Ֆրանսիայի նախագահ Էմանուել Մակրոնը մտադիր է մայիսի 9-ին այցելել Բեռլին՝ Գերմանիայի կանցլեր Օլաֆ Շոլցի հետ բանակցություններ վարելու համար՝ հայտնել են Ելիսեյան պալատից:

«Ֆրանսիայի նախագահը երդմնակալությունից հետո առաջին այցը կկատարի Բեռլին, ինչն ընդգծում է ֆրանս-գերմանական հարաբերությունների ամրությունը»,- տեղեկացրել են Մակրոնի վարչակազմից:

Նշվում է, որ նախագահն ու կանցլերը կքննարկեն Ուկրաինայի իրադրության հետ կապված հարցեր, «եվրոպական ինքնիշխանության մարտահրավերները», եվրոպական անվտանգության և էներգետիկ հարցեր:

Հուլիսի 3-ին Աջարիայում ազգային հողի վրա հարձակման են ենթարկվել մի խումբ անչափահաս ախալքալաքցիներ, ինչի արդյունքում երիտասարդներից մեկը դանակահարվել է եւ ծանր վիճակում տեղափոխվել հիվանդանոց։ Հայ երիտասարդների վրա հարձակվողները դանակով վիրավորել են նաեւ օգնության հասած ոստիկանին, ով եւս հոսպիտալացվել է։ Միջադեպը տեղի է ունեցել այն պահից հետո, երբ մի խումբ չափահաս անձինք (հավանաբար ադրբեջանցիներ) մոտեցել են հայ երիտասարդներին եւ ծաղրելով հարցրել թե հայ եք, որից հետո   հարցրել են «Карабах наш или ваш» ու սպառնալիքներ հնչեցնելով հարձակվել հայ երիտասարդների վրա։

Դանակահարված երիտասարդի համագյուղացիների համաձայն ադրբեջանցիների խումբը պլանավորված սադրանքի է դիմել։ Նրանց խոսքերով հարձակվողներից մեկը ձերբակալվել է, չնայած մինչեւ այս պահը Վրաստանի ՆԳՆ ոչ հերքում եւ որ էլ հաստատում է կատարվածը։

Հարկ է նշել, որ անցած տարվա ամռանը մի խումբ ադրբեջանցիներ Սադախլոյում  հակահայկական ցույցից հետո հարձակվել էին ազգությամբ հայի երիտասարդի վրա եւ ծեծի  ենթարկելով երիտասարդին անհետացել դեպքի վայրից։ Դեպքը տեղի էր ունեցել ոստիկանական բաժանմունքից ոչ հեռու։ Այն ժամանակ եւս ՆԳՆ լուռ էր, կարծես ոչինչ տեղի չէր ունեցել։ Այս տարվա հունվարի 25-ին Վրաստանի ադրբեջանաբնակ Քվեմո Փոնիճալա բնակավայրի մոտակայքում անհայտ անձինք քարեր էին նետել հայկական բեռնատարների ուղղությամբ, ջարդել որոշ բեռնատարների դիմային ու կողային ապակիները և փախուստի դիմել դեպքի վայրից։ Վրաստանի ներքին գործերի նախարարությունը սույն դեպքի առնչությամբ քրեական գործ էր հարուցել, որի արդյունքները պարզ չեն ու նրանք երկար ժամանակ չէին ցանկանում մեկնաբանել կատարվածը։ Կատարվող դեպքերի մեկ շղթայի մաս կարելի է համարել նաեւ այս տարվա մայիսին Դմանիսիում ադրբեջանցիների և վրացիների միջև  տեղի ունեցած մասսայական ծեծկռտուքը, որը տեղացի սվաների խոսքերով ուղղորդված բնույթ է կրել։ Հարկ է նշել, որ այսպիսի դեպքերը հաճախակի դառնալու միտում են կրում եւ ոչ բոլորն են մեզ հայտնի։

Հաշվի առնելով այս ամենը Սամցխե-Ջավախքի Մեդիա Վերլուծական կենտրոնը խստորեն դատապարտում է ադրբեջանական որոշ էթնիկ խմբերի կողմից հրահրվող սադրանքները եւ կոչ է անուն Վրաստանի իշխանություններին եւ իրավապահ համակարգին կոնկրետ այս դեպքի օրինակով անցկացնել բաց ու թափանցիկ հետաքննություն ու օրենքի ողջ խստությամբ պատժել ազգամիջյան լարվածություն առաջացնող հանցագործներին, որոնք հայ-ադրբեջանական կոնֆլիկտը փորձում են տեղափոխել Վրաստանի տարածք։

Սամցխե-Ջավախքի Մեդիա Վերլուծական Կենտրոն

Վրաստանում կորոնավիրուսային վարակի դեպքերի թիվն աճել է 1-ով և կազմել 731: Այս մասին տեղեկությունները հասանելի են կառավարության կողմից ստեղծված stopcov.ge հատուկ կայքում: Ապաքինվածների քանակը ավելացավ 4-ով և կազմեց 526:

3076 մարդ գտնվում է կարանտինային գոտիներում, իսկ 300 մարդ հիվանդանոցում հսկողության տակ:

Վրաստանում կորոնավիրուսից 12 մարդ է մահացել:

Վրաստանը ապրիլի 9-ը նշում է, որպես անկախության վերականգնման եւ 1989 թվականին Թբիլիսիում ԽՍՀՄ-ի պաշտպանության նախարարության զորքերի կողմից բազմահազարանոց հանրահավաքի ցրման ընթացքում զոհված մարդկանց հիշատակի օր:

Ախալցխայում նույնպես  ամեն տարի նշում են ապրիլի 9-ը: Մարդիկ տեղական իշխանության ներկայացուցիչների հետ հավաքվում են քաղաքի կենտրոնական այգում տեղադրված ապրիլի 9-ի զոհերի հիշատակին կանգնեցված հուշաքարի մոտ, որտեղ եւ մշտապես կազմակերպվում են հիշատակի արարողությունները:

Ախալցխայում ապրիլի 9-ը փողոցում բնակարան են կողոպտել: Տվյալ փողոցի բնակչի կարծիքով՝ գողը բնակարան է մուտք գործել լուսամուտից: Գողության պահին ընտանիքի անդամները գտնվել են Թբիլիսիում, ինչից կարելի է ենթադրել, որ գողերը նախօրոք իմացել են այն մասին, որ տան տերերը քաղաքից դուրս են գտնվում: Կողոպտված տանից հանցագործները տարել են անձնական իրեր և ոսկեղեն:

Դեպքի առիթով հետաքննությունը ընթանում է Վրաստանի Քրեական օրենսգրքի 177-րդ հոդվածի երրորդ մասի «գ» ք/ենթակետով, ինչը ենթադրում է բնակարանի անօրինական մուտքն ու պատժվում է ազատազրկմամբ, 6-ից 10 տարի ժամկետով:

Բորժոմիի քաղաքապետը երեկ դիմել է քաղաքային խորհրդին արտահերթ նիստ գումարելու համար։ Նիստի օրակարգում ընդգրկվելու է մեկ հարց, որը վերաբերվում է աշխատակազմի ցուցակին եւ աշխատավարձերի ավելացմանը։ Սակրեբուլոյի նիստ նախատեսված է անցկացնել մարտի 9-ին, ժամը 12.00-ին:

Հիշեցնենք, որ փետրվարի 28-ին չորս անհաջող փորձից հետո Բորժոմիի սակրեբուլոն չէր կարողացել ընդունել որոշում աշխատավարձերի վերաբերյալ։ «Վրացական Երազանք» խմբակցությունը, որը փոքրամասնություն է կազմում Բորժոմիի քաղաքային խորհրդում առաջարկում էր քաղաքապետարանի աշխատակիցների աշխատավարձերի ավելացում։ Ընթացքում «Վրացական Երազանք»-ի տեսակետը մերժվել էր ընդդիմության կողմից, որը Բորժոմիում կազմում է մեծամասնություն։ Քվեարկությանը քաղաքապետարանում հետեւել էր ֆիզիկական ընդհարում քաղաքական ուժերի միջեւ։

Արդեն երրորդ ամիսն է, ինչ աշխատավարձերի հարցով տարաձայնության պատճառով Բորժոմիի քաղաքապետարանում 120 աշխատակից մնում են առանց աշխատավարձի։

Մայիսի 9-ը հաղթանակների օր է: Այս օրը Հայաստանի, հայ ժողովրդի համար եռատոն է: 1945 թվականի մայիսի 9-ն էր, երբ Խորհրդային բանակը մտավ Բեռլին: Ահա հենց այդ օրով նշանավորվեց ֆաշիստական Գերմանիայի դեմ հաղթանակը և Հայրենական մեծ պատերազմի ավարտը: Հայրենական մեծ պատերազմի հաղթանակից տարիներ անց՝ 1992 թվականին հենց նույն օրը՝ մայիսի 9-ին, հայ մարտիկները հաջողությամբ ավարտին հասցրեցին «Հարսանիք լեռներում» օպերացիան: Մայիսի 9-ի վաղ առավոտյան Շուշին ազատագրված էր: Այդ օր նորանկախ Հայաստանի պատմության մեջ դարձավ փառավոր էջերից մեկը:
Մայիսի 9-ը դարձավ եռատոն, որովհետև հենց այդ օրն է համարվում Արցախի հանրապետության պաշտպանության բանակի ստեղծման օր:

Այսօր Ախալքալաքի Սուրբ Խաչ եկեղեցուն կից գործող կիրակնօրյա դպրոցը եռատոնին նվիրված ցերեկույթ անցկացրեց։ Ցերեկույթին ներկա էին Սամցխե-Ջավախքի և Ծալկայի ընդհանուր առաջնորդական փոխանորդ Հոգեշնորհ Տեր Բաբգէն վարդապետ Սալբիյանը, Ախալքալաքի Սուրբ Խաչ եկեղեցու հոգևոր հովիվներ Արժանապատիվ Տեր Եղիշե ավագ քահանա Հարությունյանը, Արժանապատիվ Տեր Տաթև քահանա Մարուքյանն, Ախալքալաքի շրջանային վարչության սպորտի և երիտասարդության հարցերի բաժնի ղեկավար Վալերի Ստելմաշովը, Ախալքալաքի նկարչական դպրոցի տնօրեն Կարլեն Կարապետյանը, Ախալքալաքի թիվ 5 հանրային դպրոցի տնօրեն Էմմա Նահատակյանը, մանկավարժներ և ծնողներ։ Կիրակնօրյա դպրոցի սաները հանգամանալից ներկայացրեցին մայիսյան հաղթանակները, չմոռանալով անդրադարձ կատարել ապրիլյան քառօրյա պատերազմին։ Միջոցառման գաղափարական հիմքն այն էր, որ Հայրենական մեծ պատերազմի, Շուշիի ազատագրման մասնակից և ապրիլյան քառօրյա պատերազմի հերոսները վարդանանց քաջ զորավարների հետնորդներն են։

Միջոցառման ավարտին խոսքով հանդես եկավ Հոգեշնորհ Հայր Բաբգէնը։ Նա շնորհավորեց բոլորին այս հրաշալի օրվա կապակցությամբ և իր օրհնությունը բերեց կիրակնօրյա դպրոցի մանկավարժական կոլեկտիվին։

Ջավախքի առաջնորդական փոխանորդության մամլո դիվան

1992թվականի մայիսի 9-ը Հայ Ժողովրդի նորագույն պատմության մեջ մտավ որպես հավաքական ուժի կամքի, ռազմական տաղանդի դրսևորման բացառիկ նմուշ, որպես Հայ Ժողովրդի պայքարի ու հարատևման գրավական, սեփական ուժերով ցանկացած մարտահրավեր պատվով ընդունելու և հաղթահարելու դասական օրինակ: Շուշվա անառիկ բերդի ազատագրումը Հայ Ժողովրդի և Հայոց Բանակի անկոտրում կամքի ցուցադրումն էր ամբողջ աշխարհին: Այս անօրինակ Հաղթանակի 25-րդ տարեդարձի կապակցությամբ ԱՄՆ Հայդուկ կազմակերպությունը Հայ Ժողովրդին ու Հայոց Բանակին մաղթում է բարեկեցություն, հարատևում, հաղթանակներ բոլոր բնագավառներում՝ ի փառս մեր պայծառ ապագայի:
Այս Հաղթանակը կերտողները մեր ազգի լավագույն զավակներն են: Մեր Բանակն այսօր լավագույնն է տարածաշրջանում: Աստված թող պահապան լինի մեր զինվորներին և հրամանատարներին: Մենք հպարտ ենք մեր Բանակով:

Եվ Հաղթանակի Օրվա կապակցությամբ Հայդուկը շնորհակալագրեր է պարգևել Հայոց Բանակի Գեներալներ Արկադի Տեր-Թադևոսյանին, Սամվել Բաբայանին, Արշալույս Փայտյանին:
Նման գեղեցիկ նախաձեռնությամբ է հանդես եկել նաև ԱՄՆ Կալիֆորնիա Նահանգի Գլենդեյլ քաղաքի քաղաքապետարանը:

Փառք Հայ Ժողովրդին, Հայոց Պետությանը, Հայոց Բանակին:

https://www.facebook.com/permalink.php?story_fbid=1846070722323799&id=1606776992919841