումների, համագործակցության…

Երկօրյա պաշտոնական այցով Հայաստանի Հանրապետություն է ժամանել Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։

Մայիսի 25-27-ը պաշտոնական այցով Հայաստանի Հանրապետություն կժամանի Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։

Ադրբեջանի և Պակիստանի արտգործնախարարները հեռախոսազրույց են ունեցել: Ջեյհուն Բայրամովը և Մուհամեդ Իսհակ Դարը քննարկել են երկու երկրի հարաբերությունները և մտքեր փոխանակել տարածաշրջանային ու միջազգային հարցերի շուրջ: Կողմերը քննարկել են Պակիստանի վարչապետ Շահբազ Շարիֆի առաջիկա այցն Ադրբեջան։

Հունգարիայի կառավարությունը մտադիր է թույլ չտալ Եվրոպա ռուսական էներգակիրների մատակարարման լիակատար արգելքը, որն առաջարկել է Եվրահանձնաժողովը։ Այդ մասին հայտարարել է Հունգարիայի վարչապետ Վիկտոր Օրբանը՝ էներգետիկ հարցերով կառավարության արտակարգ նիստից հետո։ «Բրյուսելը լի է վճռականությամբ՝ օգնելու ուկրաինացիներին հունգարական և եվրոպական ընտանիքների ոչնչացման գնով։ Բրյուսելը մտադիր է փակել Ռուսաստանից գազի և նավթի մատակարարումը: Դա Հունգարիայի համար ենթադրում…

Թուրքիայի նախագահ Ռեջեփ Էրդողանը Ստամբուլում բանակցություններ է վարել Սիրիայի ժամանակավոր կառավարության նախագահ Ահմեդ Ալ-Շարաայի հետ: Լրատվամիջոցների տվյալով՝ բանակցությունների ընթացքում քննարկվել են երկկողմ հարաբերությունները և ահաբեկչությանը համատեղ հակազդելու հարցերը:  Հանդիպմանը ներկա են եղել նաև Թուրքիայի արտաքին գործերի նախարար Հաքան Ֆիդանը, պաշտպանության նախարար Յաշար Գյուլերը, թուրքական հետախուզության ղեկավար Իբրահիմ Քալընը, պաշտպանական արդյունաբերության ղեկավար Հալուք Գերգյունը, Սիրիայի արտաքին…

Ուկրաինայի նախագահ Վոլոդիմիր Զելենսկին հաստատել է տեղեկությունը, որ ռուսական կողմը վերադարձրել է 307 մարդու: Զելենսկին նշել է, որ երկու օրվա ընթացքում արդեն վերադարձվել է 697 մարդ, և ակնկալվում է փոխանակման գործընթացի շարունակություն: Ավելի վաղ Ռուսաստանի պաշտպանության նախարարությունը տեղեկացրել է, որ Ռուսաստանն ու Ուկրաինան ռազմագերիների փոխանակման ևս մեկ փուլ են անցկացրել Ստամբուլում ձեռք բերված պայմանավորվածությունների շրջանակում՝…

Ռուսաստանն ու Ուկրաինան ռազմագերիների փոխանակման ևս մեկ փուլ են անցկացրել՝ Ստամբուլում ձեռք բերված պայմանավորվածությունների շրջանակում՝ «307-ը 307-ի դիմաց» սկզբունքով: Ռուսաստանի պաշտպանական գերատեսչությունից նշել են, որ նախաձեռնությունը ռուսական կողմինն է, և որ գերիների փոխանակումը կշարունակվի: Նախարարության տվյալով՝ ռուս զինվորականները տեղափոխվել են Բելառուս, որտեղ նրանց անհրաժեշտ հոգեբանական և բժշկական օգնություն է ցուցաբերվում: «Բոլոր ռուս զինծառայողները կտեղափոխվեն ՌԴ՝…

Ուկրաինան և ԱՄՆ-ը պաշտոնապես գրանցել են վերակառուցման ներդրումային հիմնադրամը, որը հազվագյուտ մետաղների ոլորտում համագործակցության համաձայնագրի մի մասն է: Ուկրաինայի փոխվարչապետ Յուլյա Սվիրիդենկոյի խոսքով՝ ԱՄՆ-ը Ուկրաինային վերջին դիվանագիտական նոտան է ուղարկել՝ ավարտելով բոլոր ընթացակարգերը: Հիմնադրամի իրական գործունեությունը կարող է սկսվել միայն առանցքային փաստաթղթի՝ սահմանափակ գործընկերության պայմանագրի, ինչպես նաև Հիմնադրամի կանոնադրության ստորագրումից հետո: Այդ փաստաթղթերի ստորագրման մասին…

Գերմանիայի կանցլեր Ֆրիդրիխ Մերցը հեռախոսազրույց է ունեցել Չինաստանի նախագահ Սի Ծինփինի հետ: Գերմանիայի կառավարությունից նշել են, որ զրույցի ընթացքում կանցլերը կոչ է արել Չինաստանի նախագահին՝ աջակցել Ուկրաինայում հրադադարի արագ հաստատմանն ուղղված ջանքերին։ Չինաստանի արտգործնախարարության տարածած հայտարարության մեջ նշվում է, որ կողմերը կարծիքներ են փոխանակել ուկրաինական ճգնաժամի վերաբերյալ։ Նախօրեին Ֆրանսիայի նախագահ Էմանուել Մակրոնը Չինաստանի նախագահի հետ…

ՀՀ անվտանգության խորհրդի քարտուղար Արմեն Գրիգորյանը չի մասնակցի մայիսի 27-29-ը Ռուսաստանի Դաշնության մայրաքաղաք Մոսկվայում անցկացվելիք՝ Անվտանգության հարցերով պատասխանատու բարձր ներկայացուցիչների 13-րդ միջազգային հանդիպմանը։ Այս մասին հայտնել են խորհրդի գրասենյակից` պատասխանելով «Արմենպրես»-ի հարցմանը։  «Մայիսի 28-ին, Հանրապետության տոնին նվիրված միջոցառումներին մասնակցելու պատճառով, ՀՀ ԱԽ քարտուղարը չի մասնակցի Մոսկվայում կայանալիք հանդիպմանը»,- տեղեկացրել են ԱԽ գրասենյակից։

Մայիսի 27-ին աշխատանքային այցով Հայաստանում կլինի Հունգարիայի արտաքին գործերի նախարար Պետեր Սիյարտոն։ Նախարար Սիյարտոն «Երևանյան երկխոսություն» ֆորումի շրջանակներում կմասնակցի պանելային քննարկման: Ծրագրված է հանդիպում ՀՀ արտաքին գործերի նախարար Արարատ Միրզոյանի հետ: Երևանյան երկխոսության» քննարկումներին ուղիղ հեռարձակմամբ կարելի է հետևել միջոցառման պաշտոնական կայքէջում և սոցիալական հարթակներում.   Կայք՝ https://yerevandialogue.com/   Facebook: https://www.facebook.com/YerevanDialogue   X: https://x.com/YerevanDialogue  …

Հռոմում ավարտվել է Իրանի միջուկային ծրագրի շուրջ ԱՄՆ-ի և Իրանի պաշտոնյաների միջև բանակցությունների հինգերորդ փուլը։ Այն տևել է երեք ժամ։ Իրանա-ամերիկյան խորհրդակցությունների հինգերորդ փուլից հետո Իրանի արտաքին գործերի նախարար Աբբաս Արաղչին հայտարարել է, որ Հռոմում կայացած հանդիպումից հետո Միացյալ Նահանգները սկսել է շատ ավելի լավ հասկանալ Թեհրանի դիրքորոշումը միջուկային ծրագրի վերաբերյալ։ «Այսօր Հռոմում տեղի ունեցավ…

Եվրոպական հանձնաժողովը սկսում է քննարկել «Հյուսիսային հոսք 2»-ի դեմ պատժամիջոցները, հաղորդում է Bloomberg-ը՝ հղում անելով իր աղբյուրներին։ Կքննարկվի Բալթիկ ծովի հատակով անցնող խողովակաշարերի արգելման հնարավորությունը։ Այսպիսով, ինչպես նշում է գործակալությունը, ԵՄ-ն մոտենում է Ռուսաստանը և Գերմանիան կապող «Հյուսիսային հոսք 2»-ը նոր պատժամիջոցների փաթեթում ներառելու որոշմանը։ Եվրահանձնաժողովի խոսնակ Պաուլա Պինյոն հայտարարել է, որ Եվրահանձնաժողովի ղեկավարի՝ «Հյուսիսային…

Թուրքիայի իրավապահ մարմինները ուրբաթ ձերբակալել են 56 զինվորականի և 9 ոստիկանի՝ մեղադրելով նրանց արգելված «Հիզմեթ» կազմակերպությանը մասնակցելու համար: Այն ղեկավարում էր թուրք հոգևորական Ֆեթուլլահ Գյուլենը, որն անցյալ տարվա հոկտեմբերին մահացել է Միացյալ Նահանգներում։ Թուրքիայի իշխանությունները «Հիզմեթ» կազմակերպությանը մեղադրում են «պետության մեջ պետություն» ստեղծելու համար։ Նրանց նաև պատասխանատու են համարում երկրում 2016 թվականի հուլիսի 15-ին տեղի…

Ռուսաստանի պաշտպանության նախարարությունը հայտարարել է, որ Ստամբուլում ձեռք բերված պայմանավորվածությունների շրջանակում վերադարձել են 270 ռուս ռազմագերի և 120 քաղաքացիական անձ, այդ թվում՝ Կուրսկի մարզի բնակիչներ։ Փոխանակումը հաստատել է Ուկրաինայի նախագահ Վոլոդիմիր Զելենսկին։ «1000-ը 1000-ի դիմաց» ձևաչափով փոխանակելու վերաբերյալ համաձայնագրի առաջին մասը կյանքի է կոչվել։ Այս համաձայնագիրը ձեռք է բերվել Թուրքիայում կայացած հանդիպման ժամանակ, և կարևոր…

Միացյալ Նահանգների իրավապահ մարմինների աշխատակիցները ձերբակալել են մի կնոջ, որը փորձել է առանց թույլտվության մեքենայով մտնել Վիրջինիա նահանգի Մաքլին քաղաքում գտնվող ԿՀՎ-ի գլխամասային գրասենյակի տարածք, հաղորդում է CNN-ը։ Ամերիկյան լրատվամիջոցների տվյալներով՝ կինը, մոտենալով կենտրոնական դարպասին, չի ենթարկվել անվտանգության աշխատակիցների՝ կանգ առնելու պահանջներին, վերջինները կրակ են բացել և վիրավորել կնոջը: NBC-ի աղբյուրների փոխանցմամբ՝ մեքենան վարել է…

ԱՄՆ նախագահ Դոնալդ Թրամփի վարչակազմն արգելել է Հարվարդի համալսարանին ընդունել օտարերկրյա ուսանողների՝ հաղորդել է The New York Times-ը: ԱՄՆ ներքին անվտանգության նախարար Քրիստի Նոեմը հրամանով չեղարկվել է ուսանողների փոխանակման ծրագիր իրականացնելու՝ համալսարանի արտոնագիրը։ Հարվարդը մեղադրվել է «բռնություն և հակասեմականություն խրախուսելու» ու Չինաստանի կոմունիստական ​​կուսակցության հետ համագործակցելու համար: ԱՄՆ այս հեղինակավոր համալսարանն այլևս չի կարող օտարերկրացիներին…

Թուրքիան ակնկալում է, որ հարմար պայմաններ կստեղծվեն Բաքվի և Երևանի միջև խաղաղության համաձայնագիր ստորագրելու համար՝ հայտարարել է Թուրքիայի անվտանգության խորհուրդը։ Նիստը տեղի է ունեցել Թուրքիայի նախագահ Ռեջեփ Էրդողանի նախագահությամբ։ «Նիստի մասնակիցները գոհունակություն են հայտնել, որ Ադրբեջանն ու Հայաստանը համաձայնության են եկել խաղաղության պայմանագրի նախագծի հարցում, կրկին հայտարարել են, որ սպասում են վերջնական խաղաղության հաստատման համար…

Ռուսաստանի նախագահ Վլադիմիր Պուտինը մոտ ապագայում չի մասնակցի Ուկրաինայի հարցով խաղաղության բանակցություններին Վատիկանում կամ որևէ այլ վայրում, հաղորդել է Bloomberg-ը՝ հղում անելով ռուս պաշտոնյաներին։ Կրեմլը նախընտրում է կենտրոնանալ Ստամբուլի ձևաչափով տեխնիկական մակարդակի բանակցությունների վրա։ Bloomberg-ի՝ կրեմլամերձ աղբյուրները նշել են, որ Պուտինը չի մեկնի ՆԱՏՕ-ի անդամ Իտալիա՝ «անվտանգության նկատառումներից ելնելով», ինչպես նաև այն պատճառով, որ Ռուսաստանը…

Մեծ Բրիտանիայի կառավարությունն առաջարկել է բանտային բարեփոխումներ, որոնք թույլ կտան Անգլիայում և Ուելսում պայմանական վաղաժամկետ ազատ արձակել բանտարկյալների մեծ մասին՝ իրենց պատժի մեկ երրորդը կրելուց հետո։ Բրիտանացի բանտարկյալների մեծ մասը բանտից ազատ է արձակվում իրենց պատժի կեսը կրելուց հետո։ Սակայն անցյալ տարի, բախվելով բանտերի գերբնակեցման խնդրին, Լեյբորիստական ​​կառավարությունը որոշել է ազատ արձակել հինգ տարուց ավելի…

Պակիստանի վարչապետ Շահբազ Շարիֆը հաջորդ շաբաթ կայցելի Իրան, Ադրբեջան և Թուրքիա, հանդիպումներ կունենա այդ երկրների պաշտոնյաների հետ: Շարիֆը շնորհակալություն է հայտնել նրանց՝ Հնդկաստանի հետ վերջին լարվածության ժամանակ ցուցաբերած աջակցության համար։ Հաղորդվում է, որ այցի նպատակն այդ երկրների հետ դիվանագիտական կապերի ամրապնդումն է: Ակնկալվում է, որ Ադրբեջան այցի ընթացքում Շարիֆը կհանդիպի Ադրբեջանի նախագահ Իլհամ Ալիևի հետ:

Բուդապեշտից վերադառնալիս լրագրողների հետ զրույցում Թուրքիայի նախագահ Ռեջեփ Էրդողանը հայտարարել է, որ չի պատրաստվում վերընտրվել կամ կրկին առաջադրվել ընտրություններում։ «Մեզ հետաքրքրում է միայն այն, թե ինչպես կարող ենք բարձրացնել մեր երկրի հեղինակությունը: Թուրքիան փոխվում է, աշխարհը փոխվում է։ Մենք ապրում ենք նոր դարաշրջանում»,- ասել է Էրդողանը: Նա նշել է, որ կարող է մեկնել ԱՄՆ, և…