08.07.2023

Ուկրաինան և Թուրքիան ռազմական արդյունաբերության ոլորտում փոխըմբռնման հուշագիր են ստորագրել։ Այդ մասին հայտնել են Ուկրաինայի նախագահի մամուլի ծառայությունից։ Հուշագիրը ստորագրել են Ուկրաինայի արդյունաբերության ռազմավարական ճյուղերի հարցերով նախարար Ալեքսանդր Կամիշինը և Թուրքիայի արդյունաբերության և տեխնոլոգիաների նախարար Մեհմեդ Ֆաթիհ Քաջիրը: Համագործակցության առանցքային ուղղություններից են անօդաչու թռչող սարքերի արտադրության կարողությունների զարգացումը, տարբեր տեսակի ԱԹՍ-ների արտադրության ավելացումը, տիեզերական տեխնոլոգիաները։

Վրաստանի վարչապետ Իրակլի Ղարիբաշվիլիի հետ Բաթում քաղաքի Կենտրոնական մարզադաշտում հետևում ենք ՈւԵՖԱ-ի Եվրոպայի մինչև 21 տարեկանների առաջնության եզրափակիչ՝ Անգլիա-Իսպանիա մրցավեճին: Այս մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը և կից լուսանկարներ հրապարակել։    

Ռուսական խաղաղապահ զորախումբը Մարտունու շրջանում հրադադարի ռեժիմի մեկ խախտում է արձանագրել, տուժածներ չկան։ Այդ մասին նշված է Ռուսաստանի պաշտպանության նախարարության պաշտոնական տեղեկագրում: «Ռուսական խաղաղապահ զորակազմի հրամանատարությունը ադրբեջանական և հայկական կողմերի հետ փաստի վերաբերյալ համատեղ քննություն է անցկացնում»,- ասված է հաղորդագրության մեջ։

ՀՀ ԱԳ նախարար Արարատ Միրզոյանը մասնակցում է Դուբրովնիկի համաժողովին։  «Այժմ մենք խոսում ենք համաշխարհային խառնաշփոթի, ինչպես նաև միջազգային իրավունքի, միջազգային կանոնների խախտման մասին։ Մենք այդ մասին խոսում ենք 2020 թվականից, երբ Լեռնային Ղարաբաղում Ադրբեջանի կողմից ագրեսիվ պատերազմ սկսվեց։ Մի քանի անգամ ներխուժման է ենթարկվել Հայաստանի Հանրապետության ինքնիշխան տարածքը»,- Twitter-ի իր միկրոբլոգում գրել է ԱԳ նախարարը։

ԱՄՆ-ն ու Ռուսաստանը բանակցում են բանտարկյալների, այդ թվում՝ The Wall Street Journal թերթի լրագրող Էվան Գերշկովիչի փոխանակման շուրջ։ Այս մասին հայտնել է The New York Times-ը՝ վկայակոչելով ԱՄՆ նախագահի ազգային անվտանգության հարցերով խորհրդական Ջեյք Սալիվանի հայտարարությունը։ Վերջինիս խոսքով՝ Ռուսաստանի հետ բանտարկյալների փոխանակման հարցի շուրջ քննարկումները շարունակվում են, սակայն դեռ չեն հանգեցրել խնդրի լուծման հստակ մեխանիզմի։…

Ֆրանսիայի արտաքին գործերի նախարարությունն անհիմն և միակողմանի է որակել ՄԱԿ-ի ռասայական խտրականության վերացման կոմիտեի հայտարարությունները, որը Փարիզից պահանջել է վերացնել ռասայական խտրականության համակարգային պատճառները ոստիկանությունում: «Ֆրանսիան իր անհամաձայնությունն է հայտնում ավելորդ մեկնաբանությունների կապակցությամբ և ափսոսանք է հայտնում, որ վերջին օրերին ոստիկանության և այլ անձանց նկատմամբ իրականացված չարդարացված բռնությունը մոռացվել է։ Ֆրանսիայի իրավապահ մարմինների աշխատակիցների կողմից…

Հուլիսի 7-ին ռուսական ռուբլին չափավոր բարձրացել է երկարժութային զամբյուղի նկատմամբ նավթի թանկացման ֆոնին և հանգստյան օրերից առաջ։ ԱՄՆ դոլարի փոխարժեքը կազմել է 91,25 ռուբլի, ինչը 1,05 ռուբլով ցածր է նախորդ սակարկությունների փակման մակարդակից: Միևնույն ժամանակ եվրոն արժեցել է 100,35 ռուբլի՝ թանկանալով 35 կոպեկով։ Երկարժութային զամբյուղի արժեքը նվազել է 41,86 կոպեկով՝ հասնելով 95,35 ռուբլու։ Չինական յուանի…

Ռուսական ուժերը հուլիսի 8-ի գիշերը անօդաչուներով հարվածներ են հասցրել Կրիվոյ Ռոգ քաղաքին՝ հայտնել է Դնեպրոպետրովսկի մարզային ռազմական վարչության ղեկավար Սերգեյ Լիսակը։ Նա տեղեկացրել է, որ հարվածների հերևանքով ավերվել է գյուղատնտեսական ձեռնարկություն, հրդեհներ են բռնկվել, կրակն ընդգրկել է 360 քմ տարածք, վիրավորվել է մեկ մարդ, նրա վիճակը միջին ծանրության է։ Նշվում է, որ ոչնչացվել է նաև…

ՀՀ արտգործնախարար Արարատ Միրզոյանը Twitter-ի իր միկրոբլոգում գրառում է կատարել։ «Դուբրովնիկի համաժողովի ընթացքում Հայաստանի և Եվրոպայի խորհրդի միջև համագործակցության և ընթացիկ մարտահրավերների շուրջ մտքեր փոխանակեցի Եվրոպայի խորհրդի գլխավոր քարտուղար Մարիա Պեյչինովիչ Բուրիչի հետ»,- տեղեկացրել է ԱԳ նախարարը։   ՀՀ արտաքին գործերի նախարար Արարատ Միրզոյանը Խորվաթիայում մասնակցում է Դուբրովնիկի համաժողովին:

Ուկրաինայի և Թուրքիայի նախագահների` Վոլոդիմիր Զելենսկու ու Ռեջեփ Թայիփ Էրդողանի միջև երկկողմ հանդիպումն ավարտվել է: Էրդողան-Զելենսկի հանդիպումը տևել է 2 ժամ 30 րոպե: Բանակցություններից հետո Էրդողանը հանդես է եկել հայտարարությամբ: Նա նշել է, որ Թուրքիան հույս ունի` սևծովյան հացահատիկային նախաձեռնությունը կերկարաձգվի: Էրդողանը հայտարարել է, որ Թուրքիան կշարունակի Ուկրաինային ցանկացած տեսակի աջակցություն ցուցաբերել: Նրա խոսքով` հացահատիկային…

Արդարադատության միջազգային դատարանը միաձայն վերահաստատեց իր վճիռը՝ Ադրբեջանին պարտավորեցնելու ապահովել անարգել մուտքը Լաչինի միջանցք՝ Twitter-ի իր միկրոբլոգում գրել է ՀՀ ԱԳՆ խոսնակ Անի Բադալյանը։ «Դատարանի որոշումը, որը հստակ է և չի փոխվել 2023 թ․ փետրվարի 22-ից ի վեր, պետք է ամբողջությամբ կատարվի Ադրբեջանի կողմից՝ առանց տեքստի որևէ շահարկումների և կեղծ մեկնաբանությունների»,- գրել է Բադալյանը: @CIJ_ICJ…

Նիդերլանդների կառավարությունը՝ վարչապետ Մարկ Ռյուտեի գլխավորությամբ, հրաժարական է ներկայացրել: Նա տեղեկացրել է, որ կառավարության հրաժարականի դիմումը թագավորին կհանձնի մոտ ժամանակներս։ Ռյուտեն հավելել է, որ Հոլանդիայի իշխող կոալիցիայի փլուզումը կապված է միգրացիոն քաղաքականության հարցում տարաձայնությունների հետ: «Սա ծայրահեղ հիասթափություն առաջացնող քաղաքական իրողություն է», — նշել է նախարարների կաբինետի ղեկավարը։ Հանուն ազատության և ժողովրդավարության ժողովրդական կուսակցությունը, որի…

Շանհայի համագործակցության կազմակերպության անդամների թիվն ավելացավ ևս մեկով: Կառույցի 9-րդ անդամը դարձավ Իրանը, որը 2005 թվականից կազմակերպությունում ուներ դիտորդ երկրի կարգավիճակ: Իրանագետ Գարիկ Միսակյանի գնահատմամբ՝ ՇՀԿ-ին Իրանի անդամակցությունն ունի և՛ քաղաքական, և՛ տնտեսական նպատակ, այն կարող է նոր հարթակ դառնալ արևմտյան պատժամիջոցների բեռը թեթևացնելու համար: Գարիկ Միսակյան (իրանագետ) — Իրանի գերխնդիրներից մեկն է նաև արտարժույթ…