Համաշխարհային տնտեսությունը կախված է էներգակիրների գների կայունությունից։ Այդ մասին Պարսից ծոցի արաբական պետությունների համագործակցության խորհրդի (Ջեդդայի գագաթնաժողով) գագաթնաժողովի բացմանը հայտարարել է Սաուդյան Արաբիայի թագաժառանգ Մուհամեդ բին Սալման Ալ Սաուդը:
«Հարկավոր է շարունակել ներդրումներ կատարել մաքուր էներգիայի ոլորտում: Էր Ռիադը որոշել է նավթի արդյունահանման ծավալները հասցնել օրական մինչև 13 միլիոն բարելի»,- նշել է թագաժառանգը։
Նա Իրանին կոչ է արել գործակցել տարածաշրջանի երկրների, Ատոմային էներգիայի միջազգային գործակալության հետ, չմիջամտել այլ երկրների ներքին գործերին և հավատարիմ մնալ այդ առնչությամբ տված խոստումներին:
Եգիպտոսի նախագահ Աբդել Ֆաթթահ աս Սիսին էլ հայտարարել է, որ համաշխարհային և տարածաշրջանային ճգնաժամերն ավելի են սրվում, ուստի արաբական երկրները պետք է զգալի ներդրում ունենան ժամանակակից մարտահրավերների լուծման գործում, այդ թվում՝ էներգետիկայի ոլորտում։

«Արաբական երկրները պետք է համախմբվեն՝ վերջ տալու հակամարտություններին ու քաղաքացիական պատերազմներին: Եգիպտոսը նաև մնում է ԱՄՆ-ի կարևոր գործընկերը տարածաշրջանում»,- հավելել է Եգիպտոսի նախագահը։

Ախալցխայի քաղաքապետարանում հասարակական գործիչների ընտրական մրցույթի օրենքով 17 թափուր տեղերից ընտրվել է 13 դիմորդ: Տվյալ աշխատատեղերի համար ընտրված անձիք կնշանակվեն իրենց պաշտոններին համապատասխան փաստաթուղթ ներկայացնելուց հետո:

Քաղաքապետարանում 4 աշխատատեղ դեռ մնացել է ազատ:

17 թափուր աշխատատեղի համար  ներկայացվել է 80 քաղաքացու 210 դիմում: Ամենից շատ դիմում եղել է  կազմակերպչական բաժնի ղեկավարի եւ հասարակության  եւ լրատվամիջոցների հետ կապի բաժնի ղեկավարի պաշտոնների համար: Ընտրված դիմորդները անցել են հարցազրույց:

Akhaltskha.net

Ախալցխայի քաղաքապետարանի մրցույթի արդյունքները հայտնի են: 10 անդամ ունեցող հանձնաժողովը ամփոփիչ արձանագրություն է կազմել եւ դիմորդներին տեղեկացրել արդյունքների մասին:

Ախալցխայի քաղաքապետարանի թափուր 13 պաշտոններից համար դիմորդներից ընտրվել են միայն 8 դիմորդ: 5 պաշտոններ դեռեւս թափուր են մնում:

Չնայած, որ դիմորդները անցել էին մրցույթի երկու փուլերը, այնուամենայնիվ հանձնաժողովը չի կարողացել ընտրել Ենթակառուցվածքային ծառայության համար անհրաժեշտ երկու պաշտոնյայի: Թափուր է մնացել նաեւ հասարակայնության հետ կապերի բաժնի պետի, կազմակերպչական կազմի ղեկավարի պաշտոնը, զինվորական հաշվառման եւ տեղակալի ղեկավարի պաշտոնները:

Իսկ ընտրված 8 դիմորդները Ախալցխայի քաղաքապետարան իրենց փաստաթղթեր ներկայացնելու համար երկշաբաթյա ժամկետներ ունեն:

Akhaltskha.Net