Հոկտեմբերի 2023

Եվրոպական խորհրդի նախագահ Շառլ Միշելը հեռախոսազրույց է ունեցել Ադրբեջանի նախագահ Իլհամ Ալիևի հետ: Այս առիթով X-ի իր միկրոբլոգում նա գրել է. «Բրյուսելյան հանդիպմանն ընդառաջ` ես զանգահարեցի նախագահ Ալիևին, նրան փոխանցեցի ԵՄ հավատարմությունը Հայաստան-Ադրբեջան հարաբերությունների կարգավորման գործընթացին: Վերահաստատեցի տարածքային ամբողջականության ու ինքնիշխանության փոխադարձ հարգանքի, ինչպես նաև սահմանների սահմանազատման ուղղությամբ առաջընթացի անհրաժեշտությունը: Ընդգծեցի նաև ԼՂ հայերի իրավունքների…

Ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել՝ նշված է Ռուսաստանի պաշտպանության նախարարության ամենօրյա պաշտոնական տեղեկագրում: «Զինաթափման և կողմերի շփման գծից հետ քաշվելու պայմաններում Ասկերանի շրջանում մեկ դիտակետ ապամոնտաժվել է»,- հայտնել են ՌԴ ՊՆ-ից:

ԱՄՆ նախագահ Ջո Բայդենը և Իսրայելի վարչապետ Բենյամին Նեթանյահուն հեռախոսազրույց են ունեցել, քննարկել Գազայի հատվածի կողմից Իսրայելի տարածքի զանգվածային գնդակոծությունը: Իսրայելի վարչապետը հայտարարել է Պաղեստինում երկարատև ռազմական գործողություն անցկացնելու անհրաժեշտության մասին: Բայդենը աջակցություն է հայտնել այդ ծրագրին: Ավելի վաղ Իսրայելի ազգային անվտանգության խորհուրդը միաձայն հավանություն է տվել Գազայի հատվածում ցամաքային գործողություն սկսելուն: ԱՄՆ պետքարտուղար Էնթոնի Բլինքենը…

Ռուսաստանի նախագահ Վլադիմիր Պուտինը, Ուզբեկստանի նախագահ Շավքաթ Միրզիյոևը և և Ղազախստանի նախագահ Կասիմ Ժոմարտ Տոկաևը համատեղ տվել են երկու երկրներին ռուսական գազի մատակարարման մեկնարկը: «Գազպրոմի» ղեկավար Ալեքսեյ Միլլերը հիշեցրել է, որ համապատասխան պայմանագրերը ստորագրվել են այս տարվա հունիսին, որից հետո կողմերն անմիջապես անցել են ինտենսիվ աշխատանքի: «Աշխատանքների ողջ համալիրը կատարվել է հնարավորինս կարճ ժամկետներում՝ 3,5…

ԱՄՆ իշխանությունները մտադիր են Իսրայելին տրամադրել այն ամենը, ինչ անհրաժեշտ է այդ երկրի տարածքի գնդակոծություններից պաշտպանվելու համար՝ ասված է ԱՄՆ պաշտպանության նախարար Լլոյդ Օսթինի հայտարարության մեջ։ «Ես ուշադիր հետևում եմ Իսրայելում տեղի ունեցող զարգացումներին։ Իսրայելի ինքնապաշտպանության իրավունքին մեր հանձնառությունը շարունակում է անսասան մնալ: Հաջորդող օրերին Պենտագոնը կաշխատի Իսրայելին ապահովել այն ամենով, ինչի կարիքը վերջինս ունի՝…

ԼՂ-ի Նոր Ղազանչի գյուղը հայաթափված հարյուրավոր բնակավայրերից մեկն է: Գյուղից վերջինը դուրս է եկել ամենատարեց բնակիչը՝ Բաշիր Առուշանյանը, 20 կիլոմետր քայլել հարևան գյուղ հասնելու համար: Երկար է եղել նաև Հայաստան հասնելու ճանապարհը: Ինը տասնամյակը բոլորած արցախցին թեպետ միայնակ է ապրել, բայց սեփական ձեռքերով մշակած այգի ու տնտեսություն է թողել: Հեղինակ՝ Էմիլյա Հոսյան

ՀՀ ԱԺ պետական-իրավական հարցերի մշտական հանձնաժողովի նախագահի տեղակալ Արուսյակ Ջուլհակյանը Ֆեյսբուքի իր էջում տեղեկացրել է՝ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի և պաշտպանության և անվտանգության հարցերի  հանձնաժողովի անդամ Վահագն Ալեքսանյանի հետ մասնակցում է ՆԱՏՕ-ի խորհրդարանական վեհաժողովի 69-րդ տարեկան նստաշրջանին: «Գործընկերներիս՝ Անդրանիկ Քոչարյանի և Վահագն Ալեքսանյանի հետ մասնակցում ենք ՆԱՏՕ խորհրդարանական վեհաժողովի 69-րդ…

Հայաստանի տարբեր բուժհաստատություններում իրենց առողջության վերականգնումը շարունակում է Լեռնային Ղարաբաղից բռնի տեղահանված 302 բուժառու: Նրանցից 113-ի վիճակը շարունակում է ծանր մնալ, 11-ինը՝ ծայրահեղ ծանր: Այդ մասին ճեպազրույցի ժամանակ ասաց ՀՀ վարչապետի մամուլի քարտուղար Նազելի Բաղդասարյանը՝ ներկայացնելով ԼՂ-ից բռնի տեղահանվածների առողջական վիճակը: Վերակենդանացման բաժանմունքներում շարունակում է գտնվել 5 երեխա, ևս 8 երեխայի բուժումը շարունակվում է սովորական…

Ադրբեջանի նախագահ Իլհամ Ալիևը հեռախոսազրույցի ընթացքում շնորհավորել է Ռուսաստանի նախագահ Վլադիմիր Պուտինին՝ ծննդյան օրվա կապակցությամբ: Պետությունների ղեկավարները նշել են տարբեր ոլորտներում երկրների միջև բարեկամական հարաբերությունների զարգացումը, քննարկել համագործակցության հեռանկարներն ու նոր շփումների հետ կապված հարցեր:

Տեղի է ունեցել ՀՀ վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ: Քննարկվել են Լեռնային Ղարաբաղի հայության բռնի տեղահանությունից հետո ստեղծված իրավիճակը, երկկողմ օրակարգի մի շարք հարցեր: Վարչապետ Փաշինյանը ՌԴ նախագահին շնորհավորել է ծննդյան օրվա առիթով:

Հանրապետության նախագահ Վահագն Խաչատուրյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին ծննդյան օրվա կապակցությամբ։ Ուղերձում ասվում է. «Հարգելի Վլադիմիր Վլադիմիրովիչ, Ընդունեք իմ անկեղծ շնորհավորանքները ծննդյան օրվա կապակցությամբ: Մեր ժողովուրդները կապված են բարեկամության և համագործակցության դարավոր ավանդույթներով։ Համոզված եմ, որ Հայաստանի և Ռուսաստանի միջև հարաբերությունների հետագա զարգացմանն ուղղված կառուցողական ջանքերը կարևոր ներդրում կունենան մեր…

Թուրքիայի ռազմաօդային ուժերը Սիրիայի հյուսիսում օդային հարվածներ են հասցրել Քրդստանի աշխատավորական կուսակցության և նրա սիրիական թևի՝ «Ժողովրդական ինքնապաշտպանության ուժերի» օբյեկտներին՝ հայտնել են թուրքական լրատվամիջոցները: Նշվում է, որ գործողությունը, որին ներգրավված է եղել 30 մարտական ինքնաթիռ, սկսվել է հինգշաբթի երեկոյան: Հարվածներ են հասցվել ՔԱԿ-ի զինյալների բազաներին, նրանց պատկանող նավթահորերին և վառելիքաքսուքային նյութերի պահեստներին՝ Թել-Ռիֆաաթ, Ջիզիր և…

Լեռնային Ղարաբաղից բռնի տեղահանված 100 632 անձ է ժամանել Հայաստան, ներկայումս իրականացվում է տվյալների հաշվառման և նույնականացման գործընթաց: Ըստ Քաղաքացիության և միգրացիայի ծառայության տվյալների՝ այս պահին 99,3 տոկոսի տվյալները մշակված են, նրանք հաշվառված և նույնականացված են: Այս մասին հայտնեց ՀՀ վարչապետի մամուլի քարտուղար Նազելի Բաղդասարյանը՝ ներկայացնելով Լեռնային Ղարաբաղից բռնի տեղահանված մեր հայրենակիցներին Կառավարության հումանիտար կենտրոնի…

Գազայի հատվածից սկսված հրթիռակոծությունների և զինյալների ներթափանցման պայմաններում Իսրայելի պաշտպանության նախարար Յոավ Գալանտը կարգադրել է անվտանգության ոլորտում հատուկ դրություն սահմանել երկրի կենտրոնական և հարավային հատվածներում՝ հայտնել են հրեական պետության ՊՆ մամուլի ծառայությունից։ Հատուկ դրությունն ընդգրկում է Գազայի հատվածից մինչև 80 կմ շառավղով տարածքը, ինչպես նաև Թել Ավիվը և նրա արվարձանները, Երուսաղեմը և Նեգև անապատի մի…

ԿԽՄԿ թիմերը որոնողական աշխատանքներ են տանում ԼՂ-ում` հայտնաբերելու մարդկանց, ովքեր դեռ շարունակում են մնալ իրենց տներում` այն բանից հետո, երբ մի քանի տասնյակ հազարավոր մարդիկ լքեցին տարածաշրջանը: Այս մասին ասված է ԿԽՄԿ X-ի միկրոբլոգում: ԿԽՄԿ թիմերն օգտագործել են մեգաֆոններ` անկողնուն գամված կամ ինչ-որ այլ կերպ իրենց տներում մնացած մարդկանց հայտնելու համար, որ հումանիտար աջակցությունը հասանելի…

Փարաքար համայնքում կամավորները օգնել են ԼՂ-ից բռնի տեղահանված ընտանիքների առաջնային կարիքները գնահատելու հարցում: Մանրամասները՝ Կառավարության տեսանյութում:

Իսրայելի պաշտպանության բանակը հայտարարել է Գազայի հատվածից սահմանամերձ շրջաններ «անորոշ թվով» զինյալների ներթափանցման մասին: Ականատեսները հաղորդում են փողոցային մարտերի մասին: Իսրայելի բնակչուհին մահացել է Գազայի հատվածից հրթիռակոծման հետևանքով: Իսրայելի պաշտպանության բանակը, ինչպես հաղորդում են զինվորականները, բերվել է պատերազմական պատրաստականության վիճակի:

ԱՄՆ մի շարք կոնգրեսականներ դատապարտել են Լեռնային Ղարաբաղում Ադրբեջանի իրականացրած էթնիկ զտումը, նաև ԱՄՆ նախագահ Ջո Բայդենի վարչակազմից պահանջել պատասխանատվության ենթարկել Բաքվին։ Կոնգրեսականները Գրանադայի հանդիպմանը մասնակցելուց Ալիևի հրաժարվելը համարել են ևս մեկ ազդանշան, որ նա էթնիկ զտումների արշավը չի դադարեցնի: Ուստի ամերիկյան օրենսդիրներն ընդգծել են, որ Միացյալ Նահանգները պետք է կասեցնի Բաքվին ԱՄՆ-ի ռազմական օգնությունը,…

Պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ: Այս մասին հայտնում են ԱՄՆ պետքարտուղարությունից: Զրուցակիցներն ընդգծել են, որ ԱՄՆ-ն ու Թուրքիան ունեն ընդհանուր նպատակ` պայքար ահաբեկչական սպառնալիքների դեմ: «Անկախ հանգամանքից` որտեղ են այդ սպառնալիքները` Սիրիայում, Իրաքում, թե մեկ այլ վայրում, դրանք խաթարում են ԱՄՆ-ի, Թուրքիայի և մեր դաշնակիցների անվտանգությունը»,- ասել է…

Ռուսական խաղաղապահ զորակազմի պատասխանատվության գոտում հրադադարի ռեժիմի խախտումներ չեն արձանագրվել, հայտնում է ՌԴ պաշտպանության նախարարությունը։ «Օրվա ընթացքում դիտակետերը կողմերի շփման գծից հետ քաշելու և զինաթափելու կապակցությամբ փակվել է երկու դիտակետ Շուշիի և Ասկերանի շրջաններում և ևս մեկ ժամանակավոր դիտակետ՝ Մարտակերտի շրջանում»,- գրված է ամփոփագրում։

Հոկտեմբերի 6-ին Ղրղզստանի հյուսիսում գտնվող Բալիկչի քաղաքի մոտ մեկնարկել են ՀԱՊԿ-ի «Անխախտ եղբայրություն» զորավարժությունները: Հայաստանը չի մասնակցում զորավարժանքներին, հայտնել է Ղրղզստանի պաշտպանության նախարարությունը։ ՀԱՊԿ անդամ մյուս հինգ երկրների մասնակցությամբ զորավարժությունները կտևեն մեկ շաբաթ:

ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանին կոչ է արել մեծացնել միջազգային աջակցությունն ու մարդասիրական օգնությունը Հայաստանում ապաստանած Լեռնային Ղարաբաղի ավելի քան 100000 հայերին։ «ԵԱՀԿ գործող նախագահն ի գիտություն ընդունելով հոկտեմբերի 1-ին ՄԱԿ-ի ներկայացուցիչների այցը Ստեփանակերտ, այն կարծիքն է հայտնել, որ տեղում միջազգային ներգրավվածության վերաբերյալ քննարկումները պետք է շարունակվեն, անկախ միջազգային դիտորդական…

Israel Aerospace Industries-ի հետ գործարքի շրջանակում Ադրբեջանի տիեզերական գործակալությունը՝ Azercosmos-ը, ձեռք է բերել երկու բազմասպեկտրալ էլեկտրաօպտիկական լրտեսական արբանյակ: Ձեռքբերումը նախատեսված է Ադրբեջանի հնարավորությունները դիտարկման և տեղազննման ոլորտում ուժեղացնելու համար, հայտնում են ադրբեջանական լրատվամիջոցները։ Ե՛վ Azercosmos-ը, և՛ Israel Aerospace Industries-ը, որոնք տեղակայված են Թել Ավիվի տարածքում, լռում են արբանյակի կոնկրետ մոդելի կամ պայմանագրի ճշգրիտ ֆինանսական պայմանների…

Մոտ ժամանակներս Ադրբեջանում ՄԱԿ-ի մշտական ​​համակարգողի գրասենյակը կազմակերպության համապատասխան մասնագիտացված գերատեսչությունների ներկայացուցիչների հետ կրկին կայցելի Լեռնային Ղարաբաղ։ Ադրբեջանական լրատվամիջոցները հայտնում են, որ, այդ մասին հոկտեմբերի 6-ին հայտարարվել է Իլհամ Ալիևի և Առողջապահության համաշխարհային կազմակերպության Եվրոպական տարածաշրջանային գրասենյակի տնօրեն Հանս Հենրի Կլյուգեի հանդիպման ժամանակ։

Ադրբեջանի մարդու իրավունքների պաշտպանն այցերի շրջանակներում ընդունել է ԼՂ ԱԳ նախկին նախարար Դավիթ Բաբայանին։ Ըստ ադրբեջանական լրատվամիջոցների՝ այցը տեղի է ունեցել հոկտեմբերի 3-ին: Հաղորդվում է, որ օմբուդսմենն անհատապես լսել է Դավիթ Բաբայանին, ուսումնասիրվել են նրա պահման և բուժման պայմանները։ Ըստ աղբյուրների՝ Բաբայանին ապահովել են փաստաբանով։ 

Շիրակի մարզում ապաստանել է մոտ 3600 բռնի տեղահանված: Ավելի քան 2000 արցախցիների իր հարկի տակ է ընդունել Գյումրին՝ ապահովելով կացարանով: Մոտ 500 քաղաքացու քաղաքապետարանն ապահովում է սննդով, ցուցակագրում նաև մեր հայրենակիցների կարիքները: Ադրբեջանական ռմբակոծություններից փրկվածներն արդեն երկրորդ անգամ են իրենց տները լքում, մտածում են Գյումրիում վերջնական հաստատվելու մասին: Մանրամասները՝ տեսանյութում:

Իրանի ճանապարհների ու քաղաքաշինության նախարար Մեհդի Բազրփաշը երկօրյա այցով Ադրբեջանում է՝ այս տարվա հուլիսին կայացած Իրան-Ադրբեջան տնտեսական համագործակցության հանձնաժողովի նիստում հաստատված նախագծերն իրականացնելու համար։ Նրան դիմավորել է Ադրբեջանի փոխվարչապետ Շահին Մուստաֆաևը։   Պաշտոնյաները առանձնազրույց են ունեցել, քննարկել երկկողմ հարաբերություններին, տրանսպորտային ենթակառուցվածքներին և տարածաշրջանային իրավիճակին առնչվող հարցեր: Մեհդի Բազրփաշը նշել է, որ երկու երկրի հարաբերությունները բնականոն…

Հաագայում ՄԱԿ-ի Արդարադատության միջազգային դատարանը հոկտեմբերի 12-ին լսումներ է նշանակել Ադրբեջանի դեմ Հայաստանի հայցի վերաբերյալ՝ Ռասայական խտրականության վերացման մասին կոնվենցիայի համաձայն, Լեռնային Ղարաբաղում տիրող իրավիճակի հետ կապված, ասվում է դատարանի հաղորդագրության մեջ։ Հայաստանը կոչ է արել դատարանին ժամանակավոր միջոցներ կիրառել Բաքվի դեմ։ Իր հայցում Երևանը խնդրում է դատարանին պարտավորեցնել Բաքվին զերծ մնալ ցանկացած միջոցից, որը…

Եվրամիությունը չպետք է գազ գնի Ադրբեջանից, քանի որ Լեռնային Ղարաբաղում Բաքվի իրականացրած ռազմական գործողություններից հետո հանրապետությունն անհուսալի գործընկեր է: Այդ մասին Գրանադայում Եվրոպական քաղաքական համայնքի գագաթնաժողովի շրջանակում լրագրողներին ասել է Եվրախորհրդարանի ղեկավար Ռոբերտա Մեցոլան։ «Մենք չենք կարող անցնել մի անվստահելի էներգետիկ գործընկերոջից մյուսը: Սա մեր դիրքորոշումն է»,- ասել է նա: Ավելի վաղ Politico թերթը, հղում…

ԱՄՆ մի խումբ կոնգրեսականներ նամակ են հղել պետքարտուղար Էնթոնի Բլինքենին և ԱՄՆ Միջազգային զարգացման գործակալության տնօրեն Սամանտա Փաուերին, որում կոչ են արել շարունակել ԱՄՆ դիվանագիտական ներգրավվածությունը Հարավային Կովկասում, այն է՝ անվտանգային աջակցություն ցուցաբերել Հայաստանին, կոնկրետ քայլեր ձեռնարկել Հայաստանի տարածքային ամբողջականությունը պահպանելու ուղղությամբ, կասեցնել Ադրբեջանին ռազմական օգնությունն ու շարունակել հումանիտար աջակցություն ցուցաբերել ԼՂ-ից բռնի տեղահանված անձանց:…