Արցախի Քռասնի գյուղ տանող ճանապարհն է: Սպիտակ ավտոբուսը սպասարկում է Քռասնի-Ստեփանակերտ և հակառակ ուղղությամբ երթուղին: Բարձր դասի ավտոբուսը մեկն է այն 10-ից, որոնք «Հայաստան» համահայկական հիմնադրամը նվիրել է Արցախին:
Սեյրան Խաչատրյան (վարորդ) — Հարմարավետությունը նորմալ է, հարմար է, իսկ ահա երթևեկությունը՝ նայած որ ժամին, թե ինչ գծի տակ է, որ ժամի գծի տակ է:
Համահայկականն ավտոբուսները ձեռք է բերել հունահայ համայնքի ֆինանսավորմամբ՝ ասում է Արցախի տարածքային կառավարման և ենթակառուցվածքների նախարարը:
Հայկ Խանումյան (Արցախի տարածքային կառավարման և ենթակառուցվածքների նախարար) — Պատերազմի ժամանակ քաղպաշտպանության միջոցառումները տրանսպորտի ծառայության միջոցառումներն իրականացնելիս առանց այդ էլ մեծ մաշվածություն ունեցող տրանսպորտային ցանցը դուրս էր եկել շարքից: Եվ օրախնդիր էր նոր, թարմ ավտոբուսներ ունենալը:
Ստեփանակերտում բնակչության կենտրոնացում չունենալու համար գործող Ստեփանակերտ-Ննգի-Մարտունի երթուղուն ավելացել են նորերը՝ նշում է Խանումյանը:
Հայկ Խանումյան — Վարձով բնակարան գտնելը բավականին դժվարացել էր Ստեփանակերտում: Եվ որպեսզի մարդիկ աշխատանքային մոբիլության հետ կապված, ուսանելու և այլ խնդիրների հետ կապված շատ խնդիրներ չունենան, նպատակահարմար գտանք ավելի ինտենսիվ տրանսպորտային կապը: Այդ նպատակին էր ուղղված նաև Ստեփանակերտին մոտ գտնվող որոշ բնակավայրերի, որոնք մինչև այդ զուրկ էին տրանսպորտից, կամ դադարներով էր տրանսպորտ եղել, նոր ավտոբուսներ հատկացնել՝ ինչպիսիք են Դաշուշենը, Քռասնին, Դահրավը:
Դահրավ-Ստեփանակերտ երթուղային գիծը վերջին տարիներին չէր աշխատում: Խորհրդային տարիներից ժառանգած ավտոբուսով գործը շահավետ չէր՝ ասում է գյուղի 40 տարվա վարորդը: Հիմա երթուղային գիծն աշխատում է նոր ավտոբուսով:
Վիտյա Գասպարյան (վարորդ) — Երկուշաբթի, հինգշաբթի, շաբաթ օրերը՝ օրական մեկ անգամ:
Քաղաքացիները գոհ են հատկապես երեկոյան ժամերի ուղևորափոխադրումներից՝ ասում է Ստեփանակերտի կենտրոնական ավտոկայանի ավագ երթակարգավարը՝ առանձնացնելով Ստեփանակերտ-Կարմիր շուկա-Ճարտար-Մարտունի նոր գիծը:
Իգոր Պետրոսյան (Ստեփանակերտի կենտրոնական ավտոկայանի ավագ երթակարգավար) — Երեկոյան ժամերի մեքենաներն իրենց համար հարմար են: Հիմա, երբ տեղ-տեղ մարդիկ դժգոհում են, որ աշխատանք չկա, այդ մարդիկ գալիս են աշխատանքի և երեկոյան ժամը 6-ին տեղափոխվում են:
Արցախի կառավարությունը փորձել է «Հայաստան» համահայկական հիմնադրամի նվերը բաշխել հավասարապես՝ 3-ական ավտոբուս հատկացնելով Ասկերանի, Մարտունու և Մարտակերտի շրջաններին և մեկը միայն օգտագործել Ստեփանակերտում:

Վրաստանում կորոնավիրուսային վարակի դեպքերի թիվն աճել է 11-ով և կազմել 794: Այս մասին տեղեկությունները հասանելի են կառավարության կողմից ստեղծված stopcov.ge հատուկ կայքում: Վերականգնված մարդկանց թիվը ավելացավ 19-ով և դարձավ 624:

Կարանտին ռեժիմում կա 4949 մարդ, իսկ հսկողության տակ գտնվող հիվանդանոցում `301 մարդ:

Վրաստանում 12 մարդ մահացել է կորոնավիրուսից:

10 տարի առաջ հստակ պահանջել եմ Ռուսաստանի զորքը դուրս բերել և 10 տարի անց աջակցում եմ Վրաստանի տարածքային ամբողջականությանը,- այս մասին ահյտարարել է Գերմանիայի կանցլեր Անգելա Մերկելը՝ Վրաստանի կառավարության վարչությունում վարչապետ Մամուկա Բախտաձեի հետ ընդլայնված ձևաչափի հանդիպման ավարտից հետո:

«Ուրախ եմ, որ այսօր գտնվում եմ Վրաստանում: Վերջին անգամ այստեղ եղել եմ 10 տարի առաջ: Այն ժամանակ կնքվել է Հրադադարի մասին պայմանագիր: Հստակ պահանջել եմ Ռուսաստից զորքը դուրս բերել և իհարկե, 10 տարի անց աջակցում եմ Վրաստանի տարածքային ամբողջականությանը: Որքան կկարողանանք, մեր ներդրումը կունենանք այս խնդիրը լուծելու հարցում»,- հայտարարել է Մերկելը:

Աղբյուր՝ 1tv.ge

Ֆինանսների նախարարության եկամուտների ծառայության սահմանապահները  «Վալե» անցակետում հայտնաբերել են չգրանցված 10 կգ ոսկի եւ զարդեղեններ։

Վրաստանի սահմանում չգրանցված ու անօրեն կերպով ներկրված ոսկին գտնվել է Հայաստանի քաղաքացի  Ա․Հ․-ի մեքենայում։

Տվյալ  իրերը հետաքննչական աշխատանքներ կատարելու նպատակով հանձնվել են Վրաստանի ֆինանսների հետաքննչական ծառայությանը։ Տեղեկատվությունը նկարի հետ միասին տարածում է Ֆինանսների նախարարության կայքը։

Akhaltskha.Net