23.08.2025

Ուկրաինայի նախագահ Վոլոդիմիր Զելենսկին հեռախոսազրույց է ունեցել Նիդերլանդների վարչապետ Դիք Սխոոֆի հետ: «Իհարկե, մենք խոսեցինք գործընկերների հետ մեր դիվանագիտական աշխատանքի և Վաշինգտոնում հանդիպումների մասին: Հիմա կա այս պատերազմը դադարեցնելու իրական հնարավորություն»,- գրել է Զելենսկին Telegram-ի իր ալիքում: Նա նշել է, որ Սխոոֆի հետ քննարկել են նաև անվտանգության երաշխիքները, հավելել՝ այժմ Ուկրաինայի, ԱՄՆ-ի և եվրոպացի գործընկերների…

Ֆրանսիայի նախագահ Էմանուել Մակրոնը տեղեկացրել է, որ հեռախոսազրույց է ունեցել Ղազախստանի նախագահ Կասիմ-Ժոմարտ Տոկաևի հետ: «Քննարկել ենք մեր ռազմավարական գործընկերության ամրապնդումը, մասնավորապես՝ տրանսպորտի և էներգետիկայի ոլորտում՝ որպես 2023 թվականի նոյեմբերին Ղազախստան կատարած իմ այցի և անցյալ տարվա նոյեմբերին նախագահ Տոկաևի Ֆրանսիա կատարած պետական այցի շարունակություն։ Քննարկել ենք նաև միջազգային իրավիճակը՝ Ուկրաինայում Ռուսաստանի վարած ագրեսիվ պատերազմը,…

Իսրայելը նոր ավիահարվածներ է հասցրել Գազայի հատվածին, որոնք շուրջ երկու տասնյակ մարդու կյանք են խլել: Վերջին 24 ժամվա ընթացքում զոհերի թիվը գերազանցել է 70-ը: ՄԱԿ-ի կազմակերպությունները պաշտոնապես հայտարարել են Գազայում սովի առկայության մասին՝ չնայած Իսրայելը հերքում է դա: Իսրայելի պաշտպանության նախարարն ավելի վաղ հայտարարել էր, որ իշխանությունները հաստատել են Գազայում ՀԱՄԱՍ-ին ջախջախելու պլանները: Իսրայել Կացը…

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Ռուսաստանի արտաքին գործերի նախարար Սերգեյ Լավրովի հետ: Քննարկվել են երկկողմ և բազմակողմ օրակարգի, քաղաքական, տնտեսական և հումանիտար համագործակցության, ինչպես նաև տարածաշրջանային և միջազգային անվտանգության հարցեր: Կողմերը մտքեր են փոխանակել օգոստոսի 22-ին Աստրախանում տեղի ունեցած` Ադրբեջանի և Ռուսաստանի տնտեսական համագործակցության միջկառավարական հանձնաժողովի նիստի վերաբերյալ: Անդրադարձ է եղել…

Իտալիայի դեսպանը կանչվել է Ֆրանսիայի արտգործնախարարություն՝ փոխվարչապետ Մատեո Սալվինիի կողմից Ֆրանսիայի նախագահ Էմանուել Մակրոնի մասին արված հայտարարություններից հետո, որոնք Փարիզը որակել է «անընդունելի»: Վերջերս Միլան կատարած այցի ժամանակ Սալվինիին հարց էին ուղղել «Կամեցողների կոալիցիայի» կողմից Ուկրաինայում իտալական զորքեր տեղակայելու հնարավորության մասին: Իտալիայի փոխվարչապետը պատասխանել էր, թե Ֆրանսիայի նախագահը «թող ինքը գնա այնտեղ, սաղավարտ հագնի ու…

Հեռախոսազրույց են ունեցել Իրանի և Ռուսաստանի արտգործնախարարները: Իրանի ԱԳՆ հաղորդագրության համաձայն՝ Սեյեդ Աբբաս Արաղչին և Սերգեյ Լավրովը մտքեր են փոխանակել Իրանի միջուկային ծրագրի, մասնավորապես՝ Իրանի դեմ պատժամիջոցների հնարավոր վերականգնման, ինչպես նաև Իրանի և Ատոմային էներգիայի միջազգային գործակալության համագործակցության վերաբերյալ: Իրանի արտգործնախարարը ներկայացրել է Իրանի սկզբունքային դիրքորոշումը ՄԱԿ-ի ԱԽ 2231 բանաձևի երկարաձգման վերաբերյալ և ընդգծել, որ…

Ռուսաստանի, Ադրբեջանի, Հայաստանի և Թուրքիայի միջև երկաթուղային ցանցի ընդլայնումը զգալի դրական ազդեցություն կունենա տարածաշրջանային առևտրի վրա՝ ամրապնդելով Հարավային Կովկասի բոլոր երկրների համագործակցությունն ու տնտեսական կապերը: Այդ մասին հայտարարել է Թուրքիայի նախագահ Ռեջեփ Էրդողանը Կարս–Իգդիր–Արալըք–Դիլուջու երկաթուղային գծի շինարարության մեկնարկի արարողության իր ուղերձում: Նրա խոսքով՝ երկաթգիծը նոր տրանսպորտային կապ կապահովի Թուրքիայի և Ադրբեջանի միջև, կամուրջ կդառնա Թուրքիայի,…

Դոնալդ Թրամփը չի բացառել ո՛չ Մոսկվայի դեմ նոր պատժամիջոցների սահմանումը, ոչ էլ ոչինչ չձեռնարկելը. դա կախված կլինի ռուս-ուկրաինական հակամարտությանը վերջ դնելու գործում առաջընթացից: Թրամփի խոսքով՝ ամեն ինչ պարզ կլինի երկու շաբաթից: «Այդ ժամանակ ես որոշում կկայացնամ հետագա անելիքների վերաբերյալ: Դա կարող է լինել խոշոր պատժամիջոցների կամ մաքսատուրքերի սահմանում, կամ երկուսը միասին: Կամ գուցե մենք ոչինչ…

Ուգանդան համաձայնության է եկել ԱՄՆ-ի հետ՝ ընդունելու արտաքսված միգրանտներին, եթե նրանք չունեն քրեական անցյալ և անչափահաս չեն։ Այս մասին հայտնել են երկրի պաշտոնյաները։   Ըստ Ուգանդայի ԱԳ նախարարության հայտարարության՝ կողմերը մշակում են համաձայնագրի մանրամասները։ Ուգանդայի ԱԳ նախարարը Associated Press-ի հետ զրույցում նշել է, որ չնայած ունեն փախստականների նկատմամբ բարեհամբույր քաղաքականությամբ, սակայն կան որոշ սահմանափակումներ։ Նաև…

Պրն. Զաքարեաշվիլի ինչպե՞ս եք կարծում, Վրաստանը ինչպե՞ս է տեսնում Վաշինգտոնում ստորագրված եռակողմ հռչակագիրը։ — Վրաստանը անկասկած շահագրգռված է Կովկասում խաղաղությամբ, քանի որ առևտրային միջանցքները, կամուրջները և ճանապարհները կգրավեն համաշխարհային բիզնեսի հետաքրքրությունը, և Վրաստանը միայն կշահի դրանից։ Խաղաղ տարածաշրջանը կարող է ազդել նաև Վրաստանի ներքին կայունության վրա։ Նաեւ կայունության վրա ամբողջ տարածաշրջանում։ Ի՞նչ կարծիքի եք նախագծերի…

ԱՄՆ նախագահ Դոնալդ Թրամփը հայտարարել է, որ նախատեսում է մասնակցել Վաշինգտոնի փողոցների պարեկությանը։ «Ես որոշել եմ այսօր երեկոյան ոստիկանության և զինվորականների հետ դուրս գալ փողոց։ Մենք կկատարենք այդ աշխատանքը»,- ասել է նա Թոդ Սթարնսի (KWAM) ռադիոհաղորդման ժամանակ։ Bloomberg-ի փոխանցմամբ՝ Սպիտակ տան խոսնակը ավելի ուշ հաստատել է Թրամփի ծրագրերը։ Այլ մանրամասներ չեն հաղորդվում։ Ավելի վաղ Թրամփը…